Yohana 19:9 - KITAWO MALEŊ

⁹ Go ogik i cel to waco ri Yesu ni, “Iwok kune?” To Yesu k'odwoko go.

KITAWO MALEŊ Catholic

⁹ Go ogik i cel to waco ri Yesu ni, “Iwok kune?” To Yesu k'odwoko go.

Yohana 19:9 ပူးပေါင်းရင်းမြစ်များ

Isaya 53:7

Olimo adica, to limo litho, kucel go k'oyawo dhoke; paka rombo m'itero yaŋo, paka rombo m'icegin lielo, ameno go k'oyawo dhoke.

Matayo 26:63

To Yesu oliŋaliŋa. Jadwoŋ pa jocway ri Were i wi migam odoko oluwo gine ni, “I nyingi Were makwo, pama onyo akethin i kwoŋirok; waci riwan k'inen ibedo Kristo, Wod Were.”

Matayo 27:27

Gikenyo jolweny jotero Yesu i cel pa Gavana, aka kitipa pajo gipi ocokere to thoko go.

Luka 23:9

Am'omiyo Herode openjo Yesu kweth penji, to Yesu k'odwoko kada wac acel.

Yohana 18:28

Jokwanyo Yesu i ot pa Kaifas to jotero go i cel pa gavana. Piny onwaŋo obedo odikin worwor. Joyuda jok'odonjo i cel rupiri oyido joyenyo jowokure ma jok'obedo makoc i kite ma cik, ŋey jowocami kalima ma Kadho.

Yohana 18:33

Pilato ogik i cel to lwoŋo Yesu to penjo go ni, “In i Kere pa Joyuda?”

Yohana 18:34

Yesu odwoko ni, “Penji me wok bongin iwon, kosa joman ama jowaco rin kwoŋan?”

Yohana 18:37

Gikenyo Pilato openjo go ni, “Kere in ibedo kere?” Yesu odwoko ni, “Eno iwaco ni abedo kere. Kole onywolan ri gime aka abino i piny ka luwo ri adieri. Nyatoro je ma tiyere g'adieri winjo dwondan.”

Yohana 19:10

Pilato owaco rigo ni, “Ik'oluwi kodan? Ikuya ni anitie gi meni ma gonyin, kosa ma gurin kwoŋ musalaba?”

Yohana 19:8

Munyo Pilato owinjo ameno, lworo omedo mako go.

Yohana 8:14

Yesu odwoko ni, “Be, kad'awon aluwi yuthenge paran je fodi gim'awaco otire, rupiri aŋeyo kam'awok'iye kodi kam'akidh'iye.

Jofilipi 1:28

Wikiri wibedi malwor ri jokwor mewin, to ndelo je bedi win miseni, rupiri meno bino nyutho jo ni jorwenyo, to win wiboth, aka meno je gima Were ama timo.

Jothum Banja 13:6

Dhako no obino to waco ri cwore ni, “Jacwo pa Were obino bongan, aka cal pere oyido bwoko jo paka malaika pa Were. Akipenjo go nike owok kune, aka go k'owaco ran nyinge.