Yohana 6:2 - KITAWO MALEŊ

² Lwak ji madwoŋ oluwo go, rupiri oyido joneno ranyuth m'otimo kwoŋ botho jotwo.

KITAWO MALEŊ Catholic

² Lwak ji madwoŋ oluwo go, rupiri oyido joneno ranyuth m'otimo kwoŋ botho jotwo.

Yohana 6:2 ပူးပေါင်းရင်းမြစ်များ

Matayo 12:15

Munyo Yesu oŋeyo gino, oeye kenyo. Ji mathoth joluwo go, to botho jotwo je,

Matayo 13:2

Paka lwak ji m'othoko go onwaŋo oasa dwoŋ, go odonjo i ye to bedo, kareno ji je jocungo i thengi pi.

Matayo 14:14

Yesu owok i ye, aka munyo oneno lwak ji, omako wor i cunye gi jo, to botho jotwo pajo.

Matayo 8:1

Munyo Yesu oloro wi got, lwak ji joluwo go.

Mariko 1:45

To jalo ocako nyayo wac no iye je, m'omiyo Yesu odoko k'onyalo donjo i tindi kamaler, to bedo gicen kama ongoye iye ji, aka kenyo ama ji jobin'iye bonge wok kaman man je.

Mariko 6:33

To ji mathoth joneno munyo jokadho, aka joŋeyo jo, riameno joredo korago gi ŋwec wok i tindi je, aka jotelo kiri tundo kenyo ri Yesu gin.

Yohana 11:47

Ameno Jofarisayo kodi jotel pa jocway ri Were i wi migam joromo kodi jopido to jowaco ni, “Watim win aŋo? Neni paka jame onyo timo gir'aura madit!

Yohana 12:18

Ji kweth jokidho romo gine rupiri jowinjo nike go otimo gir'aura no.

Yohana 12:37

Kada Yesu oyido otieko timo ranyuth madongo me i waŋ jo, je fodi jok'oyeyo go.

Yohana 2:11

Yesu otimo gir'aura marapena me i Kana i Galili; kenyo go onyuth'iye dwoŋ pere, aka jofonjirok pere joyeyo go.

Yohana 2:23

Munyo go fodi ni Yerusalem i kalima ma Kadho, ji madit joyeyo nyingi go munyo joneno ranyuth m'otimo.

Yohana 20:30

Yesu otimo ranyuth man kweth ruwaŋ jofonjirok pere ma k'ondiki i kitawo me.

Yohana 3:2

Ŋato obino bongi Yesu Wor acel to waco rigo ni, “Jafonji, waŋeyo paka ibedo jafonji ma Were am'ooro. Ongoye ŋata nyalo timo gir'aura m'itimo kwanyo woko ka Were nitie gine.”

Yohana 6:14

Munyo ji joneno gir'aura ma Yesu otimo, jowaco ni, “Adieri me obedo jatuci wac Were m'oyido ripo bino i piny!”

Yohana 6:22

Yawere mere lwak ji m'onwaŋo odoŋ loka wakawaka ma koca joniaŋ nike ye acel kende am'onwaŋo odoŋ kenyo. Aka oyido bende joŋeyo nike Yesu k'odonjo i ye kodi jofonjirok pere, to jokadho kendi gin.

Yohana 6:26

Yesu odwoko ni, “Adieri awaco riwin, wirangan rupiri ceŋino wicamo mugat wiyeŋ wijoje, to makiweno ni wineno ranyuth ma gir'aura.

Yohana 6:30

Jodwoko ni, “Ranyuth aŋo ma gir'aura ma inotimi aka nyaka wanyal neno to wayeyin? Aŋo m'ilatimo ye won?