Yobu 4:3 - KITAWO MALEŊ

³ Neni, itieko fonjo ji kweth, aka imiyo ji ma jonyapere meni.

KITAWO MALEŊ Catholic

³ Neni, itieko fonjo ji kweth, aka imiyo ji ma jonyapere meni.

Yobu 4:3 ပူးပေါင်းရင်းမြစ်များ

Cakirok 18:19

Atieko yero go ni wogwok nyithindho pere gi nyikwaye luwo yo pa Rwoth ka jotimo tiro, ŋey Rwoth wokel rigo gim'otieko ciko.”

Ezira 6:22

Gi kisangala jotimo Kalima ma Mugat ma buthow ma ndelo abirio; kole Rwoth oyido omiyo jo kisangala gi wiro cuny kere ma Pasia bongi jo, ŋey wokonyi jo gi geto kendo Ot pa Were, Were pa Isiraili.

Yobu 16:5

Dinyo adiyo cuny win gi wac, aka dinyo akweyo cuny win gi dhokan.

Yobu 29:11

Kisi ŋat'owinjan aluwo, olwoŋan ni jasilwany, aka kisi ŋat'onenan, oluwo kwoŋan.

Yobu 29:15

An oyido abedo waŋ joma waŋ gin otho, gi tiendi jor'aŋolo.

Yobu 29:16

An oyido abedo ba jocandi, aka akonyo jokicar i hongo ma teko.

Yobu 29:21

Ji jokuro winjan, k'aluwo, aka jobedo liŋ, k'amiyo rieko.

Yobu 4:4

Gi wac perin, ithielo ji m'oyido jotangatanga, aka imiyo jo cungo.

Agecin 10:21

Wac pa jom'otire pidho ji kweth, to jomamiŋ jotho ro miŋo.

Agecin 15:7

Dhok jomariek nyayo ŋeyo, gim'ongoye i paro pa jomamiŋ.

Agecin 16:21

Ŋatariek i cuny ilwoŋo ni janiaŋ, aka luwo mamit medo dwoŋo jo.

Isaya 35:3

Loki matek cingi joma nyap, aka loki m'ocwiny congi jo m'oregeya.

Isaya 50:4

Rwoth otieko miyan, lew joma jofonjere, ŋey anyal ŋeyo nger ma miyo meni, ri ji ma jolacere. Kisi odikin go cewan, cewo ithan, winjo paka ji ma jofonjere.

Ezekiel 13:22

Kwoŋbedo gi twodo mewin wicilo cuny joma timo gim'otire, aka wimiyo jokidakana meni medo timo kidakana aka jobotho kwo pajo.

Zefania 3:16

I ndelo no ilaluwo kwoŋ Yerusalem, Ikir'ilwor, Awi Zayon, ikir'iwey cingin wolwogere.

Luka 22:32

To atieko kwayo riwin, nike yeyo mewin wokiri worum woko. Aka k'itieko gik bongan, imiy wutmin in meni.”

Luka 22:43

[Gikenyo malaika owok i polo, omenyere rigo, to miyo go meni.

Joefeso 4:29

Weyi win luwo wac ma ramo cuny jo, to luw win wac mabeyo kendo kodi ma konyo joman, kende ma ripo i hongo m'oluw'iye no, ŋey wac mewin wonyali kelo nema ri joma winjo.

Kitawo mar'abic mapa Musa m'ilwoŋo ni Cik 3:28

To miy Yosuwa or, miy go meni, aka iloki go matek, kwoŋbedo go ama latelo yuwiy ji me miyo jo lunjo lowo m'ilaneno.

Jokolosia 4:6

Kiliesa mewin ripo ndir je bedo maŋon ma ywayo cuny jo pa kado cumbi, aka wiripo ŋeyo kite ma dwoko dhano je maber.

Joebulaniya 12:12

Tiŋi win malo cingi win m'onudere no, aka weyi win congi win wobedi m'ocwiny!