Yakobo 4:10 - KITAWO MALEŊ

¹⁰ Bwonere win ruwaŋ Were, aka go bino tiŋo win malo.

KITAWO MALEŊ Catholic

¹⁰ Bwonere win ruwaŋ Were, aka go bino tiŋo win malo.

Yakobo 4:10 ပူးပေါင်းရင်းမြစ်များ

2 Kigana kwoŋ Kerin 7:14

ka ji paran ma jolwoŋere gi nyingan jomwole, jokway, jorangan, to joweyo yo pajo ma kidakana, kenyo alawinjo gi polo, alacwako reco pajo t'abotho piny pajo.

Yobu 22:29

Were mwolo jonoro, aka go tiŋo malo ji mamwol.

Yobu 5:11

Go tiŋo malo jono ma jonitie piny, aka miyo jono ma joywak kisangala.

Zabuli 113:7

Go tiŋo malo jocandi wok i fukefuke, aka tiŋo malo joma bu gimoro wok i kidhur buru,

Zabuli 147:6

Rwoth tiŋo malo jomamwol, to ŋinyo jokidakana piny.

Zabuli 27:6

Ameno abino kikengila jokwor paran ma jothokan. Abino miyo cowirok i wema pere gi koko ma siemirok, abino wero, abino pako Rwoth.

Zabuli 28:9

Bothi ji perin Rwoth, aka miy jono ma jobedo aperin silwany. Bedi jakwath pajo, aka ikuri jo cil gi cil.

Zabuli 30:1

Abino pakin, Rwoth, kole ibothan, aka ikiweyo jokwor paran jowonyeran.

Kitawo mar'ario mapa Musa m'ilwoŋo ni Wok 10:3

Ameno Musa gi Aron jokidho bongi Farawo, aka jowaco rigo ni, “Rwoth, Were pa Joebulaniya waco ni, ‘Inomedere kwero kiri keraŋo mwolok ruwaŋan? Weyi ji paran jokadhi ŋey jowonyal laman.

Agecin 29:23

Noro pa dhano kelo podho pere, to ŋata mwol lalimo dwoŋ.

Ezekiel 21:26

Rwoth Were waco ama: Luny woko junga perin, luny woko sangaria perin, gime je langoye, tiŋi malo gima nitie piny, aka dwoki piny gima nitie malo.

Matayo 23:12

Ŋata won miyere dwoŋ ibino dwoko go piny, aka ŋata won dwokere piny am'ibino loko go madwoŋ.

Luka 1:52

Go oŋilo woko kerin madongo wi kombere pajo, aka otiŋo malo joma bwonere.

Luka 14:11

Ato ŋata won miyere dwoŋ ibino dwoko piny, aka ŋata won bwonere am'ibino miyo dwoŋ.”

Luka 18:14

Awaco riwin, jal me odok peco munyo otire ruwaŋ Were loyo Jafarisayo no. Ato ŋata won miyere dwoŋ ibino bwono, to ŋata bwonere am'ibino miyo dwoŋ.”

1 Petero 5:6

Am'omiyo, bwonere win, i cingi Were ma dimeni, ŋey nyaka go bino tiŋo win malo i hongo m'oripo.

1 Samwiri 2:7

Rwoth ama loko jomegi jocandi, aka jomegi joŋaŋo; go dwoko piny jomegi aka tiŋo malo jomegi.

1 Samwiri 2:9

Go kwonga kwo pa ji pere ma genere, to jokidakana jobino rere i colo kole nyatoro won kikwo ro meni pere.