Yohana 14:6 - KITAWO MALEŊ

⁶ Yesu odwoko ni, “An aya royo, abedo adieri, kodi kwo; ongoye ŋata bino bongi Baba, ka k'oluwo bongan.”

KITAWO MALEŊ Catholic

⁶ Yesu odwoko ni, “An aya royo, abedo adieri, kodi kwo; ongoye ŋata bino bongi Baba, ka k'oluwo bongan.”

Yohana 14:6 ပူးပေါင်းရင်းမြစ်များ

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 1:17

Kole Cik obino luwo i cingi Musa, to nema kodi adieri obino riwan luwo bongi Yesu Kristo.

Yohana 1:4

Gimoro je manitie olimo kwo i go aka kwo no oyido a lero pa ji.

Yohana 10:28

Amiyo jo kwo makirum, aka jokibino tho; ongoye moro ma bino mayan jo.

Yohana 10:7

Yesu odoko owaco ni, “Adieri awaco riwin, Aŋat'abedo dhiot pa rombo.

Yohana 10:9

Aŋat'abedo dhiot. Moro je ma donjo gi bongan bino both; go bino donjo to wok, to nwaŋo lum m'oloth.

Yohana 14:19

I hongo macek piny kilanenan kendo, to wibino nenan; aka paka akwo, wibende wibino kwo.

Yohana 15:1

“Aŋat'abedo yath vini mar'adieri, aka Baba awon ndelo mere.

Yohana 18:37

Gikenyo Pilato openjo go ni, “Kere in ibedo kere?” Yesu odwoko ni, “Eno iwaco ni abedo kere. Kole onywolan ri gime aka abino i piny ka luwo ri adieri. Nyatoro je ma tiyere g'adieri winjo dwondan.”

Yohana 5:21

rupiri paka Bamere cerino jom'otho aka miyo jo kwo, apaka Wode bende miyo joma go oyenyo kwo.

Yohana 6:33

Rupiri mugat ma Were miyo obedo ŋata loro piny wok i polo aka miyo piny kwo.”

Yohana 6:51

Abedo mugat ma kelo kwo m'obino i piny wok i polo. Ŋat'ocam mugat me bino kwo cil gi cil. Aka mugat m'abino miyo win meno a delkwoŋan, m'abino miyo aka nyaka piny wolimi kwo.”

Yohana 6:57

Baba makwo ooran, aka akwo kwoŋbedo go. Meno bende apaka ŋata caman bino limo kwo wok kwoŋan.

Yohana 6:68

Simon Petero odwoko go ni, “Rwoth, onyo wanokidhi riwan bongi ŋa man? Kole iŋat'initie ye gi wac ma kwo makirum.

Yohana 8:32

wibino ŋeyo adieri, aka adieri no bino miyo wibedo i siem.”

Yohana 8:51

Adieri awaco riwin, ni ŋata winjo fonji paran kilatho.”

Tim pa Jomoor 3:15

Wineko Won kwo, to Were cerino go kwoŋ jom'otho; aka wabedo jokony ma joneno gime.

Tim pa Jomoor 4:12

“Aka both kinwaŋere bongi ŋatiman, rupiri ongoye nyingi nyatoro man je i piny gipi, ma Were omiyo ji, ma waripo nwaŋ'iye both.”

Tim pa Jomoor 9:2

to kwayo balwa ma dhiro go i kalamo pa Joyuda i Damasiko, ni k'onwaŋo joma luwo royo pa Rwoth kenyo, wonyali mako jo, cwo gi mon, to dwoko jo Yerusalem.

Joroma 15:16

ma bedo jatic pa Kristo Yesu ma tiyo ri Jopath. Atiyo paka jacway ri Were i migam kareno atito Wac Manyen Maber ma wok bongi Were, ŋey Jopath jowobedi mic ma Were jolo, ma Cuny Maleŋ olonyo rigo.

Joroma 5:2

Go am'okelo wan i nema pa Were ma pama wacung'iye. Am'omiyo wasangala i geno ma wanitie gine ma limo dwoŋ pa Were!

Joroma 5:21

Am'omiyo, paka gimarac odhumo i royo ma tho, ameno bende nema pa Were dhumo i royo ma kwanyo woko banja kwoŋ ji, munyo tero jo i kwo makirum kwoŋ Yesu Kristo Rwodhiwan.

1 Jokorintho 15:45

Am'omiyo ndiko waco ni, “Adam, dhano marapena olimo kwo.” To Adam macowe obedo Cuny ma miyo kwo.

Joefeso 2:18

I Kristo wajoje wan gi thwolo i Cuny Maleŋ acel ma kidho bongi Were Bawan.

Jokolosia 2:17

Gigipiny no je obedo nyaka tipo pa gigipiny m'oyido labino; to gim'obedo mar'adieri won nwaŋere i Kristo.

Jokolosia 2:9

Kole kwo pa Were gipi nitie kwoŋ Kristo, i kwo manyadel;

Jokolosia 3:4

Aka ka kwo mewin, m'obedo Kristo onenere kamaler, aka nyaka wibende wibino nenere gine kanyacel i dwoŋ pere.

Joebulaniya 7:25

Am'omiyo, go nyalo botho kicutho joma kidho bongi Were kodi bonge, rupiri go kwo cil gi cil ma pido gi Were rijo ndelo je.

Joebulaniya 9:8

Gi gigipiny me je, Cuny Maleŋ oyido nyutho ji nike royo ma donjo i Kabedo Maleŋ Maloyo oyido fodi k'oyaw ri ji.

1 Petero 1:21

I go wiyeyo Were, m'ocerino go kwoŋ jom'otho to miyo go dwoŋ, m'omiyo yeyo kodi geno mewin nitie kwoŋ Were.

1 Petero 2:4

Biye win bongi Rwoth, tele makwo ma ji jokwero nike bukony, to Were oyero paka dikony rigo.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Yohana 1:8

Ka wawaco ni wangoye gi reco, meno wawondere aka adieri ongoye i wan.

1 Yohana 2:23

Kole ŋata kwero Wod Were meno kwero Bamere bende; odoko ŋata jolo Wod Were meno jolo Bamere bende.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.

1 Yohana 5:6

Yesu Kristo a ŋat'obino gi pi ma batisimo kodi remo pere. Go k'obino gi pi kende, to gi pi kodi remo. Aka Cuny Maleŋ won ridho adieri me, rupiri Cuny Maleŋ obedo adieri.

2 Yohana 1:9

Ŋata kibedi i fonji pa Kristo, to medere i giman ayino, meno ongoye gi Were. Ŋata doŋ i fonji, meno nitie gi Bawan kodi Wode.

Menyirok ri Yohana 1:5

kodi ma wok bongi Yesu Kristo, jakony ma genere, Wode makayo m'otel cerino go kwoŋ jom'otho, aka obedo jadhum pa kerin je ma piny! Go omaro wan, aka gi remo pere ogonyo wan woko kwoŋ reco mawan,

Menyirok ri Yohana 19:11

Gikenyo aneno polo munyo yawere, to kayina matar nenere ruwaŋan. Ŋata riemo kayina no ilwoŋo ni M'ogenere kendo Jar'adieri; go thumo banja aka lwenyo i tiro.

Menyirok ri Yohana 20:15

aka nyatoro je ma k'onwaŋ nyinge i kitawo ma kwo, bende obol i wakawaka ma mac no.

Menyirok ri Yohana 22:1

Malaika onyuthan bende jwom ma pi ma kelo kwo, maler pa ndewiro, ma mol kareno wok i kom ma dhum pa Were kodi apa Nyathi rombo,

Menyirok ri Yohana 22:17

Cuny kodi Mweha, jowaco ni, “Biye.” Aka weyi moro je ma winjo wowaci ni, “Biye.” Aka weyi moro je ma riyo neko wobin. Weyi nyatoro je ma mito, womadhi pi ma kwo ma nono.

Menyirok ri Yohana 3:14

Ri malaika ma kitipa pa jom'oyeyo ma Lawodisia ndiki ama: Me mikwenda m'owok bongi ŋata lwoŋere ni Ameno, jakony ma genere odoko mar'adieri, m'obedo kacakirok ma cwec pa Were.

Menyirok ri Yohana 3:7

Ri malaika ma kitipa pa jom'oyeyo ma Filadelifia ndiki ama: Me mikwenda ma wok bongi Ŋataleŋ kendo ŋat'obedo Mar'adieri, ma tiŋo rayaw pa Daudi, ma k'oyawo gimoro nyatoro kinyal cego, kendo gima go ocego nyatoro kinyal yawo.