Yohana 15:5 - KITAWO MALEŊ

⁵ “Aŋat'abedo yath vini mar'adieri, aka win wibedo jangi yath no. Ŋata doŋ i an, aka abende adoŋ i go, bino nyak madit; ato wikinyal timo gimoro je ma bu an.

KITAWO MALEŊ Catholic

⁵ “Aŋat'abedo yath vini mar'adieri, aka win wibedo jangi yath no. Ŋata doŋ i an, aka abende adoŋ i go, bino nyak madit; ato wikinyal timo gimoro je ma bu an.

Yohana 15:5 ပူးပေါင်းရင်းမြစ်များ

Agecin 11:30

Olemo pa ŋat'otire miyo kwo, t'akaka reyo woko kwo.

Hoseya 4:8

Joŋaŋ ka ji paran jotimo reco; jonitie g'awanya ri ji paran medo timo reco.

Matayo 13:21

To wac no kiroci i cuny jo. Am'omiyo ka teko kosa candirok moro obino ro wac no, jonyocere piyo.

Yohana 12:24

Adieri awaco riwin, ka nyingi kal moro k'opidhi i lowo to tho, go doŋadoŋa acel mangil. To k'otho, nyaka nywolo nyingi kal kweth.

Yohana 15:16

Wiŋati wikiyeran, aŋat'ayero win aka adimo win ni wikidhi winyak olemo kweth. Meno aka nyaka Baba bino miyo win gimoro je ma winokway go i nyingan.

Yohana 5:19

Gikenyo Yesu odwoko ni, “Adieri awaco riwin, Wod Were kitim gimoro gi meni pere won; to go timo gim'oneno Bamere timo. Gima Bamere timo ama Wode bende timo.

Yohana 9:33

Kole bedi ŋati me k'owoki bongi Were, di k'onyalo timo gimoro.”

Tim pa Jomoor 4:12

“Aka both kinwaŋere bongi ŋatiman, rupiri ongoye nyingi nyatoro man je i piny gipi, ma Were omiyo ji, ma waripo nwaŋ'iye both.”

Joroma 12:5

Ameno kada wathothi, je fodi wabedo del acel i Kristo, aka wamakere kanyacel paka adec m'opokere opokere ma del acel.

Joroma 6:22

To paka onyo otiek theko win gi gimarac to wibedo ŋecin pa Were, bero ma winigine onyo obedo lonyo, ma i gike bino miyo wilimo kwo makirum.

Joroma 7:4

Meno apaka nitie kodi win wutmera. Wibende witieko tho kwoŋ gima mako kwoŋ Cik, rupiri wilokere adec ma delkwoŋ Kristo; aka onyo win apa go m'ocerino kwoŋ jom'otho, ŋey wanyal kwo kareno wakonyo tic pa Were.

1 Jokorintho 10:16

Ka wafoyo Were ri agwata ma disilwany ma wamadho, meno wakibedo i riwirok acel gi remo pa Kristo? Aka mugat ma waturo aka wacamo; k'obedo riwirok i acel gi Kristo?

1 Jokorintho 12:12

Kole paka del obedo gimoro acel manitie g'adec m'opokere, apaka bende Kristo cale. Go obedo paka del acel ma adec omore iye.

1 Jokorintho 12:27

Onyo wijoje wibedo delkwoŋ Kristo, aka kisi dhano obedo adec mere.

2 Jokorintho 13:8

Ato wakinyali timo gima piemo kodi adieri pa Were, rupiri watiyo ri adieri no.

2 Jokorintho 9:10

Were ma miyo ji kodhi ma cwoyo, kodi cemo acama, bino miyo win kodhi ma wiyenyo to miyo kodhi no dongo, ŋey gima wok i tim mewin mabeyo wonyak kweth.

Jogalasia 5:22

To Cuny Maleŋ nyak gigipiny me: Mar, kisangala, siem, diyo cuny, wor, bero, genirok,

Joefeso 5:9

Kole gima kelo lero obedo gigipiny mabeyo, m'otire kodi mar'adieri.

Jofilipi 1:11

Kwo mewin bino nyak olemo ma kite mabeyo, ma Yesu Kristo won ama kelo, to miyo Were dwoŋ kodi pak.

Jofilipi 4:13

Anyalo timo gimoro je i Kristo ma miyan meni.

Jofilipi 4:17

K'obedo nike arango limo mic; to amito ni womedi win magowa i migowe kani mewin.

Jokolosia 1:10

Wakwayo ameno ŋey kwo mewin wobedi paka Rwoth mito, to witimo gima sangala go hongo je. Kwo mewin bino nyak kiti tic mabeyo je, aka wibino medere gi ŋeyo Were.

Jokolosia 1:6

Wac Manyen Maber me otieko bino riwin, aka nyay ka medere i piny je, paka onyay i dier win wok i ndelo ma wipen winj'iye kwoŋ nema pa Were to wiŋeyo adieri mere je.

Yakobo 1:17

Mic maber kodi maŋon je wok i polo; wok bongi Were Baba, jacwey lero ma polo, aka go kiwire korin gi korin pa tipo yath.

1 Petero 2:4

Biye win bongi Rwoth, tele makwo ma ji jokwero nike bukony, to Were oyero paka dikony rigo.

2 Petero 3:18

To medere win gi dongo i nema kodi i ŋeyo Rwoth kendo Jaboth mawan Yesu Kristo. Dwoŋ wobedi rigo, pama kodi cil gi cil. Ameno.