Yohana 7:28 - KITAWO MALEŊ

²⁸ Munyo Yesu fodi medere fonjo i Ot pa Were, owaco gi dwonde ma malo ni, “Wiparo ni wiŋeyan, aka wiŋeyo kiri kama awok'iye? To kole akibino ka gi meni paran won. Aka ŋat'ooran obedo jar'adieri. Wikuya go,

KITAWO MALEŊ Catholic

²⁸ Munyo Yesu fodi medere fonjo i Ot pa Were, owaco gi dwonde ma malo ni, “Wiparo ni wiŋeyan, aka wiŋeyo kiri kama awok'iye? To kole akibino ka gi meni paran won. Aka ŋat'ooran obedo jar'adieri. Wikuya go,

Yohana 7:28 ပူးပေါင်းရင်းမြစ်များ

Zabuli 9:10

Jono ma joŋeyin, Rwoth, joketho geno pajo i in, kole ikijwangi ŋata bino bongin.

Yeremia 31:34

Kendo jokilafonjere kosa waco wegi gi wegi ni, “Ŋey Rwoth.” Kole jolaŋeyan, wok i mathin tundo kwoŋ madwoŋ, Rwoth waco. Alacwako reco pajo, aka akilapoyo kendo.

Yeremia 9:6

Adica wi adica, twodo wi twodo! Jokwero ŋeyan, Rwoth waco.

Hoseya 4:1

Winji win wac pa Rwoth, win Joisiraili; kole Rwoth nitie gi misegey kwoŋ ji ma jobedo i piny. Ongoye genirok kosa kuro cikirok, aka ongoye ŋeyo Were i piny mewin.

Hoseya 5:4

Tim pajo kiyey jo gik bongi Were pajo. Kole cuny ma kidakana nitie i jo, aka jokuya Rwoth.

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Matayo 2:23

to gero peco pere i tindi ma Nazareth. Go otimo ameno ma miyo gima jatuci wac Were owaco wotundi ni, “Ibino lwoŋo go ni Janazareth.”

Matayo 26:55

Gikenyo Yesu oluwo kodi dwol ji no ni, “Oyido ripo ni wibin kodi abirin makan, paŋini a jakwo? Kole ndelo je abedo i Ot pa Were afonjo, to wikimakan.

Luka 10:22

“Baba otieko miyan gimoro je; aka ongoye ŋat'oŋeyo Wode kwanyo woko Bamere, kendo ongoye ŋat'oŋeyo Baba kwanyo woko Wode kodi joma Wode oyero nyutho jo Bamere.”

Luka 2:11

Konon i tindi pa Daudi onywol riwin Jaboth, m'obedo Kristo Rwoth.

Luka 2:39

Tekin jotieko timo gimoro je ma Cik pa Rwoth waco, jodok Galili i tindi pajo ma Nazareth.

Luka 2:4

Riameno Yozefu bende oay i tindi ma Nazareth, i Galili to kidho Yuda i tindi pa Daudi m'ilwoŋo ni Bethelehem, paka go oyido obedo ja ot pa Daudi.

Luka 2:51

Gikenyo Yesu odok gi jo Nazareth to winjo or pajo. Yokimere okano gigipiny me je iy'adundo.

Yohana 1:46

To Nathanel penjo ni, “Bende nitie gimaber manyalo wok Nazareth?” Filipo odwoko ni, “Ere biye neni.”

Yohana 10:36

onyo winowaci ri ŋata Were ooro i piny ni go luwo gima k'otire kwoŋ Were ni rupiri awaco ni abedo Wod Were?

Yohana 12:49

rupiri akiluwo gi meni paran won, to Baba am'ooran gim'aripo waco kodi luwo.

Yohana 14:10

Wikiyey, ni anitie i Baba aka Baba ni i An? Wac m'atieko waco riwin, kiwoki bongan an won. Baba ma bedo i an, ama timo tic pere.

Yohana 14:31

to piny je ripo ŋeyo nike amaro Baba; am'omiyo atimo gimoro je ma go ooran. Ere ay win, waeye woko ka.”

Yohana 16:3

Jobino timo gigipiny me riwin rupiri jokuya Baba kosa an.

Yohana 17:25

Baba M'otire, piny kuya in, t'aŋeyin aka jome joŋeyo nike Iŋat'ioran.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 3:2

Ŋato obino bongi Yesu Wor acel to waco rigo ni, “Jafonji, waŋeyo paka ibedo jafonji ma Were am'ooro. Ongoye ŋata nyalo timo gir'aura m'itimo kwanyo woko ka Were nitie gine.”

Yohana 3:33

To ŋat'otieko jolo mikwenda pere otieko niaŋo ji gi ranen nike Were obedo jar'adieri.

Yohana 5:32

to nitie ŋatiman ma cungo aka luwo kaparan, aka aŋeyo nike gima go waco kwoŋan otire.”

Yohana 5:43

E abino i meni pa Baba to wikijolan; to ka moro obin gi meni pere won, ama wibino jolo.

Yohana 6:42

Gikenyo jowaco ni, “Me won ki Yesu wod pa Yozefu, aka waŋeyo kiri bamere gi min? To raŋo ma go pama kethere waco ni oloro piny wok i polo?”

Yohana 7:14

Kalima oyido ni diere kama pek to Yesu kidho i Ot pa Were to cako fonjo.

Yohana 8:14

Yesu odwoko ni, “Be, kad'awon aluwi yuthenge paran je fodi gim'awaco otire, rupiri aŋeyo kam'awok'iye kodi kam'akidh'iye.

Yohana 8:16

To kada bedi athum banja ri nyatoro, je di thumo paran obedo mar'adieri, rupiri akinitie kendan i gime; Baba m'ooran nitie kodan.

Yohana 8:19

Jopenjo go ni, “Benin nikune?” Yesu odwoko ni, “Wikuya an kosa Baba. Bedi wiŋeyan di wiŋeyo kiri Baba bende.”

Yohana 8:26

Gigipiny dit m'aripo waco riwin odoko wac thoth m'aripo kelo kwoŋ win. To ŋat'ooran, obedo jar'adieri, aka awaco ri piny gim'awinjo wok bonge.”

Yohana 8:42

Yesu owaco rijo ni, “Bedi Were a Bawin adieri, di wimaran, rupiri awok bongi Were aka onyo an ka. Akibino gi wi tungan, to go ama ooran.

Yohana 9:29

Waŋeyo ni Were oluwo gi Musa; to jalo, wakuya kiri kama go wok'iye!”

Tim pa Jomoor 17:23

rupiri munyo awotho i tindi mewin aneno kama wilamer'iye t'aneno migam m'ondiki kwoŋe ni, ‘Ri Were ma k'oŋeyere.’ Onyo gima wilamo, kada wikuya no, ama ee atito riwin kwoŋe.

Joroma 1:28

Paka ji jokwero ketho i paro pajo rieko mar'adieri ma mako kwoŋ Were, go onyo ojala jo ri paro m'otop, ma miyo jo timo gim'oyido jokiripi timo.

Joroma 3:4

K'ameno be! Weyi Were wobedi jar'adieri kada dhano je obedi jatwodo. Paka ondiki ni, “Aka ŋey wonyuthere paka gim'iluwo otire, aka iloy banja ka i pido kodin.”

2 Jokorintho 1:18

Paka Were obedo ŋata genere, cikirok mawan gi win k'obedo Ey kodi Be.

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

Tito 1:2

m'ocungo kwoŋ geno kwo makirum. Were ma kitwodi, ociko wan kwo me con mafodi hongo k'ocakere,

Joebulaniya 6:18

Were ooro gigipiny ario me (cikirok kodi kwoŋirok) ma kinyal wire, odoko ma go kinyal twodo kwoŋe, ma nyutho gino. Am'omiyo wan ma watieko limo kagoŋirok bonge wanyalo nwaŋo miseni madwoŋ ma cwirok matek kwoŋ geno m'oketh ruwaŋ wan.

1 Yohana 5:10

Nyatoro je ma yeyo Wod Were meno ridho adieri no i cunye; to ŋata kiyey Were, meno oloko go jatwodo, rupiri go k'oyeyo gima Were owaco ma ridho adieri ma mako kwoŋ Wode.

1 Samwiri 2:12

Wot Eli oyido jobedo jokidakana, aka oyido jokilwor Rwoth.