Yohana 3:18 - KITAWO MALEŊ

¹⁸ Ongoye moro je ma yeyo Wod Were m'ibino thumo rigo banja, to moro je ma kiyey ama otiek thumo rigo banja ni oloyo go con kwoŋbedo k'oketho yeyo i nyingi Wod Were acel kende.

KITAWO MALEŊ Catholic

¹⁸ Ongoye moro je ma yeyo Wod Were m'ibino thumo rigo banja, to moro je ma kiyey ama otiek thumo rigo banja ni oloyo go con kwoŋbedo k'oketho yeyo i nyingi Wod Were acel kende.

Yohana 3:18 ပူးပေါင်းရင်းမြစ်များ

Mariko 16:16

Ŋat'oyey t'ibatisa go bino both; ŋat'okwer yeyo ilathumo banja rigo.

Yohana 1:12

To jono je ma jojolo go ma joyeyo i nyinge, omiyo jo meni ma lokirok nyithindho pa Were.

Yohana 1:18

Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Yohana 20:31

To me ondiki aka ŋey wiyey ni Yesu obedo Kristo, Wod Were, aka ni yeyo gime winyal limo kwo makirum i nyingi go!

Yohana 3:16

Kole Were omaro piny tektek to miyo Wode acel g'acel, ni nyatoro je ma yeyo go wokiri wotho to wobedi gi kwo makirum.

Yohana 3:36

Ŋata yeyo Wode nitie gi kwo makirum; ŋata kiwinji Wode k'olimi kwo, to keme pa Were ama bino tundo rigo.

Yohana 5:24

“Adieri awaco riwin, nyatoro je ma winjo wac paran, to yeyo ŋat'ooran, nitie gi kwo makirum. Aka k'othumi rigo banja rupiri go otieko wok i tho odonjo i kwo.

Yohana 6:40

Ato me obedo mito pa Baba, nike nyatoro je m'onen Wode to yeyo go wobedi gi kwo makirum; aka abino cerino go i ndelo ma rumacen.”

Yohana 6:47

“Adieri awaco riwin, ŋata yeyo je nitie gi kwo makirum.

Joroma 5:1

Paka onyo okethi wan i tiro gi Were cungo kwoŋ yeyo, onyo wanitie i siem gi Were kwoŋ Rwodhiwan Yesu Kristo.

Joroma 8:1

Pama onyo kidok kethi banja kwoŋ jomakwo pajo nitie i Kristo Yesu,

Joroma 8:34

To ŋa m'odoko othum rijo banja? Ki Kristo Yesu m'otho, kendo ma Were ocerino go kwoŋ jom'otho, aka onyo obedo yu cingi Were maracuc aka pido riwan bongi Were!

Joebulaniya 12:25

Am'omiyo, gwokere win aka wikiri wikwer winjo ŋata luwo. K'inen joma jokwero winjo ŋat'oluwo munyo fonjo jo kwoŋ gwokirok i piny ka jok'oboth, onyo waŋati wanobothi nedi ka wawiro ŋey wan ri ŋata luwo m'owok i polo ma mito ni wagwokere!

Joebulaniya 2:3

onyo wanobothi nedi ka wacayo both madwoŋ me? Rwoth won gipi ama otelo luwo kwoŋ both me, aka nyaka joma jowinjo go joridho riwan ni obedo adieri.

Joebulaniya 3:19

Onyo waneno ni jok'onyalo donjo rupiri jok'oyeyo.

1 Yohana 3:23

Me a gima go oro wan timo: Nike waripo yeyo kwoŋ nyingi Wode Yesu Kristo to wamare paka Kristo ooro wan timo.

1 Yohana 4:9

Me apaka Were onyutho mar pere riwan: Go ooro Wode acel g'acel i piny ŋey walimi kwo luwo kwoŋe.

1 Yohana 5:10

Nyatoro je ma yeyo Wod Were meno ridho adieri no i cunye; to ŋata kiyey Were, meno oloko go jatwodo, rupiri go k'oyeyo gima Were owaco ma ridho adieri ma mako kwoŋ Wode.

1 Yohana 5:12

Moro je manitie gi Wod Were meno nigi kwo me; aka moro je m'ongoye gi Wod Were meno ongoye gi kwo.