Yowel 2:1 - KITAWO MALEŊ

¹ Kudhi win gwara i Zayon; koki win gi derino wi got ma leŋo paran! Weyi ji je ma jobedo i Yuda jowokirin, kole ndelo pa Rwoth cegin tundo, orikere.

KITAWO MALEŊ Catholic

¹ Kudhi win gwara i Zayon; koki win gi derino wi got ma leŋo paran! Weyi ji je ma jobedo i Yuda jowokirin, kole ndelo pa Rwoth cegin tundo, orikere.

Yowel 2:1 ပူးပေါင်းရင်းမြစ်များ

1 Kigana kwoŋ Kerin 15:28

Ameno Joisiraili jokelo malo Kakan ma Cikirok pa Rwoth gi koko ma siemirok, derino ma gwara, milowe, ndara kodi wer ma tongol.

Zabuli 119:120

Delkwoŋan kirin ro lworo rin, aka thumo banja perin bwokan.

Zabuli 87:1

Rwoth ogeto tindi pere madwoŋ wi got maleŋ;

Kitawo mar'ario mapa Musa m'ilwoŋo ni Wok 10:14

Jobino i tome to jopoto i piny gibe. Obedo tome bonyo m'oyido fodi k'oneni, kosa kilaneno kendo.

Isaya 13:6

Ywak win, kole ndelo pa Rwoth cegin, labino paka rerok wok bongi Jameni je!

Isaya 13:9

Neni, ndelo pa Rwoth bino, mager, gi keme kodi nge ma kelo lworo, loko piny abar, reyo woko joreco wok'iye.

Isaya 2:12

Kole Rwoth pa lwak jolweny nigi ndelo, kwoŋ jodelok je gi jopakirok, gi kwoŋ kisi dhano ma janoro, aka iladwoko go piny.

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Isaya 66:5

Winji win wac pa Rwoth, win ma wikirin i wac pere. Wutmin win ma jodak win, aka jobolo win woko ro nyingan, jowaco ni, “Weyi Rwoth omiy dwoŋ, ŋey wanyal neno kisangala perin” To jo am'ila ketho jo i wickwot.

Yeremia 16:10

K'inowaci rijo wac me je, to jopenjin ni, “Raŋo Rwoth oluwo gimarac madwoŋ me je kwoŋ wan? Reco mawan obedo aŋo? Reco aŋo ma watieko timo kwoŋ Rwoth Were mawan?”

Yeremia 16:7

Ongoye ŋata laturo mugat ri jaywak, ma kweyo cuny jom'okeŋ ji pajo. Ongoye ŋata lamako wor gi dhano m'okeŋ bamere kosa min.

Yeremia 4:5

Langa i Yuda, aka ituci i Yerusalem, aka iwaci ni: “Kudhi gwara i piny; koki malo aka iwaci ni, ‘Cokere win kanyacel, aka weyi wakadhi win i tindin madongo m'ogoy'iye cel!’”

Yeremia 5:22

Wikilworan? Rwoth penjo. Wikikirin ruwaŋan? Aketho kwoyo paka kew ri nam, rageŋ ma cil gi cil ma go kinyal luwo; kad'asur ma nam tem yengo, kinyal loyo gi meni, kada jomoor, jokinyal ŋado.

Ezekiel 12:23

Riameno wac rijo ni, Rwoth Were waco ama: Alamiyo ageca me worweny, aka kilaoro kendo i Isiraili. To wac rijo ni, ndelo ocore cegin, aka kisi menyirok latundo i kare.”

Ezekiel 21:12

Ywak, aka uja, wod dhano, abor me oyiki ri ji paran, kodi jodhum ma Isiraili je. Abor kidho neko jo, kanyacel gi ji paran. Awi, pay emin.

Ezekiel 30:3

Kole ndelo orikere, ndelo pa Rwoth cegin, labedo ndelo ma pondeponde, hongo ma kisika ri nonin.

Ezekiel 33:3

to ka ŋato oneno ka abor bino kwoŋ ji to kudho gwara ka gwoko ji;

Ezekiel 33:6

To ka jakur oneno abor bino, aka k'onyalo kudho gwara, to ji jobedo ma jok'ogwokere, t'abor tundo, to kwanyo mogo kwoŋ jo; ŋato kadho ro reco pere, to remo pere alakibanja kwoŋ jakur no.

Ezekiel 7:10

Eno ndelo, eno bino, kisika owok, akaka othiwo, gero oloth.

Ezekiel 7:12

Hongo obino, aka ndelo otundo, janyew wokiri wosangala, aka jamitan wokiri woywaki, kole keme nitie kwoŋ lwak pajo je.

Daniel 6:26

Amiyo or ni, i kisi adec ma ker paran, ji joripo kirin kodi lworo Were pa Daniel.” “Kole go obedo Were mar'adieri makwo, go kiwire cil gi cil, ker pere kilarere, aka dhum pere ongoye gike.

Daniel 9:16

Awi Rwoth, cungo kwoŋ tim perin m'otire, akwayin, weyi nge perin kodi keme perin, wongoye woko kwoŋ tindi perin madwoŋ Yerusalem, got perin maleŋ. Kole reco mawan kodi reco pa kwarere mawan omiyo Yerusalem kodi ji perin jolokere wickwot i dier joger mawan.

Daniel 9:20

Munyo oyido aluwo, kareno akwayo gi pusirok reco paran kodi reco pa ji paran Isiraili, gi ywak ruwaŋ Rwoth Were paran ri got maleŋ pa Were;

Hoseya 5:8

Kudhi tungi dhiaŋ i Gibeya, gi gwara i Rama. Goy ndur i Bethaven; Wire iŋiy yuŋeyin, Benyamin!

Hoseya 8:1

Kudhi win gwara! Kole ŋata cale ango nitie i ot ma Isiraili, kwoŋbedo jotieko turo cikirok paran, to joweyo timo gima cik paran waco.

Yowel 1:15

Kidamba ri ndelo no! Kole ndelo pa Rwoth orikere, aka bino paka rerok ma wok bongi Jameni Je.

Yowel 2:11

Rwoth miyo dwonde winjere, ruwaŋ jolweny pere. Lwak pere dwoŋ swa, ŋata timo wac pere dwoŋ. Adieri ndelo pa Rwoth dwoŋ, kelo lworo aka ŋa m'ocir ŋa.

Yowel 2:15

Kudhi win gwara i Zayon, loki win riyo kec maleŋ, lwoŋ win cokirok maleŋ.

Yowel 2:31

Waŋceŋ lalokere mudho, aka dwe lalokere remo, mafodi ndelo pa Rwoth madwoŋ ma kiwacere k'obino.

Yowel 3:14

Lwak ji kodi lwak ji, i milelo ma thumo banja! Kole ndelo pa Rwoth orikere, i milelo ma thumo banja.

Yowel 3:17

Wilaŋeyo nike An, Rwoth Were mewin, abedo i Zayon, got ma leŋo paran. Yerusalem labedo Kabedo Maleŋ, aka jokicar jok'oluw'iye kendo.

Amos 3:6

Gwara bende ikutho i tindi madwoŋ, to ji joweyo ma jok'obwok? Teko nyalo podho i tindi madwoŋ, ma Rwoth k'odhiro.

Amos 5:18

Kidamba riwin ma wikuro ndelo pa Rwoth. Raŋo ma wikuro ndelo pa Rwoth? Riwin bino bedo ndelo ma mudho makiweno lero.

Amos 8:2

Rwoth openjan ni, “Amos, aŋo m'ineno?” Adwoko ni, “Adita mar'olemo.” Kenyo Rwoth owaco ran ama: Gike otundo kwoŋ ji paran Isiraili. Akibino doko wiro paro kwoŋ miyo jo gir'acula.

Obadia 1:15

Ndelo cegin ma An Rwoth, abino thumo banja ri kisi piny. Edom, gim'itieko timo ibino timo rin bende, aka tim perin bino gik i wiyin.

Zefania 1:14

Ndelo madwoŋ pa Rwoth orikere, cegin aka bino mayot, derino ma ndelo pa Rwoth kec, kiri jolweny ma jomiseni loyo joywak m'ongoye geno.

Zefania 1:16

Ndelo ma gwara kodi ywak ma lweny, kwoŋ tindin madongo m'otinda, kodi kwoŋ acurcur m'oŋawere.

Zefania 1:7

Bedi liŋ ruwaŋ Rwoth Were! Kole ndelo pa Rwoth orikere, Rwoth otieko yiko cowirok, go otieko loko wendo pere maleŋ.

Zefania 3:11

I ndelo no, wik'obedi giwickwot, ro tim je m'omiyo win gwenyirok kwoŋan, kole alakwanyo woko i dier win, jonoro je, aka wik'odele kendo, wi got paran maleŋ.

Zekaria 14:1

Neni, ndelo pa Rwoth bino, ma gim'onyaga wok bongin ilapoko i dier win.

Zekaria 8:3

Me apaka Rwoth waco: Aladwoko i Zayon, aka alabedo i Yerusalem; Ilalwoŋo Yerusalem ni tindi madwoŋ ma genere, aka got pa Rwoth pa lwak jolweny, ilalwoŋo ni, got maleŋ.

Malaki 4:1

Rwoth pa lwak jolweny waco ama: Kole neni, ndelo bino, ma jonoro je gi joreco jobino liel pa kanja. I ndelo no jobino liel woko, aka ongoye gima bino doŋ kwoŋ jo.

Kwan 10:2

“Tim gwarin ario ma feza; itimi jo matek pa nyundu; aka ibino oro jo ma lwoŋo cokirok, kodi ma cego kambi.

Kwan 10:3

K'okudhi jo je, cokirok gibe jobino cokere ruwaŋin i dhiot ma Wema ma romo.

1 Jokorintho 14:8

Aka ka k'okudhi dwondi gwara m'oŋeyere, ŋa m'oyikere ri lweny?

Jofilipi 2:12

Am'omiyo, wutmera, paka noknok wiwinjo or, ki nyaka ruwaŋan kende, to tektek paka onyo angoye, tiyi win ri both mewin gi lworo kodi kirin.

1 Jothesalonika 5:2

Kole wiwegi wiŋeyo maber nike Ndelo pa Rwoth labino paka jakwo ma bino wor.

Yakobo 5:8

Aka wibende wiripo diyo cuny win. Cuny win matek rupiri ndelo ma dwoko pa Rwoth orikere nicegin.

1 Petero 4:7

Gik gimoro je orikere ocore cegin, am'omiyo bedi win milengela kendo ma widhumo kwo mewin aka winyal kwayo.

Menyirok ri Yohana 6:17

Kole ndelo ma keme pajo otundo, ŋat'onyal ciro ŋa?”