Yohana 18:4 - KITAWO MALEŊ

⁴ Yesu oyido oŋeyo gimoro je m'onwaŋo kidho timere kwoŋe. Riameno ocore bongi jo to penjo jo ni, “Wirango ŋa?”

KITAWO MALEŊ Catholic

⁴ Yesu oyido oŋeyo gimoro je m'onwaŋo kidho timere kwoŋe. Riameno ocore bongi jo to penjo jo ni, “Wirango ŋa?”

Yohana 18:4 ပူးပေါင်းရင်းမြစ်များ

1 Kerin 18:10

Akwoŋere rin i nyingi Rwoth, Were perin makwo nike Ahab otieko dwarin i piny je kosa ker. Kisi ka jadhum ma piny moro owaco nike ingoye i piny pere, Ahab oyido miyo go kwoŋirok nike jok'onwaŋin.

Nehemia 6:11

To adwoko go ni, “Akibedo kite ŋata ŋweco to pondo. Iparo ni anyalo temo botho kwo paran gi pondo i Ot pa Were? Akibino timo gino.”

Zabuli 27:3

Makada nende jolweny gibe jothokan, akibino bwok, makada nende jokwor jomonjan, kucel abino cungo m'acwiny.

Zabuli 3:6

Akibwok ro jokwor ganin, ma jothokan i kisi thenge.

Agecin 28:1

Jokidakana joringo makada nende ongoye ŋata riemo jo, to ŋat'otire jamisen paka simbwor.

Matayo 16:21

Wok i hongo no kadho malo, Yesu ocako waco kamaler ri jofonjirok pere ni go ripo kidho Yerusalem wocandere tektek i cingi jotel pa ji kodi jotel pa jocway ri Were i wi migam, kodi jondiko. Jolaneko go, aka i ndelo mar'adek ibino cerino go kendo.

Matayo 26:2

“Wiŋeyo ni ka ndelo ario orumo, Kalima ma Kadho bino tundo, aka ibino ketho Wod Dhano i cingi joma jolaguro go kwoŋ musalaba.”

Matayo 26:21

Aka munyo jocemo Yesu owaco ni, “Adieri awaco riwin, acel kwoŋ win bino camo ran sereko.”

Matayo 26:31

Gikenyo Yesu owaco rijo ni, “Wijoje wibino ringo to wiweyan wor ma konon, kole ndiko waco ni, ‘Abino neko jakwath to rombo tiakere woko.’

Luka 24:44

Gikenyo owaco rijo ni, “Me gigipiny ma yado amaro waco riwin munyo fodi anitie gi win, ni gimoro je m'ondiki kwoŋan i Cik pa Musa, i ndiko pa jotuci wac Were, kodi i Zabuli onwaŋo ripo timirok.”

Yohana 13:1

Mafodi ndelo ma kalima ma Kadho, k'otundo, Yesu oniaŋ nike hongo pere otundo ma eye i piny wokidhi bongi Bamere. Paka ndir je go oyido omaro jopere i piny ka, omaro jo kiri i gike.

Yohana 13:11

(Yesu onwaŋo otieko ŋeyo ŋata kidho camo rigo sereko, am'omiyo owaco ni, “Wijoje wilony, kwanyo woko ŋat'acel.”)

Yohana 18:5

Jodwoko ni, “Yesu Janazareth.” Go odwoko ni, “A an me.” Yuda jacami sereko, onwaŋo ocungo gi jo.

Yohana 18:7

Yesu odoko openjo jo ni, “Wirango ŋa won.” Jowaco ni, “Yesu Janazareth.”

Yohana 19:28

Yesu oŋeyo ni gimoro je orumo, to ma miyo gim'ondiki wotundi owaco ni, “Riyo nekan.”

Yohana 6:64

Ama je nyaka joman kwoŋ win jokiyey.” (Ato Yesu oyido oŋeyo wok i cakirok joma jok'oyeyo kwoŋ go kodi ŋata d'ocamo rigo sereko.)

Tim pa Jomoor 2:28

Itieko nyuthan royo ma kwo, aka bedo perin kabutan bino poŋo kisangala i cunyan.

1 Petero 4:1

Am'omiyo, paka Kristo ocandere i delkwoŋe, wibende wiripo miyirok miseni gi kiti paro ma go obedo gine, rupiri ŋat'ocandere i delkwoŋe meno otieko thekirok gi gimarac.