Yohana 17:25 - KITAWO MALEŊ

²⁵ Baba M'otire, piny kuya in, t'aŋeyin aka jome joŋeyo nike Iŋat'ioran.

KITAWO MALEŊ Catholic

²⁵ Baba M'otire, piny kuya in, t'aŋeyin aka jome joŋeyo nike Iŋat'ioran.

Yohana 17:25 ပူးပေါင်းရင်းမြစ်များ

Isaya 45:21

Biye win wikel banja mewin i kapido, weyi jowomiyere rieko kanyacel! Ŋa m'owaco gime cango? Ŋa m'otuco con? K'obedo an, Rwoth? Ongoye were man kendo, Were ma timo gim'otire aka botho, ongoye ŋatiman kendo.

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Matayo 16:16

Simon Petero odwoko ni, “In ibedo Kristo Wod Were makwo.”

Luka 10:22

“Baba otieko miyan gimoro je; aka ongoye ŋat'oŋeyo Wode kwanyo woko Bamere, kendo ongoye ŋat'oŋeyo Baba kwanyo woko Wode kodi joma Wode oyero nyutho jo Bamere.”

Yohana 1:18

Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Yohana 10:15

aka bende joŋeyan paka Baba oŋeyan, aka abende aŋeyo go, aka ayeyo tho ri rombo.

Yohana 15:21

To jobino timo riwin gime je rupiri wibedo ji paran; aka jokuya ŋat'ooran.

Yohana 16:27

rupiri Baba won omaro win rupiri wimaran aka wiyeyo nike awok bongi Were.

Yohana 16:3

Jobino timo gigipiny me riwin rupiri jokuya Baba kosa an.

Yohana 16:30

Nyaka onyo waŋeyo ni iŋeyo gimoro je; ikiyeny moro wopenjin kendo. Me miyo wayeyo nike adieri iwok bongi Were.”

Yohana 17:11

Akibino doŋ i piny ka, to jo fodi jonitie i piny ka, to an onyo abino bongin. Baba Maleŋ, kuri jo maber gi meni ma nyingin m'imiyan, ŋey nyaka jowobedi acel paka wan kodin wabedo acel.

Yohana 17:18

Onyo aoro jo i piny paka cango in bende ioran i piny.

Yohana 17:21

Akwayo nike joje jowonyal bedo acel, Baba, paka initie i an aka anitie i in. Jo bende jowobedi i wan, ŋey piny woyeyi nike Iŋat'ioran.

Yohana 17:23

abedi i jo aka ibedi i an, ŋey jowobedi acel kicutho, aka nyaka piny woŋey ni ioran aka ni imaro jo paka imaran.”

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 17:8

rupiri amiyo jo mikwenda m'imiyan, aka jojolo; joŋeyo adieri ni awok bongin, aka joyeyo nike iŋat'ioran.”

Yohana 3:17

Ato Were k'ooro Wode i piny ka nike wothum ri piny banja, to ni piny wonyali limo both kwoŋ go ayino.

Yohana 6:19

Jofonjirok oyido jotieko cewirok ma romo mayiro adek kosa aŋwen to joneno Yesu munyo wotho wi pi kareno bino cegin gi ye; to lworo mako jo.

Yohana 7:29

to an aŋeyo go, rupiri awok bonge aka go ama ooran.”

Yohana 8:19

Jopenjo go ni, “Benin nikune?” Yesu odwoko ni, “Wikuya an kosa Baba. Bedi wiŋeyan di wiŋeyo kiri Baba bende.”

Yohana 8:55

Kole fodi wikiŋeyo kiri go, to an aŋeyo go aka awinjo wac pere. Bedi awaci ni akuya go, d'abedo jatwodo paka win. T'aŋeyo go aka awinjo wac pere.

Tim pa Jomoor 17:23

rupiri munyo awotho i tindi mewin aneno kama wilamer'iye t'aneno migam m'ondiki kwoŋe ni, ‘Ri Were ma k'oŋeyere.’ Onyo gima wilamo, kada wikuya no, ama ee atito riwin kwoŋe.

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

Joroma 1:28

Paka ji jokwero ketho i paro pajo rieko mar'adieri ma mako kwoŋ Were, go onyo ojala jo ri paro m'otop, ma miyo jo timo gim'oyido jokiripi timo.

Joroma 3:11

ongoye moro ma niaŋ, kosa ma rango Were.

Joroma 3:26

to i ndir ma pama go kaŋasa reco pa ji, ma nyutho paka go won otire, aka go ama kwanyo woko banja kwoŋ ŋata nitie gi yeyo i Yesu.

1 Jokorintho 1:21

Kole Were i rieko pere omito ni ji kiri jowoŋey go gi rieko pajo wegi. Kucel Were oridho botho joma yeyo, gi mikwenda ma wafonjo ma wiŋoyo ni miŋo.

1 Jokorintho 15:34

Dwoki win i paro mewin m'otire wiwey timo reco. Awaco gime ma kwoto wiy win; ato jomegi kwoŋ win jokuya Were.

2 Jokorintho 4:4

Were ma piny me oumo paro pa joma k'oyeyo gi mudho, ŋey womoni jo neno lero ma Wac Manyen Maber ma nyutho dwoŋ pa Kristo m'obedo cal pa Were.

2 Jothesalonika 1:8

gi mac maliel, ma miyo joma kuya Were kodi joma kiwinji Wac Manyen Maber mapa Rwoth Yesu gir'acula.

Joebulaniya 8:11

Ongoye moro kwoŋ jo ma bino fonjo nyawote kendo kosa waco ri nyawote ni, “Ŋey Rwoth.” Me kwoŋbedo joje jobino ŋeyan, wok kwoŋ ŋatathin loyo, tundo kwoŋ ŋatadwoŋ loyo.

1 Yohana 1:9

To ka watuco reco mawan ri Were, go genere kendo otire aka bino cwako reco mawan, to lonyo wan kwoŋ tim mawan mareco je.

Menyirok ri Yohana 13:8

Ji je ma jobedo i piny jobino lamo ogwaŋ no. Dwoŋ mere ni dhano je ma nyinge k'ondiki i kitawo pa jomakwo m'obedo apa Nyathi rombo m'oneki wok i cwec pa piny.

Menyirok ri Yohana 16:5

Awinjo malaika ma kuro pi waco ni, “Banja me ithumo m'otire, a Ŋataleŋ, manitie pama kendo m'otieko bedo wok con.