Yohana 1:18 - KITAWO MALEŊ

¹⁸ Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

KITAWO MALEŊ Catholic

¹⁸ Ongoye moro m'otieko neno Were, kwanyo woko Wode won m'orikere ruŋeti Bamere am'onyutho wan go.

Yohana 1:18 ပူးပေါင်းရင်းမြစ်များ

Cakirok 16:13

Ameno Hagar olwoŋo Rwoth m'oluwo gi go ni, “Were ma Neno.” Ato go owaco ni, “Adieri aneno Were aka fodi doko akwo rumacen ma neno go!”

Cakirok 18:33

Munyo Rwoth otieko luwo gi Abraham, to kadho rigo, to Abraham dok peco pere.

Kitawo mar'ario mapa Musa m'ilwoŋo ni Wok 23:21

Cik win ithi win aka wiwinji go. Wikiri wigwenyere kwoŋe, rupiri aoro go aka k'ocwaki reco mewin.

Kitawo mar'ario mapa Musa m'ilwoŋo ni Wok 24:10

aka joneno Were pa Isiraili. I par tiende oyido nitie gima cale tele ma welo manyabululu pa polo m'ilwoŋo ni Safire.

Agecin 8:30

Oyido anitie ruŋete, paka jageto ma goyo cal ma ot, aka oyido abedo kisangala pere kisi ndelo, afore ruwaŋe noknok.

Isaya 40:11

Go lapidho mwendi pere paka jakwath; go lacoko nyithindhi rombo i bade, to tiŋo jo i kore, to leko megi rombo m'odeda.

Ywakirok 2:12

Joywak ri megi jo ka jopenjo ni, nikune cemo kodi vini? Joloc paka ŋat'olimo litho madwoŋ, kam'othangere ma tindi madwoŋ; kwo pajo rumo woko, i kor megi jo.

Kwan 12:8

Aluwo gi go awaŋ g'awaŋ i lero, makiweno i sikoiyiko; to go neno paka Rwoth cale. Raŋo ma wikilworo luwo marac kwoŋ ŋeca paran Musa?”

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Luka 10:22

“Baba otieko miyan gimoro je; aka ongoye ŋat'oŋeyo Wode kwanyo woko Bamere, kendo ongoye ŋat'oŋeyo Baba kwanyo woko Wode kodi joma Wode oyero nyutho jo Bamere.”

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 12:41

Isaya owaco ama rupiri oneno dwoŋ pa Ŋato, aka oluwo kwoŋe.

Yohana 13:23

Acel kwoŋ jofonjirok ma Yesu omaro, onwaŋo bende obedo kabuti Yesu.

Yohana 14:9

Yesu odwoko ni, “Atieko bedo gi win hongo malac ama je, to fodi ikuya an, Filipo? Moro je m'otieko nenan meno otieko neno Baba. To raŋo ma wiwaco ni, ‘Nyuthi wan Were Bawan?’

Yohana 17:26

Atieko miyo jo ŋeyin aka abino medo timo ameno, ŋey mar perin m'initie gine ran wobedi i jo, aka awon bende abedi i jo.”

Yohana 17:6

“Atieko miyo nyingin ŋeyirok i waŋ ji m'imiyan wok i piny. Jo oyido jobedo ji perin, to imiyan jo aka jotieko mako wac perin.

Yohana 3:11

Adieri awaco rin, waluwo gima waŋeyo, aka wawaco gima watieko neno to ongoye moro kwoŋ win ma yeyo jolo mikwenda mawan.

Yohana 6:46

Me kinyuthi ni nitie moro m'otieko neno Baba, kwanyo woko ŋat'owok bongi Were kende ama otieko neno go.”

2 Jokorintho 4:4

Were ma piny me oumo paro pa joma k'oyeyo gi mudho, ŋey womoni jo neno lero ma Wac Manyen Maber ma nyutho dwoŋ pa Kristo m'obedo cal pa Were.

Kitawo mar'abic mapa Musa m'ilwoŋo ni Cik 4:12

Rwoth oluwo gi win wok i mac. Wiwinjo derino ma wac pere to wikineno cal pere, nyaka obedo dwondi go.

Jokolosia 1:15

Kristo obedo cal pa Were ma kinenere. Go obedo Wode makayo, aka loyo gimoro je m'ocwey gi dwoŋ.

1 Timothe 1:17

Ri Kere ma cil gi cil, makitho aka kinenere, m'obedo Were kende, wor gi dwoŋ wobedi cil gi cil. Ameno.

1 Timothe 6:16

Go kende ama kitho, go bedo i lero ma moro kinyal core cegin gine. Ongoye ŋata fodi oneno go, odoko ongoye ŋata nyalo neno go. Ri go dwoŋ wobedi kodi meni ma cil gi cil. Ameno.

Yosuwa 5:13

Ndelo acel munyo Yosuwa oyido nitie cegin gi Yeriko, oŋiyo malo to neno dhano m'ocungo yunyime g'abor m'oyuy i cinge. Yosuwa okidho bonge to penjo go ni, “Ibedo acel kwoŋ wan, kosa acel kwoŋ jokwor mawan?”

1 Yohana 4:12

Ongoye ŋata fodi oneno Were, to ka wamare, meno Were bedo i wan aka mar pere bino roci maber i wan.

1 Yohana 4:20

Ka nyatoro waco ni, omaro Were ma to go fodi odak omin, meno go jatwodo, kwoŋbedo go kinyal maro Were mafodi go k'oneno, to kwero maro omin ma go otieko neno.

1 Yohana 4:9

Me apaka Were onyutho mar pere riwan: Go ooro Wode acel g'acel i piny ŋey walimi kwo luwo kwoŋe.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.