Yohana 3:6 - KITAWO MALEŊ

⁶ Gima del onywolo bedo ma del, aka gima Cuny onywolo bende bedo ma cuny.

KITAWO MALEŊ Catholic

⁶ Gima del onywolo bedo ma del, aka gima Cuny onywolo bende bedo ma cuny.

Yohana 3:6 ပူးပေါင်းရင်းမြစ်များ

Cakirok 5:3

Munyo Adam jaoro 130 onywol rigo wode ma cale go, aka ocwoko nyinge ni Seth.

Cakirok 6:12

Were oneno piny, aka neni, oyido opoŋ reco rupiri ji je oyido jonigi kwo mareco.

Cakirok 6:5

Rwoth oneno ni kidakana pa ji oyido dwoŋ i piny, aka kiri paro ma cuny jo je omedere bedo marac.

Yobu 14:4

Ŋa manyalo wodho gim'olony wok kwoŋ gimakoc? Ongoye kada ŋat'acel.

Yobu 25:4

Onyo dhano obedi nedi m'otire ruwaŋ Were, aka dhano m'onywol gi dhako obedi nedi macil?

Zabuli 51:10

Miyan adundo macil, Awi Were, aka kethi cuny manyen, m'otire i an.

Yohana 1:13

Nywolirok pa jono k'obedo ma remo pa dhano, kosa ro mito pa ji, kosa mito pa dhano, to ro mito pa Were won.

Yohana 3:7

Ikir'ibedi gi dhier ni awaco rin ni, ‘Iripo nywolirok madirio!’

Joroma 7:18

Aŋeyo ni bero ongoye i an, kosa awaci ni i delkwoŋan paka dhano. Anyalo yenyo timo gimaber, to akinyali.

Joroma 7:25

Am'omiyo, me apaka anitie: Abedo ŋeca ri cik pa Were i paro paran, to i del abedo ŋeca ri cik pa gimarac.

Joroma 7:5

Munyo oyido fodi watimo gima del yenyo, awanya mareco ma Cik osigila oyido tiyo i delkwoŋ wan, aka oyido kelo riwan tho.

Joroma 8:13

Kole ka kwo mewin nitie paka del yenyo meno wikidho tho; to ka wineko woko tim mareco gi meni pa Cuny, aka wibino kwo.

1 Jokorintho 6:17

Aka ŋata bedo iy'acel gi Rwoth lokere acel i cuny kodi go.

2 Jokorintho 5:17

Am'omiyo ka moro nitie i Kristo, go obedo cwec manyen: Gima con okadho woko, manyen ama obino.

Jogalasia 5:24

Aka joma jobedo apa Kristo Yesu jotieko neko woko kula pajo ma del, kodi icirok mere kodi awanya mere.

Joefeso 2:3

Aka wajoje oyido wacale jo, munyo watimo gima cuny wan mareco oyido tero wan'iye, aka watimo gima delkwoŋ wan gi paro mawan oyenyo. Paka joman je, di wabende walimo gir'acula pa Were.

Jokolosia 2:11

Kole bende withumere i riwirok gi Kristo, to thumirok me k'obedo ma ji ama jotimo, to thumirok manyacuny, m'obedo eye woko i meni pa del ma gimarac, gi donjo i thumirok pa Kristo.

1 Yohana 3:9

Nyathi pa Were moro je kimedere gi timo reco, rupiri kodhi pa Were ama nitie i go; aka rupiri Were obedo Bamere, go kidok ripi medo timo gimarac.