Yobu 8:3 - KITAWO MALEŊ

³ Were kiwir tiro, aka go kimon timo gim'otire.

KITAWO MALEŊ Catholic

³ Were kiwir tiro, aka go kimon timo gim'otire.

Yobu 8:3 ပူးပေါင်းရင်းမြစ်များ

Cakirok 18:25

Wobedi bor kodin timo nger gino, neko jom'otire kanyacel gi jokidakana, aka jom'otire jolimi gir'acula kanyacel gi jokidakana! Gino wobedi bor kodin! Jathum banja ma piny gibe k'otimi gim'otire!”

2 Kigana kwoŋ Kerin 19:7

Onyo riameno, lworo Rwoth wobedi kwoŋ win, wigwokere win i gima witimo, rupiri Rwoth Were mawan kiyere gi gima k'otire, go tero dhano je marom kosa go kicam nyew.”

Yobu 10:3

Ber rin bedo gi gero? Icayo tic m'atieko timo gi cingan, aka ithiel can pa jokidakana.

Yobu 19:6

Onyo ŋey win ni Were am'otieko miyan akom, aka otweyan i katimba pere.

Yobu 19:7

Makada nende aywak ni, “Akaka.” Ongoye ŋata dwokan, aka ongoye ŋata winjo ywak paran ri tiro.

Yobu 21:15

Jopenjo ni, “Jameni Je a ŋa, ma waripo tiyo rigo? Aka magowa aŋo ma walimo ka wakwayo go?”

Yobu 21:20

Weyi jo wegi jowotiŋ gir'acula pajo, aka jowowinji keme pa Were Majameni Je.

Yobu 34:5

Yobu otieko waco ni go otire, aka Were othwono go tiro.

Yobu 35:13

Adieri Were kiwinji ywak ma rendirok, aka Jameni Je kidew kwoŋe.

Yobu 36:23

Ŋa m'otieko nyutho go yo pere, kosa ŋa manyalo waco ni go okom?

Yobu 36:3

Alaoro ŋeyo paran mabor, aka alanyutho ni Jacwec paran otire.

Yobu 37:23

Meni pa Were dwoŋ ma wakinyali core cegin bonge, go dwoŋ i meni gi tiro, aka go otire noknok.

Yobu 4:17

Dhano bende nyalo timo gim'otire ruwaŋ Were? Dhano bende nyalo bedo macil ruwaŋ Jacwec pere?

Yobu 40:2

Jakipusa lapiemo gi Were? Ŋata tiro Were ripo wodwoki go.

Yobu 40:8

Ilatemo kwero ni atire? Ilawaco ni an akom aka in itire?

Yobu 9:2

Adieri aŋeyo ni obedo ameno, to dhano otire nedi ruwaŋ Were?

Zabuli 89:14

Keri perin cungo i wi timo gim'otire gi tiro, mar g'adieri nenere i gim'itimo je.

Zabuli 99:4

Kere Majameni, aka omaro tiro, itieko kelo tiro i Isiraili, ikelo timo gim'otire gi timo adieri.

Ezekiel 18:25

Kucel wiwaco ni, “Yo pa Rwoth k'otire. Onyo winji win, Awi ot pa Isiraili, yo paran k'otire? K'obedo ni yo mewin ama k'otire?

Ezekiel 33:17

Kucel ji perin jowaco ama: Royo pa Rwoth k'otire, ma to kere royo pajo ama k'otire.

Ezekiel 33:20

Kucel wiwaco ni, “Royo pa Were k'otire.” Awi ot pa Isiraili, alathumo banja ri kisi ŋat'acel acele cungo kwoŋ tim pere.

Daniel 9:14

Riameno Rwoth oŋiyo raco me cuka okelo kwoŋ wan. Adieri Rwoth Were mawan otire i gima go otieko timo; to wakiwinjo dwondi go.”

Joroma 2:5

To initie gi wictek aka cunyin dicay. Am'omiyo iwon imiyo gir'acula perin labedo madwoŋ swa i ndelo ma keme pa Were bino nyuther'iye ma thumo banja mar'adieri.

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Menyirok ri Yohana 15:3

Onwaŋo jowero wer pa Musa, jatic pa Were kendo apa Nyathi rombo ni, “Tic perin dongo aka obedo gir'aura, Rwoth Were Majameni je! Royo perin otire aka obedo mar'adieri, Kere pa nonin je!

Menyirok ri Yohana 16:7

Gikenyo awinjo dwondi moro wok kwoŋ migam munyo waco ni, “Rwoth, Were Majameni je! Thumo banja perin otire odoko obedo mar'adieri!”