Yeremia 7:2 - KITAWO MALEŊ

² “Cungi i waŋkac ma Ot pa Rwoth, aka ititi kenyo wac me, aka iwaci ni, ‘Winji win wac pa Rwoth, win ji je ma Yuda, win ma widonjo gi waŋkac me lamo Rwoth.’ ”

KITAWO MALEŊ Catholic

² “Cungi i waŋkac ma Ot pa Rwoth, aka ititi kenyo wac me, aka iwaci ni, ‘Winji win wac pa Rwoth, win ji je ma Yuda, win ma widonjo gi waŋkac me lamo Rwoth.’ ”

Yeremia 7:2 ပူးပေါင်းရင်းမြစ်များ

1 Kerin 22:19

Mikaya omedere waco ni, “Riameno winji gima Rwoth waco. Aneno Rwoth obedo i kom pere ma dhum i polo aka jomalaika oyido jocungo i ŋete.

Zabuli 122:2

Tiendi wan oyido ocungo, i waŋkac perin, Yerusalem!

Isaya 1:10

Winji win wac pa Rwoth, awi jotel ma Sodom! Ciki ithi win ri fonji pa Were mawan awi ji ma Gomora!

Yeremia 10:1

Ji ma Isiraili, winji win wac ma Rwoth waco riwin.

Yeremia 11:6

To Rwoth waco ran ama: Tuci wac me je i tindin madongo ma Yuda, kodi i royin ma Yerusalem. Iwaci ri ji jowowinji thenethene ma cikirok aka jowotimi paka mitere.

Yeremia 19:14

Munyo Yeremia odwoko wok Tofeth, kam'oyido odhir'iye go tuco wac pere, ocungo i kapido ma Ot pa Rwoth to waco ri ji je ni:

Yeremia 2:2

Kidhi ititi mikwenda me ri kisi dhano ma Yerusalem. Me apaka Rwoth waco: “Apoyo cikirok perin ma mar munyo fodi i soye, mar perin paka mweha, nger m'iluwan iye i thim, i lowo m'oyido fodi k'ocwoy'iye.

Yeremia 2:4

Winji win mikwenda pa Rwoth, win nyikway Yakobo, kodi pecin je ma ot pa Isiraili.

Yeremia 26:2

Me apaka Rwoth waco: Cungi i kapido ma Ot pa Rwoth, aka iluwi kodi ji ma jowok i tindin madongo ma Yuda ma jobino lamo i Ot pa Rwoth; luw rijo wac je m'aorin; ikir'iwey gimoro kad'acel.

Yeremia 28:5

Kenyo to jatuci wac Were Yeremia luwo kodi jatuci wac Were Hanania munyo jocway ri Were i wi migam kodi ji je m'oyido jonitie jocungo i Ot pa Rwoth;

Yeremia 34:4

Kucel winji wac pa Rwoth, Awi Zedekia kere ma Yuda! Rwoth waco ama kwoŋin: Ikilatho g'abor.

Yeremia 36:10

Kenyo munyo ji je jowinjo, Baruk osoma wac pa Yeremia wok i Papila m'omin, i Ot pa Rwoth, i kisika pa Gemaria wod pa Safan jandiko, m'oyido nitie i kapido ma malo, i kadonjo ma Waŋkac ma Ot pa Rwoth Manyen.

Yeremia 36:6

riameno in won kidhi, aka i ndelo marapena ka ji jowinjo i Ot pa Rwoth, ilakisoma wac pa Rwoth wok i kitawo m'indik'iye wac m'atieko kiduma rin. Ilakisoma bende ka ji je ma Yuda ma jowok i tindin pajo jowinjo.

Yeremia 44:24

Yeremia owaco ri ji je kodi mon je ni, “Winji win wac pa Rwoth, win ji ma Yuda je ma winitie i piny Misir.

Yeremia 7:1

Me wac pa Rwoth m'obino ri Yeremia wok bongi Rwoth ka waco ni,

Ezekiel 37:1

Cingi Rwoth obino kwoŋan, to wodhan woko gi cuny pa Rwoth to jengan piny i dier milelo; kanyago oyido opoŋ gi cokin.

Hoseya 5:1

Winji win gime, Awi jocway ri Were i wi migam! Ciki ithin, Awi ot ma Isiraili! Winji, Awi ot pa kere! Kole thumo banja me mako win; kole wilokere bwo i Mizipa, kodi bwo m'oyar kwoŋ Tabor,

Amos 7:16

Riameno pama winji wac pa Rwoth. “Iwaco ran ni akir'atuci wac Were kwoŋ Isiraili, aka akir'atiti kwoŋ Joisiraili.”

Mika 1:2

Winji win gime, win ji je, ciki ithi win, kisi gima nitie i piny, aka weyi Rwoth Were womiy jakony ma luwo adieri kwoŋ win. Winji! Rwoth luwo gi ot pere maleŋ ma lamo.

Mika 3:1

Kole awaco: Winji win, win jotel pa Isiraili! Kodi jodhum ma ot pa Isiraili! Wiripo ŋeyo tiro.

Mika 3:9

Winji win gime win jotel ma ot pa Yakobo, kodi jodhum ma ot pa Isiraili. Win ma widak tiro aka wiwiro gimo'tire gi gim'okom.

Matayo 13:9

Gikenyo to Yesu waco ni, “Ŋata nigi ithe wowinji!”

Yohana 18:20

Yesu odwoko ni, “Ndiri je aluwo kamaler ri piny, aka afonjo i kitipa pa jom'oyeyo pa Joyuda kodi i Ot pa Were, kama Joyuda je jocokere iye, aka ongoye gima fodi awaco nyaliŋliŋ.

Tim pa Jomoor 5:20

“Kidhi win wicungi i Ot pa Were, aka wiwaci ri ji je kwoŋ kwo manyen me.”

Tim pa Jomoor 5:42

Aka piny m'oyawere je jomedere gi fonjo ji Wac Manyen Maber ma Kwoŋ Yesu Kristo, i Ot pa Were kodi i pecin pa ji.

Menyirok ri Yohana 2:11

Am'omiyo ŋata nigi ithe, wowinji gima Cuny waco ri kitipin pa jom'oyeyo! Joma joloy karatem jok'olim litho ma tho mar'ario.

Menyirok ri Yohana 2:17

Am'omiyo, ŋata nitie gi ithe, wowinji gima Cuny waco ri kitipin pa jom'oyeyo! Ŋata loyo karatem abino miyo go cemo m'opan m'ilwoŋo ni mana. Abino bende miyo go tele matar, m'ondik'iye nyingi jo Manyen, ma ŋat'omiy gino kende ama won ŋeyo.

Menyirok ri Yohana 2:29

Ŋata nigi ithe, wowinji gima Cuny waco ri kitipin pa jom'oyeyo.

Menyirok ri Yohana 2:7

Am'omiyo, ŋata nigi ithe, wowinji gima Cuny waco ri kitipin pa jom'oyeyo! Ri joma joloyo karatem abino miyo jo meni ma camo yath ma kwo manitie i Ndelo pa Were.

Menyirok ri Yohana 3:13

Am'omiyo ŋata nigi ithe, wowinji gima Cuny waco ri kitipin pa jom'oyeyo.

Menyirok ri Yohana 3:22

Am'omiyo, ŋata nigi ithe, wowinji gima Cuny waco ri kitipin pa jom'oyeyo!

Menyirok ri Yohana 3:6

Am'omiyo ŋata nigi ithe, wowinji gima Cuny waco ri kitipin pa jom'oyeyo.