Yohana 10:36 - KITAWO MALEŊ

³⁶ onyo winowaci ri ŋata Were ooro i piny ni go luwo gima k'otire kwoŋ Were ni rupiri awaco ni abedo Wod Were?

KITAWO MALEŊ Catholic

³⁶ onyo winowaci ri ŋata Were ooro i piny ni go luwo gima k'otire kwoŋ Were ni rupiri awaco ni abedo Wod Were?

Yohana 10:36 ပူးပေါင်းရင်းမြစ်များ

Zabuli 2:2

Kerin jolwenyo, jodhum jotimo can kanyacel lweny gi Rwoth, gi kere pere m'oyero.

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 42:3

Go k'otur kedi midole, aka k'oneki mac maliel ma nimnim; go lakelo tiro iy'adieri.

Isaya 55:4

Neni, aketho go mijulisi ri ji, jatel aka jamituka pa ji.

Yeremia 1:5

“Mafodi akicweyin i ici, aŋeyin, aka mafodi k'onywolin ayerin ni ibedi jatuci wac Were ri nonin.”

Matayo 27:43

Kole go geno Were; aka owaco ni go Wod Were. Ere weyi wanen ka Were mito botho go pama!”

Matayo 27:54

Munyo jasirikale madwoŋ kodi jom'onwaŋo ni bonge munyo jokuro Yesu joneno yengirok pa piny kodi giman je m'otimere, lworo omako jo to jowaco ni, “Adieri me oyido Wod Were.”

Luka 1:35

To malaika waco rigo ni, “Cuny Maleŋ bino loro kwoŋin, aka meni pa Were Madwoŋ Maloyo bino umin; am'omiyo nyathi m'ibino nywolo ibino lwoŋo ni ŋataleŋ, Wod Were.

Yohana 10:35

Ka Were olwoŋo jom'okel rijo wac pere ni werin (aka gim'ondiki kiwire),

Yohana 17:18

Onyo aoro jo i piny paka cango in bende ioran i piny.

Yohana 17:21

Akwayo nike joje jowonyal bedo acel, Baba, paka initie i an aka anitie i in. Jo bende jowobedi i wan, ŋey piny woyeyi nike Iŋat'ioran.

Yohana 17:8

rupiri amiyo jo mikwenda m'imiyan, aka jojolo; joŋeyo adieri ni awok bongin, aka joyeyo nike iŋat'ioran.”

Yohana 19:7

Joyuda jodwoko ni, “Wanitie gi cik ma waco ni, go ripo tho, rupiri go owaco ni go Wod Were.”

Yohana 20:28

Toma odwoko ni, “Rwoth paran kendo Were paran!”

Yohana 20:31

To me ondiki aka ŋey wiyey ni Yesu obedo Kristo, Wod Were, aka ni yeyo gime winyal limo kwo makirum i nyingi go!

Yohana 3:17

Ato Were k'ooro Wode i piny ka nike wothum ri piny banja, to ni piny wonyali limo both kwoŋ go ayino.

Yohana 3:34

Ŋata Were ooro, luwo wac pa Were, rupiri Were miyo go Cuny Maleŋ m'opoŋ ma k'obuyo.

Yohana 5:30

“Akinyali timo gimoro awon kendan; athumo banja paka Were waco ran, am'omiyo thumo banja paran otire, rupiri akitem timo gim'awon amito, to gima ŋat'ooran ama mito.

Yohana 6:27

Wikiri witiy ri cemo ma nyekere piyo; to tiyi win ri cemo ma yindira to kelo kwo makirum. Me a cemo ma Wod Dhano bino miyo win, rupiri Were Baba won otieko ketho kwoŋ go ranyuth ma ridho wac no.”

Yohana 6:38

Kole abino i piny wok i polo timo gima ŋat'ooran yenyo, makiweno gim'awon ayenyo.

Yohana 6:57

Baba makwo ooran, aka akwo kwoŋbedo go. Meno bende apaka ŋata caman bino limo kwo wok kwoŋan.

Yohana 6:69

Aka onyo wayeyo odoko waŋeyo nike in ibedo Maleŋ m'owok bongi Were.”

Yohana 8:42

Yesu owaco rijo ni, “Bedi Were a Bawin adieri, di wimaran, rupiri awok bongi Were aka onyo an ka. Akibino gi wi tungan, to go ama ooran.

Joroma 1:4

t'inyutho ji ni go obedo Wod Were gi meni madwoŋ mapa Cuny ma kelo leŋo, munyo ocerino go kwoŋ jom'otho.

Joroma 8:3

Gima Cik k'onyalo timo ro nyapo ma del pa dhano, Were onyalo timo. Othumo banja loyo gimarac ma del, munyo ooro Wode won, m'obino i cal ma del pa dhano ma jagimarac, aka wonyali reyo woko gimarac.

Joroma 9:5

jowok kwoŋ kwarere wan macon, aka Kristo, paka dhano, onywole wok i dier jo. Weyi Were ma dhumo gimoro je, wopak cil gi cil. Ameno.

Jogalasia 4:4

To munyo hongo m'oyik otundo, Were ooro Wode won, ma dhako won bende am'onywolo, aka obedo i Cik pa Joyuda,