Yohana 15:4 - KITAWO MALEŊ

⁴ Doŋ win i an, aka abende abino doŋ i win; rupiri jangi yath kinyal nyak ka k'omakere gi yath mere. Wibende wikinyal nyak ka wikidoŋ i an.”

KITAWO MALEŊ Catholic

⁴ Doŋ win i an, aka abende abino doŋ i win; rupiri jangi yath kinyal nyak ka k'omakere gi yath mere. Wibende wikinyal nyak ka wikidoŋ i an.”

Yohana 15:4 ပူးပေါင်းရင်းမြစ်များ

Wer pa Solomon 8:5

Meno ŋa ma bino wok i thim, m'othenere kwoŋ jamitirok pere? Acewin i tiendi yath apo, kama ŋedi oram'iye yokin to nywol kenyo.

Hoseya 14:8

Efrayim lapenjere ni, aŋo man kendo m'alatimo gi cal? An aŋat'adwokin t'akurin. Acalo yath ma boke mere kioy; silwany mewin wok bongan.

Matayo 12:33

“K'iyenyo olemo maber, iripo bedo gi tiendi yath olemo bende maber; to k'initie gi tiendi yath marac, bende ibino nwaŋo olemo marac. Kole bero pa yath iŋeyo kwoŋ gima nyak kwoŋe.

Luka 8:15

To kodhi m'opodho i lowo ma diwa, meno a joma, munyo jotieko winjo wac, jomako maber i cuny jo, aka jonyak maber ro diyo cuny jo.”

Yohana 14:20

Ka ndelo no otundo, wibino ŋeyo nike anitie i Baba, aka winitie i an, paka anitie i win.”

Yohana 17:23

abedi i jo aka ibedi i an, ŋey jowobedi acel kicutho, aka nyaka piny woŋey ni ioran aka ni imaro jo paka imaran.”

Yohana 6:56

Ŋata camo delkwoŋan aka madho remo paran bedo i an aka abedo i go.

Yohana 8:31

Gikenyo Yesu owaco ri Joyuda ma joyeyo go ni, “Ka wiwinjo fonji paran to wicwir'iye meno wijofonjirok paran adieri;

Tim pa Jomoor 11:23

Munyo go otundo to neno nema pa Were m'oyido nikenyo, osangala to kwayo joje ni jowobedi gi genirok kodi adieri ruwaŋ Rwoth gi ridho madwoŋ;

Tim pa Jomoor 14:22

Jomedo jom'oyeyo meni to jomedo jo miseni nike jowocwire i yeyo. Jofonjo ni, “Waripo donjo i Ker pa Were munyo waluwo i teko madit.”

2 Jokorintho 13:5

Kaŋasa win kwo mewin winen kafodi winitie gi yeyo. Wikuya ni Kristo Yesu nitie i win? Kono kosa timo ameno odhiero win kicutho.

Jogalasia 2:20

pama onyo aŋat'akikwo, to Kristo ama kwo i an. Aka kwo ma pama an gine, nitie i yeyo Wod Were m'omaran to miyo kwo pere ran.

Joefeso 3:17

Odoko ni Kristo wolimi kabedo i cuny win ro yeyo mewin, aka kwo mewin wocungi m'oridhere i mar,

Jofilipi 1:11

Kwo mewin bino nyak olemo ma kite mabeyo, ma Yesu Kristo won ama kelo, to miyo Were dwoŋ kodi pak.

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.

Jokolosia 1:27

Kole Were oyiko wodho nyaliŋliŋ pere ri Jopath, jowoŋey ŋaŋo madwoŋ manitie i iye, aka manago Kristo manitie i win, ma miyo wigeno limo dwoŋ pa Were.

Jokolosia 2:6

Paka witieko jolo Kristo Yesu paka Rwoth, doŋ win i go i kwo mewin.

1 Jothesalonika 3:5

Meno am'omiyo, munyo akinyalo ciro kendo, adhiro Timothe bino ŋeyo gima tho kwoŋ yeyo mewin. Oyido alworo ni ipoyo jakeli karatem otieko temo win, aka tic mawan onyo otho nono!

Joebulaniya 10:39

To wakibedo ji ma jogik cen to jorwenyo. Kucel wabedo joma bedo gi yeyo to jolimo both.

1 Yohana 2:6

Ŋata waco ni go kwo i Were ripo bedo gi tim paka cango apa Yesu Kristo.

2 Yohana 1:9

Ŋata kibedi i fonji pa Kristo, to medere i giman ayino, meno ongoye gi Were. Ŋata doŋ i fonji, meno nitie gi Bawan kodi Wode.