Yakobo 5:10 - KITAWO MALEŊ

¹⁰ Wutmera, poyi win jotuci wac Were ma joluwo wac i nyingi Rwoth. Ter win jo paka ranen pa joma jociro gi diyo cuny jo i hongo ma candirok.

KITAWO MALEŊ Catholic

¹⁰ Wutmera, poyi win jotuci wac Were ma joluwo wac i nyingi Rwoth. Ter win jo paka ranen pa joma jociro gi diyo cuny jo i hongo ma candirok.

Yakobo 5:10 ပူးပေါင်းရင်းမြစ်များ

2 Kigana kwoŋ Kerin 36:16

to jomedo ŋalo jomikwenda pa Were, cayo wac pa Were, kodi nyero jotuci wac Were pere, tundo kama keme pa Rwoth olokere madwoŋ kwoŋ jo to m'ongoye both.

Isaya 39:8

Gikenyo to Hezekia waco ri Isaya ni, “Wac pa Rwoth m'itieko waco ber.” Kole go oyido oparo ni, “Siem gi kwe pa piny labedo i hongo pere.”

Yeremia 2:30

Atieko rwadho nyithindho mewin piny; jokwero winjo fonji. Abor mewin wegi ocamo woko jotuci wac were mewin paka simbwor ma reyo woko jo.

Yeremia 23:22

To bedi jobedi i romo paran, nyaka di jotuco wac paran ri ji paran, aka di jowiro jo wok i yo pajo marac, kodi i tim pajo marac.”

Yeremia 26:16

Kenyo to jotel kodi ji je jowaco ri jocway ri Were i wi migam kodi jotuci wac Were ni, “Jame kiripi kodi banja ma tho, rupiri go otieko luwo kodi wan i nyingi Rwoth Were mawan.”

Luka 13:34

“A ji ma Yerusalem, ma joneko jotuci wac Were m'odhir rijo, aka megi jogoyo jo gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero!

Luka 6:23

Sangala win ro ndelo ma bino tundo, aka uci win gi miel. Kole kemba mewin bino bedo madwoŋ i polo. Me a kite ma bacere pajo jotimo ri jotuci wac Were bende.

Tim pa Jomoor 3:21

Go ripo doŋ i polo cuka ndir otundi ma Were odwok'iye gigipiny je i kare, paka Were owaco gi i dhok jotuci wac pere ma cango con.

Tim pa Jomoor 7:52

Nitie jatuci wac Were kad'acel ma kwarere pajo k'olwenyo gine? Joneko kiri jomikwenda pa Were, ma cango con jotuco bino pa Ŋat'otire, ma witieko kiri camo rigo sereko to wineko go.

Joebulaniya 13:7

Poyi win jotel mewin macon, ma jotito riwin wac pa Were. Pari win paka kwo pajo obedo aka wimaki kiti yeyo pajo.

Yakobo 4:11

Wikiri wiluwere marac kwoŋ jowoti win, wutmera. Ŋata luwo marac kwoŋ omin, kosa thumo rigo banja, meno luwo marac kwoŋ Cik aka cayo Cik. K'icayo Cik, meno kere ikibedo dhano ma winjo Cik, to ijacay Cik ayino.

Yakobo 5:13

Nitie moro kwoŋ win manitie i teko? Weyi wokway Were. Nitie moro ma sangala? Weyi wower wer ma pako Were.

Yakobo 5:7

Am'omiyo, wutmere, diy win cuny win, cuka Rwoth odwoki. Neni win paka jafur diyo cunye munyo kuro ni lowo pere wonyak rigo gima welo. Go kuro gino m'odiyo cunye cuka koth ma cwir kodi ma keco tundo.

Yakobo 5:9

Wikiri wigeŋisa gi jowoti win, wutmera, aka Were k'othumi riwin banja. Kole jathum banja ni dhiot, oyikere donjo!