Yohana 15:11 - KITAWO MALEŊ

¹¹ “Atieko waco riwin gime ŋey kisangala paran wobedi i win, aka kisangala mewin wobedi m'opoŋ.

KITAWO MALEŊ Catholic

¹¹ “Atieko waco riwin gime ŋey kisangala paran wobedi i win, aka kisangala mewin wobedi m'opoŋ.

Yohana 15:11 ပူးပေါင်းရင်းမြစ်များ

Isaya 53:11

Rumacen ma kwo ma candirok, go laneno kisangala; go laŋeyo ni k'ocandere ma nono. Ŋeca paran m'omiyere, aka ma sangala an, latiŋo gir'acula pa ji kweth, aka ro go alacwako rijo.

Isaya 62:4

Kilalwoŋin kendo ni m'ojwangi, kosa lowo perin ni Gunda. To ilalwoŋin ni Kisangala paran ni go, gi lowo perin ni m'onywomere. Kole Rwoth sangala kodin, aka lowo perin lanywomo.

Yeremia 32:41

Alafore i timo bero rijo, aka alapidho jo i lowo me iy'adieri, gi cunyan je kodi adundo paran je.

Yeremia 33:9

Tindi madwoŋ me labedo ran nyingi kisangala, pak kodi dwoŋ ruwaŋ nonin je ma i piny, ma jowinji kwoŋ bero je m'atimo rijo. Jolabedo gi lworo to jokirin kwoŋbedo bero je kodi lim m'abino miyo tindi madwoŋ me.

Zefania 3:17

Rwoth Were perin nitie i dier win, jalweny ma miyo loyo, go lafore kwoŋin gi kisangala, go ladwoŋin gi mar pere; go lasiemere kwoŋin gi wer ma malo.

Luka 15:23

aka kidhi wikel rwath dhiaŋ ma cwe no wineki, aka weyi konon wacam kalima.

Luka 15:32

Aka oyido ripo ni watim kalima wasangala ye; kole omin in me onwaŋo otieko tho, to pama onyo kwo; onwaŋo otieko rwenyo, to pama onyo onwaŋere.’ ”

Luka 15:5

Aka ka otieko nwaŋo rombo no, tiŋo i goke gi kisangala.

Luka 15:9

Aka k'onwaŋo pesa no, lwoŋo merin gi joger pere kanyacel munyo waco rijo ni, ‘Biye sangala win kodan, rupiri anwaŋo pesa paran m'oyido orwenyo.’

Yohana 16:24

Gunyo ni fodi wikikwayo gimoro i nyingan, kway win aka wibino limo, ŋey kisangala mewin wobedi m'opoŋ.”

Yohana 16:33

Atieko waco riwin gime ŋey wibedi i siem i riwirok kodan. Piny bino miyo wicandere. To bedi win miseni! Atieko loyo candirok ma piny!”

Yohana 17:13

Onyo pama abino bongin, aka awaco gigipiny me i piny, ŋey jowolimi kisangala paran to poŋ i cuny jo.

Yohana 3:29

“Jamweha ama mweha bedo apere; jakony pa jamweha cungo ruŋete to ciko ithe wowinji gima timere, aka go sangala swa k'owinjo dwondi jamweha. Meno bende apaka kisangala paran onyo oromo.

Joroma 15:13

Were ma geno wok bonge wonyali poŋo win gi kisangala je kodi siem cungo kwoŋ yeyo mewin, ŋey geno mewin womedere dongo gi meni pa Cuny Maleŋ.

2 Jokorintho 1:24

Onyo wakitem cuko win gi gima wiripo yeyo, rupiri wicungo matek i yeyo. Kucel, watiyo gi win ri kisangala mewin won.

Joefeso 5:18

Wikiri wimer gi medho rupiri meno mienirok, to poŋ win gi Cuny Maleŋ ayin.

Jofilipi 1:25

Aŋeyo gime adieri, am'omiyo aridho ni abino doŋ. Abino bedo gi wijoje ma medo konyo win widongi kodi kisangala i yeyo.

1 Jothesalonika 5:16

Bedi win gi kisangala noknok,

1 Petero 1:8

Wimaro go kada fodi wikineno go; wiyeyo go, kada pama wikinen go; aka winigi kisangala ma didwoŋ ma kiwacere,

1 Yohana 1:4

Wandiko gime ŋey kisangala mawan wobedi m'opoŋ.

2 Yohana 1:12

Onwaŋo anitie gi wac madit riwin, to kiber awaci riwin i papila kodi vino; kucel, ageno liewo win to waluwo awaŋ g'awaŋ, aka nyaka wabino bedo gi kisangala m'opoŋ.