Yosuwa 5:9 - KITAWO MALEŊ

⁹ Rwoth owaco ri Yosuwa ni, “Konon atieko ŋilo woko kwoŋin wickwot ma Misir.” Aka riameno nyingi kabedo no ilwoŋo ni Gilgal tundo gunyo ni.

KITAWO MALEŊ Catholic

⁹ Rwoth owaco ri Yosuwa ni, “Konon atieko ŋilo woko kwoŋin wickwot ma Misir.” Aka riameno nyingi kabedo no ilwoŋo ni Gilgal tundo gunyo ni.

Yosuwa 5:9 ပူးပေါင်းရင်းမြစ်များ

1 Samwiri 17:26

Daudi openjo jolweny m'oyido jocungo dho bonge ni, “Aŋo m'ibino timo ri jacwo m'oneki Jafilistia me to kwanyo woko wickwot me kwoŋ Joisiraili? Rupiri Jafilistia ma k'othumere me paro ni go ŋa manyalo cayo jolweny pa Were makwo!”

Yosuwa 4:19

Ji jowok woko ma Yordan k'apar ma dwe marapena, to joketho kambi i Gilgal yuwok ceŋ ma kew gi Yeriko.

Cakirok 34:14

Jowaco rigo ni, “Wakinyali weyo nyamin wan to nywomere gi ŋata k'othumere, rupiri meno bino bedo giwickwot riwan.

Jolevi 24:14

Woth woko jaluwirok kicar kwoŋ Were no woko ma kambi; aka weyi jono je ma jowinjo munyo lamere jowokethi cingi gin i wiye, aka weyi cokirok gibe jowocadhi go gi telin.

Ezekiel 23:8

Go omedere gi gima go oyido otieko cako paka malaya, kama go otim'iye cot. Wok i nyako pere, cwo jonindo gine aka jotero go paka malaya.

Ezekiel 23:3

Munyo oyido jobedo i Misir, jotimo cot aka jolokere malayin.

Yeremia 9:25

Hongo bino, Rwoth waco, m'abino tiy'iye gi jono je ma jothumere to jok'okuro cikirok mere.

Zabuli 119:39

Bothan kwoŋ yet m'alworo, kole ithumo banja maber.

1 Samwiri 17:36

Atieko neko simbwore gi arare, aka Jafilistia ma k'othumere me bende bino tho paka ogwaŋe no; rupiri go ocayo jolweny pa Were makwo.

1 Samwiri 14:6

Yonathan owaco ri jago m'otiŋo gilweny pere ni, “Biye wakidhi i kambi pa Jofilistia ma jok'othumere me. Nyalo bedo ni Rwoth lakonyo wan; rupiri ongoye gima dhiero Rwoth botho wan kada waj'ario.”

Yosuwa 24:14

“Onyo riameno wor win Rwoth, aka witiy rigo iy'adieri kodi genirok; wikethi gicen werin ma kwarere mewin jotiyo rijo yombo Malawa kodi i Misir, aka witiy ri Rwoth.

Yosuwa 5:8

Munyo thumirok ma nono je orumo, jodoŋ i kabedo pajo i kambi cuka jocango.

1 Samwiri 7:16

Kisi oro go oyido wotho thoko Bethel, Gilgal, kodi Mizipa ka winjo banjin pa Joisiraili.

2 Samwiri 19:15

Munyo go nitie i yo dok, oromo gi cwo ma Yuda m'oyido jobino Gilgal kwaŋo go woŋadi malawa Yordan.

Mika 6:5

Awi ji paran, poyi win gima Balak kere ma Mowab oyido ocano timo riwin, kodi gima Balam wod pa Bewor odwoko go, kodi gim'otimere wok Sitim tundo i Gilgal, ŋey winyal ŋeyo tim pa Rwoth ma botho win.”

Zefania 2:8

Atieko winjo yet pa Mowab, kodi aŋala pa Amon, nger ma jotieko yeto ji paran, to jodele kwoŋ adec pajo.

Nehemia 12:29

kodi wok i Bethgilgal, Geba, kodi Azimaveth.

Hoseya 4:15

Kada witimo gikidakana, win Joisiraili, wikiri wimiy Yuda wolokere jabanja. Wikiri widonji i Gilgal, kosa wiidhi i Bethaven, aka wikiri wikwoŋere ka wiwaco ni, “Paka Rwoth kwo”.

Amos 5:5

Wikiri wirangan i Bethel, aka wikiri widonji Gilgal, kosa wikiri wiŋadi to wikidho Berseba lamo. Rupiri ji ma Gilgal jobino bedo jowiloka, aka Bethel kilabedo gimoro.