Yakobo 5:16 - KITAWO MALEŊ

¹⁶ Am'omiyo, tuci win reco mewin ri jowoti win, odoko kway win ri jowoti win, ŋey wilimi both ma del. Kwayo pa ŋat'otire nitie gi meni madwoŋ aka tiyo.

KITAWO MALEŊ Catholic

¹⁶ Am'omiyo, tuci win reco mewin ri jowoti win, odoko kway win ri jowoti win, ŋey wilimi both ma del. Kwayo pa ŋat'otire nitie gi meni madwoŋ aka tiyo.

Yakobo 5:16 ပူးပေါင်းရင်းမြစ်များ

Cakirok 19:29

To munyo Were reyo woko tindin madongo gi milelo, opoyo Abraham, to wodho woko Loti munyo go oreyo woko tindin m'oyido Loti bed'iye.

Cakirok 20:17

Kenyo Abraham okwayo Were, aka Were obotho Abimelek, cege, kodi ŋecin pere ma mon ŋey jowonywol nyithindho

Cakirok 20:7

Pama onyo, dwoki dhako no ri cwore, rupiri go obedo jatuci wac Were, aka bino kwayo rin, ŋey ikir'itho. To k'ikidwoko go, ŋey nike ibino tho gi kisi gimoro perin je.”

Cakirok 32:28

Kenyo jalo owaco ni, “Nyingin doko k'olwoŋ ni Yakobo, to Isiraili. Rupiri itweyo rabok gi Were, t'iloyo.”

2 Samwiri 19:19

aka owaco ni, “Jadwoŋ, mondo wiyin wowil gi raco ma ndelo no atimo munyo iringo weyo Yerusalem. Ikir'imaki i cunyin, aka doko ikir'ipar kada kwoŋe.

1 Kerin 13:6

Kere Yerobowam owaco ri jatuci wac Were ni, “Mondo kway ran Rwoth, Were perin, aka ikway go wobothi cingan!” Jatuci wac Were okwayo aka cingi kere obothi.

2 Kigana kwoŋ Kerin 30:20

Rwoth owinjo Hezekia to cango ji.

Yobu 42:8

Onyo riameno ter win thwondhe abirio gi wot rombo abirio, wikidhi bongi ŋeca paran Yobu, to wimiyo mic awaŋa. Ŋeca paran Yobu lakwayo riwin, kwoŋbedo alayeyo kwayo pere ŋey akir'atiy gi win cungo kwoŋ miŋo mewin. Wikiluwo kwoŋan m'otire paka ŋeca paran Yobu.”

Zabuli 34:15

Rwoth kwonga jono ma jotimo gim'otire, aka winjo ywak pajo,

Kitawo mar'ario mapa Musa m'ilwoŋo ni Wok 17:11

Kisi ka Musa otiŋo cinge malo, Joisiraili joloyo, to k'odwoko piny, Joamalek jocako loyo.

Kitawo mar'ario mapa Musa m'ilwoŋo ni Wok 9:33

Ameno Musa oeye bongi Farawo wok i tindi madwoŋ, aka orieyo cinge ri Rwoth, aka mwoc koth, pe, kodi koth ocoki.

Agecin 15:29

Rwoth nitie bor gi jakidakana, to go winjo kwayo pa ŋata timo gim'otire.

Agecin 15:8

Cowirok pa jokidakana obedo amien ri Rwoth, to kwayo pa ŋataber obedo kisangala pere.

Agecin 28:9

Ka dhano kiwinji cik, kiri kwayo pere obedo amien.

Yeremia 15:1

Kenyo to Rwoth waco ran ama: Kada Musa kodi Samwiri jocungi ruwaŋan, kucel ak'onyuthi ji me ŋono. Alariemo jo woko ruwaŋan, t'aweyo jokadho.

Yeremia 33:3

Lwoŋan aka aladwokin, alawaco rin gigipiny madongo m'opanere ma fodi ikiŋeyo.

Yeremia 42:2

bongi Yeremia jatuci wac Were aka jowaco rigo ni, “Bedi ŋataber iwinji ywak mawan, ikway Rwoth Were mawan ri ji ma jodoŋ je. Kole wadoŋ nyaka manok kwoŋ kweth m'oyido wanitie, paka in bende ineno gi waŋin.

Kwan 11:2

To ji joywak ri Musa; Musa okwayo Rwoth, to mac tho.

Matayo 21:22

Ka winigi yeyo, wibino limo gimoro je ma wikwayo Were.”

Matayo 3:6

Jotuco reco pajo aka obatisa jo i Yordan.

Mariko 1:5

Ji ma wok iy'adec je ma Yuda kodi Yerusalem jokidho bonge, aka obatisa jo i jwom Yordan, munyo jotuco reco pajo.

Luka 9:6

Jofonjirok jomako royo to jowotho kabedo m'omore omore munyo jofonjo Wac Manyen Maber gi botho jotwo kisi kamoro.

Yohana 9:31

Waŋeyo nike Were kiwinji joreco; go winjo joma jomiyo go dwoŋ aka jotimo gima go mito.

Tim pa Jomoor 10:38

Paka Were okonjo kwoŋ Yesu ma Nazareth Cuny Maleŋ kodi meni; paka go okidho kamoro je munyo timo bero gi botho joma two je m'onwaŋo jonitie i acanda pa jwogi, rupiri Were oyido nigi go.

Tim pa Jomoor 19:18

Ji mathoth m'onwaŋo nyaka joyeyo bende jobino munyo jopusere reco aka jothango kamaler ajwoka m'oyido jotimo.

Tim pa Jomoor 8:24

Simon owaco ri Petero kodi Yohana ni, “Mondo kway win ran Rwoth, ŋey wongoye kada gimoro acel ma wiluwo kwoŋe me ma wotiman.”

Joroma 3:10

paka ondiki ni, “Ongoye dhano kad'acel m'otire, ongoye ma kad'acel,

Joroma 5:19

Ato paka kibenga manyaturo cik pa ŋat'acel oloko ji kweth jogimarac, apaka bende winjo cik pa ŋat'acel miyo iloko ji kweth jom'otire.

Jokolosia 1:9

Riameno, fodi wakikeŋ kwayo riwin, wok cuka wawinji kwoŋ win. Wakwayo Were wopoŋ win gi rieko ma ŋeyo gima go yenyo, gi rieko je kodi niaŋ ma Cuny miyo.

1 Jothesalonika 5:17

kway win hongo je ma wikikeŋ,

1 Jothesalonika 5:23

Weyi Were ma japok siem wolonyi win kicutho; kendo wokur cuny win, paro mewin, gi delkwoŋ win, ma bu raco moro je, i ndir ma bino pa Rwodhiwan Yesu Kristo.

1 Jothesalonika 5:25

Jowoti wan ma wamaro, kway win riwan bende.

Joebulaniya 11:4

Yeyo am'omiyo Abel ocwayo ri Were cowirok maber loyo apa Kayin. Yeyo omiyo go onwaŋo pak bongi Were paka dhano m'otire munyo Were ofoyo mic pere. Aka yeyo ama miyo Abel fodi luwo kad'otieko rigo tho.

Joebulaniya 11:7

Yeyo am'omiyo Nowa owinjo wac pa Were kwoŋ gigipiny ma go oyido fodi k'oneno. Go owinjo Were, to geto ye ma go gi peco pere joboth'iye. Ro yeyo pere go okwero reco m'oyido timere i piny, aka olimo bongi Were tiro ma wok i yeyo.

Joebulaniya 12:13

Hongo je woth win i royo m'opiele maber ri tiendi win, ŋey kam'oŋol wokiri womedi ukirok, to wocangi ayino.

Joebulaniya 13:18

Kway win riwan ma wikikeŋ. Waŋeyo ni paro ma cuny wan otire, aka wamito timo gim'otire hongo je.

Yosuwa 10:12

Kenyo to Yosuwa luwo gi Rwoth i ndelo ma Rwoth omiy'iye Joamor ri cwo ma Isiraili; to waco ruwaŋ Isiraili ni, “Waŋceŋ, cungi m'ikikithin i Gibeon, aka in Dwe i milelo Ayijalon.”

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Yohana 3:22

aka walimo bonge gimoro je ma wakwayo, rupiri wawinjo or pere aka watimo gima sangala go.

1 Samwiri 1:12

Hana omedere kwayo Rwoth hongo malac, to Eli neno dhok go.

1 Samwiri 12:17

Me k'obedo hongo ma keco ŋano? Alakwayo Rwoth, ni wodhiri derino ma koth gi koth; aka nyaka wibino ŋeyo ni kidakana mewin dwoŋ, ma witimo ruwaŋ Rwoth, munyo wikwayo go miyo win kere.”

1 Samwiri 12:18

Ameno to Samwiri kwayo Rwoth, aka Rwoth odhiro derino ma koth gi koth ndelo no won; to ji je jolworo Rwoth kodi Samwiri.