Yohana 4:23 - KITAWO MALEŊ

²³ To hongo bino, aka ee otieko kiri tundo, ma joma lamo Baba i yo m'otire, jobino lamo go i Cuny kodi iy'adieri, rupiri Baba yenyo joma lamo go ameno.

KITAWO MALEŊ Catholic

²³ To hongo bino, aka ee otieko kiri tundo, ma joma lamo Baba i yo m'otire, jobino lamo go i Cuny kodi iy'adieri, rupiri Baba yenyo joma lamo go ameno.

Yohana 4:23 ပူးပေါင်းရင်းမြစ်များ

1 Kigana kwoŋ Kerin 29:17

Aŋeyo, Were paran, nike idwaro cuny dhano, aka iwinjo maber gi ji ma jotimo gim'otire. I tirok ma cunyan amiyo gigipiny me gi miyirok, aka onyo aneno ji perin, ma jonitie ka jomiyin mic gi miyirok kodi kisangala.

Zabuli 147:11

to Rwoth siemere i jono ma jolworo go, i jono ma jogeno i mar pere makiwire.

Zabuli 17:1

Awi Rwoth, winji ywak paran ri tiro, ciki ithin ri ywak paran ri kony, ciki ithin ri kwayo paran mar'adieri.

Zabuli 32:2

Jasilwany a ŋata Rwoth kisegeya timo reco, aka kitwodi i cunye.

Zabuli 51:6

Neni, imito adieri ma cuny jo, riameno fonjan rieko i pal cunyan.

Agecin 15:8

Cowirok pa jokidakana obedo amien ri Rwoth, to kwayo pa ŋataber obedo kisangala pere.

Wer pa Solomon 2:14

Icale akuru ma pondo i ŋungu tele, weyi anen waŋin mafoth, aka awinji dwondin mamit.

Isaya 10:20

I ndelo no Joisiraili gi Joyuda ma joboth kendo jokilagoŋere kwoŋ piny m'otemo reyo jo woko, to jolagoŋere kwoŋ Rwoth Maleŋ pa Isiraili, iy'adieri.

Isaya 29:13

Rwoth owaco ni: “Kwoŋbedo ji me jocore cegin adhok, joworan gi wac nono, kucel cuny jo nibor kodan, aka lworo pajo ran obedo or pa ji ma jopoyo.

Isaya 43:21

Ji m'atimo ri an won, ŋey jowotuci pak paran.

Isaya 58:2

Kucel jorangan kisi ndelo, aka josangala mito ŋeyo yo paran, paŋini piny ma timo gim'otire, aka jok'ojwango cik pa Were pajo. Jokwayan thumo banja gi tiro, aka josangala bino cegin gi Were.

Yeremia 3:10

Aka munyo gigipiny me je otieko rumo, Yuda, nyamin Isiraili ma jabanirok, nyaka to rendere ni gik bongan; oyido kitim gir'adieri.” Rwoth waco.

Yeremia 4:2

to wikwoŋere ni, “Paka Rwoth kwo!” Iy'adieri, i tiro, kodi i genirok, nyaka nonin jobino limo silwany i go, aka jobino noro i go.

Ezekiel 22:30

Arango i dier jo dhano manyalo geto kendo kor ot, ŋata nyalo cungo kama kor ot obar'iye to kwonga lowo ka nge paran cegin reyo woko, to akinyalo nwaŋo dhano.

Yohana 1:17

Kole Cik obino luwo i cingi Musa, to nema kodi adieri obino riwan luwo bongi Yesu Kristo.

Yohana 12:23

Yesu odwoko jo ni, “Pama onyo hongo otundo ma miyo Wod Dhano dwoŋ.

Yohana 16:2

Jobino riemo win woko i kitipa pa jom'oyeyo pa Joyuda, aka ndir bino tundo ma moro je ma neko win bino paro nike ka timo ameno meno tiyo ri Were.

Yohana 16:32

Ndiri bino tundo, aka otieko kiri tundo ma wijoje wibino kedher'iye to dhano je dok peco pere, aka wibino weyan kendan. To akinitie kendan, rupiri Baba nitie kodan.

Yohana 4:21

Yesu odwoko go ni, “Dhako me, yey gim'awaco rin; hongo bino tundo ma ji jok'olam Baba wi got me kosa kada i Yerusalem.

Yohana 5:25

Adieri awaco riwin, ndir bino tundo aka otieko kiri tundo ma jom'otho jobino winj'iye dwondi Wod Were, aka dhano je ma winjo dwonde bino kwo.

Yohana 5:28

Wikiri widhier kwoŋ gime; kole ndir bino ma jom'otho je ma jonitie i kaliel jobino winj'iye dwonde,

Joroma 1:9

Were nyalo ridho ni gim'awaco obedo adieri; Were no ama atiyo rigo gi cunyan je munyo afonjo Wac Manyen Maber kwoŋ Wode. Were oŋeyo nike ndir je apoyo win, i hongo je ka akwayo.

Joroma 8:15

Kole wikilimo cuny ma lokirok ŋeca ma kelo riwin lworo; to witieko limo Cuny ma loko win nyithindho pa Were, aka ka waywak ri Were ni “Aba! Baba!”

Joroma 8:26

I royo acel no bende, Cuny Maleŋ konyo wan i nyapo mawan; rupiri wakuya paka waripo kwayo; aka Cuny won ama pido riwan bongi Were gi cur ma wac kinyal tuco.

Jogalasia 4:6

Paka wibedo wote, Were ooro Cuny Maleŋ pa Wode i cuny wan, Cuny ma koko ni, “Aba, Baba.”

Joefeso 6:18

Aka bedi win i kwayo, munyo wikwayo kony pa Were i royo m'omore hongo je, paka Cuny nyutho win. Am'omiyo bedi win milengela aka wikiri wilacere ndir je, to kway win ri ji pa Were.

Jofilipi 3:3

Kole wan ayino ama watieko limo thumirok mar'adieri, wan ma walamo Were gi meni pa Cuny Maleŋ, aka wayumere i Kristo Yesu. Odoko wakikethi geno moro kwoŋ thumirok ma del,

Yosuwa 24:14

“Onyo riameno wor win Rwoth, aka witiy rigo iy'adieri kodi genirok; wikethi gicen werin ma kwarere mewin jotiyo rijo yombo Malawa kodi i Misir, aka witiy ri Rwoth.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

1 Samwiri 12:24

Nyaka lwor win Rwoth, to witiyo rigo gi genirok g'adundo mewin je; poyi win gigipiny madongo ma go otieko timo riwin.