Yohana 15:16 - KITAWO MALEŊ

¹⁶ Wiŋati wikiyeran, aŋat'ayero win aka adimo win ni wikidhi winyak olemo kweth. Meno aka nyaka Baba bino miyo win gimoro je ma winokway go i nyingan.

KITAWO MALEŊ Catholic

¹⁶ Wiŋati wikiyeran, aŋat'ayero win aka adimo win ni wikidhi winyak olemo kweth. Meno aka nyaka Baba bino miyo win gimoro je ma winokway go i nyingan.

Yohana 15:16 ပူးပေါင်းရင်းမြစ်များ

Cakirok 18:18

rupiri aneno ni go bino lokirok nono madwoŋ aka manitie meni, aka nonin je ma piny jobino limo silwany luwo i go.

Zabuli 145:4

Luse acel lapako tic perin ri luse man, aka latito tim perin ma meni.

Zabuli 71:18

Ameno kiri i tegino gi twi lwar, Awi Were, ikir'ijwangan, cuka anotuci meni perin, ri luse je m'obin yuwaŋe. Meni perin

Agecin 11:30

Olemo pa ŋat'otire miyo kwo, t'akaka reyo woko kwo.

Isaya 27:6

I ndelo ma bino, nyikway Yakobo jolarwako fuc, Isiraili lathiwo to ketho withe, aka lapoŋo piny gibe g'olemo.

Mika 5:7

Kenyo ji pa Yakobo m'odoŋ jolabedo, i dier ji kweth, paka thoyo m'owok bongi Rwoth, paka nyidho kwoŋ lum, ma kikur ji.

Matayo 21:22

Ka winigi yeyo, wibino limo gimoro je ma wikwayo Were.”

Matayo 7:7

Kway, aka inolimi; rangi, aka inonwaŋ; gudi thigo aka ibino yawo rin.

Luka 6:13

Munyo piny oyawere, olwoŋo jofonjirok pere, to yero japar g'ario i dier jo m'olwoŋo ni Jomoor;

Yohana 13:18

“Akiluw kwoŋ wijoje; aŋeyo jom'ayero. To Ndiko Maleŋ ripo timere ma waco ni, ‘Ŋat'ocemo kodan owire ran marac.’

Yohana 15:19

Bedi wibedi ji pa piny, di piny omaro win paka ji pere. To ayero win wok i piny me, aka wikibedo apere; am'omiyo piny dak win.

Yohana 15:5

“Aŋat'abedo yath vini mar'adieri, aka win wibedo jangi yath no. Ŋata doŋ i an, aka abende adoŋ i go, bino nyak madit; ato wikinyal timo gimoro je ma bu an.

Yohana 6:70

Yesu odwoko ni, “Akiyero win apar g'ario? To ŋat'acel kwoŋ win obedo jwogi!”

Tim pa Jomoor 1:24

Aka jokwayo Were munyo jowaco ni, “Rwoth, iŋeyo cuny dhano je, nyuthi wan acel kwoŋ jario me, ŋat'iyero

Tim pa Jomoor 1:8

to wibino nwaŋo meni ka Cuny Maleŋ otieko loro kwoŋ win; aka wibino bedo jokony ma ridho wac paran i Yerusalem kodi i Yuda gipi, i Samaria, kodi i witum je ma piny.

Tim pa Jomoor 10:41

Ji je jok'oneno go, to wan ayino ma wabedo jokony ma Were otieko yero. Wacemo odoko waoro gir'amadha kanyacel gine munyo Were otieko cerino go kwoŋ jom'otho.

Tim pa Jomoor 22:14

Gikenyo go owaco ran ni, ‘Were pa kwarere mawan oyerin ni iŋey gima go mito, ni inyal neno Ŋat'otire pere gi winjo go munyo iwinjo dwonde won;

Tim pa Jomoor 9:15

Rwoth owaco rigo ni, “Kidhi, rupiri atieko yero go wotiy ran, ma miyo nyingan ŋeyirok bongi Jopath kodi kerin, kodi nyithindho pa Isiraili.

Joroma 1:13

Poyi win gime wutmera, ndir mathoth ayiko bino limo win, to hongo je gimoro geŋan. Atieko yenyo swa ywayo jomegi i yeyo i dier win bende, paka atieko timo i dier Jopath.

Joroma 1:5

I go Were omiyan nema ma bedo jamoor ri Kristo, ŋey atel ji ma nonin je jowoyey odoko jowowinji or.

Joroma 15:4

Kole gimoro je m'ondiki i kitawo maleŋ ondiki ma fonjo wan, ŋey walimi geno i diyo cuny kodi i meni ma Ndiko Maleŋ miyo wan.

Joroma 9:21

Kole jacwec nigi siem ma oro lowo nyamasiga paka won oyero, gi cweyo degi ario wok i lowo acel m'odwany: Dak acel mar'aora i kabedo ma welo kodi man mar'aora i kabedo ma kisi ndelo.

1 Jokorintho 10:11

Gigipiny me je otimere paka gir'anena ri joman, aka ondiki ma fonjo wan ma wanitie i hongo ma gik ndir cegin tund'iye.

Jogalasia 1:15

To Were won, gi nema pere am'oyeran denge mafodi k'onywolan, to lwoŋan tic rigo.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.

Jokolosia 1:6

Wac Manyen Maber me otieko bino riwin, aka nyay ka medere i piny je, paka onyay i dier win wok i ndelo ma wipen winj'iye kwoŋ nema pa Were to wiŋeyo adieri mere je.

1 Timothe 2:7

Me am'omiyo odiman bedo jamoor kendo jatiti wac ri Jopath, fonjo mikwenda ma mako kwoŋ yeyo kodi adieri. (Akitwodi, to, awaco gir'adieri!)

2 Timothe 1:11

Were ooran tito Wac Manyen Maber no paka jamoor kodi jafonji;

2 Timothe 2:2

Ter wac m'iwinjan afonjo ruwaŋ jokony mathoth ma jowinjo, aka ikethi i cingi ji ma genere, ma bende jobino nyalo fonjo joman.

Tito 1:5

Aweyin i Kirete ni itweny gigipiny ma fodi oyido okom, gi ketho jodongo ma kitipa pa jom'oyeyo i tindi je. Poyi ni:

Joebulaniya 11:4

Yeyo am'omiyo Abel ocwayo ri Were cowirok maber loyo apa Kayin. Yeyo omiyo go onwaŋo pak bongi Were paka dhano m'otire munyo Were ofoyo mic pere. Aka yeyo ama miyo Abel fodi luwo kad'otieko rigo tho.

Yakobo 3:18

Aka joma kelo siem jokeco tiro m'opidhi i siem.

1 Petero 3:15

To i cuny win, wor win Kristo paka Rwoth. Ndiri je yikere win ma dwoko ŋata lwoŋo win tito geno ma winigine.

1 Petero 3:2

Kole jobino neno paka kiti win olony aka diwor.

1 Yohana 4:10

Me a mar: Ki kwoŋbedo ni onwaŋo wamaro Were, to ni go ama omaro wan to dhiro Wode bedo cowirok ma kwanyo woko reco mawan.

1 Yohana 4:19

Wabedo gi mar rupiri Were ama otelo maro wan.