Yohana 5:42 - KITAWO MALEŊ

⁴² to aŋeyo win maber, nike wingoye kodi mar pa Were i cuny win.

KITAWO MALEŊ Catholic

⁴² to aŋeyo win maber, nike wingoye kodi mar pa Were i cuny win.

Yohana 5:42 ပူးပေါင်းရင်းမြစ်များ

Luka 16:15

Yesu owaco rijo ni, “Winyuthere ri ji ni wibeyo, to Were oŋeyo cuny win. Kole gima ji paro ni ber m'oasere, ama bedo gim'ongoye kiri gi kony ruwaŋ Were.”

Yohana 2:25

Oyido ongoye kony nyatoro waco rigo gimoro kwoŋ jo rupiri go won oyido oŋeyo gima ni cuny jo.

Yohana 21:17

Ma didek Yesu odoko omedo penjo go ni, “Simon wod Yohana, imaran?” Gikenyo Petero cunye oramo, rupiri Yesu openjo go ma didek ni, “Imaran?” Ameno odwoko go ni, “Rwoth, kole iŋeyo gimoro je, iŋeyo paka amarin.” Yesu owaco rigo ni, “Pidhi rombo paran.

Yohana 5:41

“Akiyeny pak pa ji,

Yohana 5:43

E abino i meni pa Baba to wikijolan; to ka moro obin gi meni pere won, ama wibino jolo.

Yohana 5:44

Onyo winyalo yeyo nedi ka wimito pak ma wok bongi wiwegi, aka wikitem limo pak ma wok bongi Were won.

Yohana 8:42

Yesu owaco rijo ni, “Bedi Were a Bawin adieri, di wimaran, rupiri awok bongi Were aka onyo an ka. Akibino gi wi tungan, to go ama ooran.

Yohana 8:47

Ŋata wok bongi Were winjo wac pa Were. Gim'omiyo wikiyey winjo wac paran, obedo rupiri wikibedo apa Were.”

Yohana 8:55

Kole fodi wikiŋeyo kiri go, to an aŋeyo go aka awinjo wac pere. Bedi awaci ni akuya go, d'abedo jatwodo paka win. T'aŋeyo go aka awinjo wac pere.

Joroma 8:7

Meno am'omiyo paro m'oketh kwoŋ gigipiny manyadel lokere jakwor pa Were, rupiri kiwinji cik pa Were, aka iy'adieri go kitim ameno.

1 Yohana 2:15

Wikiri wimar piny kosa gimoro je ma piny. Ka moro omaro piny meno mar pere ri Bawan ongoye.

1 Yohana 3:17

Ka dhano oŋaŋ to neno omin nitie i candi, to kidew kwoŋ omin, go nyalo waco nedi nike go nitie gi mar i cunye ri Were?

1 Yohana 4:20

Ka nyatoro waco ni, omaro Were ma to go fodi odak omin, meno go jatwodo, kwoŋbedo go kinyal maro Were mafodi go k'oneno, to kwero maro omin ma go otieko neno.

Menyirok ri Yohana 2:23

Abino kisika nyithindho pere bende, aka kitipin pa jom'oyeyo je jobino ŋeyo nike a jameny cuny ji gi ŋeyo paro pa ji. Abino culo kisi dhano kwoŋ win cungo kwoŋ gima go otimo.