Yakobo 4:8 - KITAWO MALEŊ

⁸ Core win cegin gi Were, aka go bende bino core cegin gi win. Joreco, logi win cingi win. Lony win cuny win, wijokiganagana!

KITAWO MALEŊ Catholic

⁸ Core win cegin gi Were, aka go bende bino core cegin gi win. Joreco, logi win cingi win. Lony win cuny win, wijokiganagana!

Yakobo 4:8 ပူးပေါင်းရင်းမြစ်များ

Cakirok 18:23

Kenyo Abraham ocore cegin to penjo Rwoth ni, “Inorey adieri jom'otire kanyacel gi jokidakana?

1 Kigana kwoŋ Kerin 28:9

“Aka in, wodan Solomon, yey Were pa benin aka tiyi rigo gi cunyin acel kodi paro perin je; kole Rwoth dwaro kisi nyaŋith, aka niaŋ kisi can kodi paro. K'inorangi go, ilanwaŋo go; to k'inojwangi go, go laweyin kicutho.

2 Kigana kwoŋ Kerin 15:2

aka okadho romo gi Asa to waco rigo ni, “Winjan, Asa, kodi ji je ma Yuda kodi Benyamin: Rwoth nitie gi win tekin winitie gi go. Ka wirango go, wilanwaŋo, to ka ijwango go, go lajwango win.

Yobu 16:17

Makada nende cingan kitim gir'akaka, aka kwayo paran olony.

Yobu 17:9

Kucel ŋata timo gim'otire kiladhiere, aka ŋata cinge olony lamedo bedo matek.

Yobu 9:30

Makada nende anolwokere gi pi macil, t'alogo gi sabun,

Zabuli 119:113

Adaki ji ma jonigi paro ario, t'amaro cik perin.

Zabuli 145:18

Rwoth bedo cegin gi ji je ma jolwoŋo go, ri joje ma jolwoŋo go iy'adieri.

Zabuli 18:20

Rwoth miyan kemba cungo kwoŋ tiro paran, go miyan silwany kwoŋbedo abu banja.

Zabuli 24:4

Ŋata cinge olony aka cunye cil, ŋata kilam cal, kosa kitim cikirok ma twodo.

Zabuli 26:6

Rwoth, alwoko cingan ma nyutho ni abu banja, aka aŋanjo kareno alamo thoko migam perin.

Zabuli 51:10

Miyan adundo macil, Awi Were, aka kethi cuny manyen, m'otire i an.

Zabuli 73:13

To ri an, je obedo gipilok ni atieko kuro cunyan m'olony, t'alwoko cingan m'ongoye apuse.

Zabuli 73:28

To ri an ber bedo cegin gi Were; atieko loko Rwoth Were kapondo paran, ŋey anyal luwo kwoŋ tic perin je.

Isaya 13:15

Ŋat'onwaŋ je ilacwowo, aka m'omak je ilaneko g'abor.

Isaya 29:13

Rwoth owaco ni: “Kwoŋbedo ji me jocore cegin adhok, joworan gi wac nono, kucel cuny jo nibor kodan, aka lworo pajo ran obedo or pa ji ma jopoyo.

Isaya 58:2

Kucel jorangan kisi ndelo, aka josangala mito ŋeyo yo paran, paŋini piny ma timo gim'otire, aka jok'ojwango cik pa Were pajo. Jokwayan thumo banja gi tiro, aka josangala bino cegin gi Were.

Yeremia 4:11

I hongo no ibino waco ri ji me kodi Yerusalem ni: “Koyo malieth wok i wi tendere i thim kidho yu bongi ji paran ma jocandi, ki ma yeko kosa cido woko,

Yeremia 4:14

Awi Yerusalem, lwoki adundo perin wolony kwoŋ kidakana, ŋey inyal both. Paro ma cunyin marac odoŋ kiri keraŋo?

Ywakirok 3:57

Icore cegin munyo alwoŋin, aka iwaco ni, Ikir'ilwor.

Ezekiel 18:31

Weyi win reco je ma witieko timo kwoŋan, aka wilimi cuny manyen kodi adundo manyen! Raŋo witho, awi ot pa Isiraili?

Zekaria 1:3

Riameno waci rijo ama: Me apaka Rwoth pa lwak jolweny waco: Dwoki win bongan, aka aladwoko bongi win, Rwoth pa lwak jolweny waco.

Malaki 3:7

Wok i ndir ma wiketho cik paran gi thenge aka wikikuro. Dwoki win bongan, aka abino dwoko bongi win, Rwoth pa lwak jolweny waco. To wipenjo ni, “Wanodwoki nedi?”

Matayo 12:33

“K'iyenyo olemo maber, iripo bedo gi tiendi yath olemo bende maber; to k'initie gi tiendi yath marac, bende ibino nwaŋo olemo marac. Kole bero pa yath iŋeyo kwoŋ gima nyak kwoŋe.

Matayo 15:2

“Raŋo jofonjirok perin jocayo kula pa kwarere mawan? Jokilogi cingi gin paka mitere ka jokidho cemo!”

Matayo 27:24

Gikenyo munyo Pilato onwaŋo ni ongoye kony medirok gi penji aka kucel ji oyido jomedo ameda woy ayino, okwanyo pi to logo cinge ruwaŋ ji, munyo waco ni, “Tho pa ŋatin kimaki kwoŋan; me obedo tim mewin wiwegi!”

Tim pa Jomoor 15:9

Go k'opoko wan gi jo; aka ocwako reco pajo cungo kwoŋ yeyo pajo.

2 Jokorintho 7:1

Paka wan gi cikirok me, jowotan m'amaro, walonyi win kwoŋ gimoro je ma koco delkwoŋ wan, kosa cuny wan, aka warangi lokirok maleŋ makicutho, ka walworo Were i kwo mawan.

1 Timothe 2:8

Am'omiyo ayenyo ni kamoro je ji jowokway, ma jomiyere ri Were aka jotiŋo cingi gin malo i kwayo, m'ongoye nge kosa kiŋunyaŋunya.

Joebulaniya 10:22

onyo weyi wacore cegin gi Were, gi cuny wan je, gi yeyo m'ocowere, gi cuny m'otiek lonyo m'odoko kiwinji banja, gi del m'olwok gi pi m'olony.

Joebulaniya 7:19

Kole Cik pa Musa di k'onyalo loko gimoro m'olony kicutho, to pama otiek kelo geno maber ma miyo wan tundo bongi Were.

Yakobo 1:8

kwoŋbedo go nigi paro ario, aka kiridhi paro i gimoro je ma go timo.

Yakobo 3:17

To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

1 Petero 3:21

aka pi no obedo ranyuth ma cimo batisimo ma pama botho win, ki paka gima lwoko woko cilo ma del t'obedo cikirok m'itimo ri Were gi cuny maber. Gino bothin luwo kwoŋ cerino pa Kristo Yesu,

1 Yohana 3:3

Nyatoro je manitie gi geno me i Kristo ripo lonyo kwo pere paka Kristo olony.

1 Samwiri 14:35

To Saulo geto ri Rwoth migam, aka meno obedo marapena Saulo geto ri Rwoth migam.