Yohana 1:45 - KITAWO MALEŊ

⁴⁵ Gikenyo Filipo onwaŋo Nathanel to waco rigo ni, “Watieko nwaŋo ŋata Musa ondiko kwoŋe i kitawo ma Cik, kodi ŋata jotuci wac Were jondiko kwoŋe. Go obedo Yesu, wod Yozefu ma Nazareth.”

KITAWO MALEŊ Catholic

⁴⁵ Gikenyo Filipo onwaŋo Nathanel to waco rigo ni, “Watieko nwaŋo ŋata Musa ondiko kwoŋe i kitawo ma Cik, kodi ŋata jotuci wac Were jondiko kwoŋe. Go obedo Yesu, wod Yozefu ma Nazareth.”

Yohana 1:45 ပူးပေါင်းရင်းမြစ်များ

Cakirok 22:18

Piny je jobino kwayan amiy jo silwany paka atieko miyo nyikwayin, rupiri itieko winjo dwondan.”

Cakirok 3:15

Abino ketho kwor i dier in gi dhako, aka i dier nyithindhin gi nyithindho pere. Nyithindho pa dhako jobino ŋinyo wiyin, aka ibino toŋo fundi jo.”

Cakirok 49:10

Yuda bino mako luth pa kere, aka nyikwaye wangi jobedo jodhum. Piny jobino kelo ri mic to jokule ruwaŋ go i wor.

Isaya 4:2

I ndelo no jangi yath pa Rwoth labedo maŋon to limo dwoŋ, aka ranyak ma lowo labedo noro gi dwoŋ pa Joisiraili ma joboth.

Isaya 53:2

Ŋeca pa Rwoth odongo paka dudi ma nyaka rwako fuc i lowo m'othwo. Go oyido ongoye gi dwoŋ kosa ŋono, m'omiy waŋiy go, kosa cal moro kwoŋe ma d'oyway cuny wan, kosa ŋono ma d'omiy wawanya go.

Isaya 7:14

Riameno Rwoth won gipi lamiyo win ranyuth. Neni, nyako mambula lagamo iye to nywolo wode aka ilacwoko nyinge ni Manwer.

Isaya 9:6

Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.

Mika 5:2

To in, a Bethelehem Efratha, m'ithin loyo i dier nonin ma Yuda, wok kwoŋin lawok ran, ŋata bino bedo jadhum i Isiraili, ma cakirok pere obedo cango con.

Zekaria 6:12

Iwaci rigo ni, Rwoth pa lwak jolweny waco ni, ‘Neni, jal ma nyinge obedo Jangi yath; kole go ladongo i kabedo pere to geto Ot pa Rwoth.’

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Matayo 10:3

Filipo kodi Batholomayo; Toma kodi Matayo, jacoki misolo; Yakobo wod pa Alfayo kodi Tadeyo;

Matayo 13:55

Me won k'obedo wod pa japac? Yokimere ki Maria, aka Yakobo, Yozefu, Simon, kodi Yuda meno ki wutmin go?

Matayo 2:23

to gero peco pere i tindi ma Nazareth. Go otimo ameno ma miyo gima jatuci wac Were owaco wotundi ni, “Ibino lwoŋo go ni Janazareth.”

Matayo 21:11

Lwak ji odwoko ni, “Me Yesu jatuci wac Were, ma wok Nazareth ma Galili.”

Mariko 14:67

Munyo nyako no oneno Petero oyo mac, okaŋasa go swa to waco ni, “In bende onwaŋo initie gi Yesu Janazareth.”

Mariko 6:3

Me won ki japac, wod pa Maria, omin Yakobo kodi Yose kodi Yuda kodi Simon? Aka nyimin go jongoye bongi wan won ka?” Ameno to jokwero yeyo go.

Luka 18:37

Jowaco rigo ni, “Yesu Janazareth ama kadho i royo ka.”

Luka 2:4

Riameno Yozefu bende oay i tindi ma Nazareth, i Galili to kidho Yuda i tindi pa Daudi m'ilwoŋo ni Bethelehem, paka go oyido obedo ja ot pa Daudi.

Luka 2:48

Jonywol pere jodhier munyo joneno go; aka yokimere owaco rigo ni, “Nyathi paran, itimo riwan ama raŋo? Panen, benin kodi an wabedo gi rembo ma kiwacere munyo warangin.”

Luka 24:27

Yesu otito rijo gima Ndiko Maleŋ oluwo kwoŋe cako kwoŋ kitawin pa Musa tundo i ndiko pa jotuci wac Were je.

Luka 24:44

Gikenyo owaco rijo ni, “Me gigipiny ma yado amaro waco riwin munyo fodi anitie gi win, ni gimoro je m'ondiki kwoŋan i Cik pa Musa, i ndiko pa jotuci wac Were, kodi i Zabuli onwaŋo ripo timirok.”

Luka 3:23

Munyo Yesu ocako tic pere, go oyido romo oro piero adek: Go obedo wod pa (paka okwan go) Yozefu, M'obedo wod pa Heli,

Luka 4:22

Ji je jofoyo go munyo jouro wac madongo mabeyo m'owok i dhoke ka jopenjo ni, “Me won ki wod pa Yozefu?”

Yohana 1:44

(Filipo onwaŋo wok Bethsayida, tindi ma Andereya kodi Petero bende onwaŋo jowok'iye.)

Yohana 12:21

Jobino bongi Filipo, m'oyido wok Bethsayida i Galili, to jokwayo ni, “Jadwoŋ, wamito neno Yesu.”

Yohana 14:8

Filipo owaco rigo ni, “Rwoth, nyuthi wan Were Bawan, meno won kende laromo wan.”

Yohana 18:5

Jodwoko ni, “Yesu Janazareth.” Go odwoko ni, “A an me.” Yuda jacami sereko, onwaŋo ocungo gi jo.

Yohana 18:7

Yesu odoko openjo jo ni, “Wirango ŋa won.” Jowaco ni, “Yesu Janazareth.”

Yohana 19:19

Pilato ondiko wac to oro joketho wi musalaba ni, “YESU JANAZARETH, KERE PA JOYUDA.”

Yohana 21:2

Simon Petero, Toma (m'ilwoŋo ni Rut), Nathanel (ma wok Kana i Galili) wot Zebedayo kodi jofonjirok pa Yesu man jario je oyido jo ni kanyacel.

Yohana 6:42

Gikenyo jowaco ni, “Me won ki Yesu wod pa Yozefu, aka waŋeyo kiri bamere gi min? To raŋo ma go pama kethere waco ni oloro piny wok i polo?”

Yohana 6:5

Munyo Yesu oŋiyo kor gi korin to neno ni lwak ji madwoŋ onwaŋo bino bonge, openjo Filipo ni, “Wanyalo nyewo kune cemo manyalo pidho ji me je?”

Yohana 6:7

Filipo odwoko ni, “Kada pesa ma romo misara ma dwe aucel je kinyal nyewo mugat ma romo dhano je bilo ye kad'abila won.”

Tim pa Jomoor 10:38

Paka Were okonjo kwoŋ Yesu ma Nazareth Cuny Maleŋ kodi meni; paka go okidho kamoro je munyo timo bero gi botho joma two je m'onwaŋo jonitie i acanda pa jwogi, rupiri Were oyido nigi go.

Tim pa Jomoor 2:22

Win Joisiraili, ciki win ithi win wiwinji gime: Yesu Janazareth onwaŋo obedo dhano ma Were oyero ni wotim gir'aura, kodi gidhier kodi ranyuth m'omore i dier win; aka wiwegi wiŋeyo gime, rupiri otimere bongi win won ka.

Tim pa Jomoor 22:8

Apenjo ni, ‘In iŋa, Rwoth?’ Owaco ran ni, ‘An Yesu ma Nazareth m'ilwenyo gine.’

Tim pa Jomoor 26:9

“An won onwaŋo yado aparo ni aripo timo gimoro je ma nyalere ma lwenyo gi nyingi Yesu ma Nazareth.

Tim pa Jomoor 3:6

Aka Petero owaco rigo ni, “Angoye gi zahabu kosa feza, t'abino miyin gima an gine. I nyingi Yesu Kristo ma Nazareth, aorin ni woth!”