Yohana 10:27 - KITAWO MALEŊ

²⁷ Rombo paran winjo dwondan; aŋeyo jo, aka joluwan.

KITAWO MALEŊ Catholic

²⁷ Rombo paran winjo dwondan; aŋeyo jo, aka joluwan.

Yohana 10:27 ပူးပေါင်းရင်းမြစ်များ

1 Kerin 18:21

Elia ocore cegin gi ji je aka openjo jo ni, “Wilamedere bedo gi paro ario kiri keraŋo? K'inen Rwoth obedo Were, lam win go, to ka Bal obedo Were lam win go?” To jok'odwoko wac.

Isaya 66:22

Rwoth waco ni, Paka polo manyen, gi piny manyen, m'abino timo, joladoŋ ruwaŋan, ameno apaka nyikway win gi nyingi win ladoŋ.

Matayo 16:24

Gikenyo Yesu owaco ri jofonjirok pere ni, “Ka moro mito luwan, go won kutho ripo kwerere kende, wotiŋ musalaba pere, aka woluwan.

Matayo 17:5

Munyo go oyido fodi luwo, pondeponde matar obino to thoko jo aka dwondi moro m'owok i pondeponde owaco ni, “Me Wodan m'amaro kendo asangala gine; winji win go!”

Matayo 25:12

To go odwoko ni, ‘Adieri awaco riwin, akuya ran win.’

Matayo 7:23

Gikenyo abino waco rijo ni, “Akuya win, kendo eye win bongan win wijotimi reco me.”

Mariko 10:21

Gikenyo Yesu oŋiyo go gi mar to waco rigo ni, “Gimoro acel ama fodi odoŋ rin timo: Kidhi itana woko gima in gine je, pesa mere ipoki jocandi, aka ibino limo ŋaŋo i polo; aka ŋey ibin iluwan.”

Mariko 8:34

Rumacen Yesu olwoŋo lwak ji kodi jofonjirok pere bonge, to waco rijo ni, “Ŋata mito bino bongan, won mito wokwedere kende kendo wotiŋ musalaba pere woluwan.

Luka 13:27

‘Akuya ran kama wiwok'iye. Eye win bongan, wijotimi reco!’”

Luka 9:23

Gikenyo Yesu owaco rijo ni, “Ka moro mito luwan, go won kutho ripo kwerere kende, wotiŋ musalaba pere kisi ndelo, aka woluwan.

Yohana 10:14

An a jakwath maber. Aŋeyo rombo paran,

Yohana 10:16

An gi rombo man ma jongoye i sidwol me. Aripo kelo jo bende; jobino winjo dwondan, aka jobino lokere sidwol acel kodi jakwath acel.”

Yohana 10:8

Joman je ma jotelo yuwiyan jobedo jokwo kendo jomahembi; to rombo k'owinjo jo.

Yohana 12:26

Nyatoro je ma tiyo ran ripo luwan, aka jatic paran bino bedo kam'an'iye. Aka Baba bino miyo nyatoro je ma tiyo ran dwoŋ.”

Yohana 21:22

Yesu odwoko go ni, “K'amito ni ŋato wokwo cuka anodwoki, meno mako kwoŋin? Luwan ayino!”

Yohana 5:25

Adieri awaco riwin, ndir bino tundo aka otieko kiri tundo ma jom'otho jobino winj'iye dwondi Wod Were, aka dhano je ma winjo dwonde bino kwo.

Yohana 8:12

Yesu odoko oluwo gi jo ni, “Abedo lero ma piny; ŋata luwan bino bedo gi lero ma kelo kwo aka k'owothi i mudho.”

Yohana 8:43

To raŋo ma wikiniaŋ gim'awaco? Obedo rupiri wikimiti winjo fonji paran.

Tim pa Jomoor 3:23

Nyatoro je ma k'owinji wac pere, ibino kwanyo go woko kwoŋ ji pa Were to ireyo go woko.’

1 Jokorintho 8:3

To ŋat'omaro Were, Were ŋeyo go.

Jogalasia 4:9

To paka pama onyo witieko ŋeyo Were; kosa weyi awaci ni paka pama onyo Were oŋeyo win, winyalo nedi gik kendo bongi cuny manyap masisiri no? Raŋo ma wimito lokirok ŋecin pajo kendo?

2 Timothe 2:19

To tiendi geto m'ocwiny ma Were otieko ketho kiyengere, aka me a wac m'ondiki kwoŋe: “Rwoth oŋeyo joma jobedo apere.” Odoko ni, “Nyatoro je m'obedo apa Rwoth ripo eye woko kwoŋ tim mareco.”

Joebulaniya 3:7

Kole Cuny Maleŋ waco ni, “Ka wiwinjo dwondi Were konon,

Menyirok ri Yohana 14:4

Meno ji ma jokure maber ma jok'otimo cot gi mon. Joluwo Nyathi rombo kama go kidh'iye je; ogony jo wok kwoŋ ji je m'odoŋ aka jobedo pa kodhi m'onyak marapena m'omiy Were kodi Nyathi rombo.

Menyirok ri Yohana 3:20

Aka ee acungo dho thigo agudo; ka moro owinjo dwondan to yawo, abino donjo i ot pere t'acemo gine, to bende cemo kodan.