Yakobo 3:17 - KITAWO MALEŊ

¹⁷ To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.

KITAWO MALEŊ Catholic

¹⁷ To rieko ma wok i polo olony kutho marapena; odoko kelo siem, aka nitie iye mwolo; dewo kwoŋ ji, oasere gi wor aka nywolo tim mabeyo; ongoy'iye thumo banja m'okom kosa rendirok.

Yakobo 3:17 ပူးပေါင်းရင်းမြစ်များ

1 Kerin 3:12

neni, alatimo gim'iwaco. Abino miyin rieko kodi ŋeyo madit m'ongoye ŋat'otieko bedo gine, aka ongoye ŋata bino bedo gine kendo.

1 Kerin 3:28

Munyo Joisiraili jowinjo nger ma kere othumo iye banja, jopoŋ rigo gi wor, rupiri joniaŋ nike Were oyido omiyo go rieko timo tiro.

1 Kerin 3:9

Riameno miyan rieko ma dhumo ji perin, ŋey anyal poko i dier bero kodi raco, rupiri ŋa manyalo dhumo ji perin madwoŋ me?”

1 Kigana kwoŋ Kerin 22:12

Aka weyi Rwoth womiyin niaŋ kodi rieko ŋey inyal dhumo Isiraili cungo kwoŋ cik pere.

1 Kigana kwoŋ Kerin 22:9

Neni, ilabedo gi wodin, go labedo jacwo ma siem. Alamiyo go siem i thenge pa jokwor pere, kole ilalwoŋo go nike Solomon kwoŋbedo i hongo pere ma dhum alamiyo Isiraili siem t'akwonga jo.

Yobu 28:12

To rieko nwaŋere kune? Walafonjere kune niaŋ?

Yobu 28:23

Were kende ama oŋeyo yo mere, aka go ama oŋeyo kabedo mere.

Yobu 28:28

Were owaco ri dhano ni, “Adieri, lworo Were, meno obedo rieko, aka weyo raco obedo niaŋ.”

Kitawo mar'ario mapa Musa m'ilwoŋo ni Wok 36:2

Musa olwoŋo Bezalel, Oholiab, kodi cwo man je ma Rwoth oyido omiyo jo nyalo aka m'oyido cuny gin ogudo jo, aka owaco rijo cako tic.

Agecin 2:6

Kole Rwoth ama miyo rieko, wok i dhok go ŋeyo gi niaŋ jobino.

Isaya 2:4

Go lathumo banja i dier nonin, aka lakiosa ri ji kweth. Jolathedho abor pajo wolokere kwe dhok ma fur, aka tonge pajo wolokere apala nyangoda. Ongoye nono ma latiŋo abor kwoŋ nono man kendo, kosa fonjere lweny kendo.

Isaya 32:6

Kole jamiŋo joluwo miŋo, timo kidakana i cunye; timo gima bu Were, luwo twodo kwoŋ Rwoth, weyo kec neko ji, aka thwono joma riyo neko gir'amadha.

Isaya 40:11

Go lapidho mwendi pere paka jakwath; go lacoko nyithindhi rombo i bade, to tiŋo jo i kore, to leko megi rombo m'odeda.

Daniel 1:17

Were omiyo yac aŋwen me bedo gi ŋeyo, niaŋ ndiko je kodi rieko. Daniel oyido nitie gi niaŋ kwoŋ menyirok je kodi lek.

Malaki 2:9

Ameno amiyo ji jobwono win, paka bende wikiluwo yo paran, aka witimo nyakucel i fonji mewin.”

Malaki 3:3

Go bino thumo banja paka ŋata thedho aka lonyo feza, aka bino lonyo wot Levi to lonyo jo paka zahabu gi feza, cuka jomiyo Rwoth mic ma ripo gi go.

Matayo 23:28

I yo acel wibende wicale jom'otire gi woko, ma to i cuny win koro rendirok kodi reco ama opoŋ'iye.”

Matayo 5:8

Josilwany a joma cuny gin olony, kole jobino neno Were.

Matayo 5:9

Josilwany a joma kweyo piny, kole ibino lwoŋo jo ni nyithindho pa Were.

Luka 21:15

Kole abino miyo win wac kodi rieko ma ongoye jakwor mewin ma bino ciro kosa kwero gima wiwaco.

Luka 6:36

Bedi win gi wor paka Bawin jawor.

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 1:47

Munyo Yesu oneno Nathanel, oluwo kwoŋe ni, “Me Jaisiraili mar'adieri; ongoye komo moro kwoŋe!”

Tim pa Jomoor 11:24

ato Barinaba onwaŋo obedo dhano maber, m'opoŋ gi Cuny Maleŋ kodi yeyo. Aka ji mathoth swa jomedere i kitipa ji pa Rwoth.

Tim pa Jomoor 9:36

I Yopa onwaŋo nitie dhako m'oyeyo m'ilwoŋo ni Tabisa, (Nyinge i Dhogrik obedo Dokas, dwoŋ mere ni amudhe), m'oyido oro hongo pere je ma timo bero gi konyo jocandi.

Joroma 12:18

Tem win paka nyalere neno ni wibedo i siem gi ji je.

Joroma 12:9

Mar ripo bedo mar'adieri. Kwer gimarac, cwire kwoŋ gimaber.

Joroma 15:14

Wutmera, awon anitie gi geno kwoŋ win, nike withoth gi bero, nike wipoŋ gi rieko, aka wiwegi winyalo fonjo jowoti win.

1 Jokorintho 12:8

Cuny no miyo ŋat'acel mikwenda ma rieko, ŋatiman Cuny miyo mikwenda ma ŋeyo gimoro.

2 Jokorintho 10:1

An Paulo, agoyo koko riwin; an m'iwaco ni amwol k'anitie gi win, to abedo jamaker riwin ka an bor gi win. Akwayo win gi mwolo kodi ŋono pa Kristo, ni

2 Jokorintho 6:6

Watieko nyutho ni wajotic pa Were gi lonyo, niaŋ, diyo cuny, kodi cuny maber, i Cuny Maleŋ, i mar mawan mar'adieri,

2 Jokorintho 7:11

Ere neni win gima rem ma wok bongi Were no otieko timo kwoŋ win; neni paka oloko win joma genere, ma cuny win olony. Neni paka cuny win ramere, bwok, paro, maro Were, aka mito tiro ama wobedi. Kole witieko nyutho ni wingoye gi raco i wac no je.

2 Jokorintho 9:10

Were ma miyo ji kodhi ma cwoyo, kodi cemo acama, bino miyo win kodhi ma wiyenyo to miyo kodhi no dongo, ŋey gima wok i tim mewin mabeyo wonyak kweth.

Joefeso 5:9

Kole gima kelo lero obedo gigipiny mabeyo, m'otire kodi mar'adieri.

Jofilipi 1:11

Kwo mewin bino nyak olemo ma kite mabeyo, ma Yesu Kristo won ama kelo, to miyo Were dwoŋ kodi pak.

Jofilipi 4:8

Macowe, wutmera, poŋ win i paro mewin gigipiny mabeyo m'ipako me: Gigipiny mar'adieri, ma didwoŋ, m'otire, m'olony, maber amara, kodi maŋon.

Jokolosia 1:10

Wakwayo ameno ŋey kwo mewin wobedi paka Rwoth mito, to witimo gima sangala go hongo je. Kwo mewin bino nyak kiti tic mabeyo je, aka wibino medere gi ŋeyo Were.

1 Jothesalonika 2:7

kada bedi nitie gim'oyido di wayenyo kwoŋ win g'arom paka jomoor pa Kristo. To wabedo moth munyo wanitie gi win, pa dhako ma kuro nyithindho pere maber swa.

1 Timothe 5:21

Ruwaŋ Were kodi Yesu Kristo, kodi jomalaika maleŋ, aorin ni winji fonji me m'ongoye yero, aka ikir'itim ri ji gimoro je kareno idok yuthenge acel.

2 Timothe 2:24

Jatic pa Rwoth kiripi bedo jadhawirok, to ripo bedo jawor ri ji je. Ripo bende bedo manyalo fonji kendo ma diyo cunye,

Tito 1:15

Ri jom'olony, gimoro je olony; ri jomakoc aka jokiyey, ongoye gim'olony, rupiri paro pajo kodi niaŋ ma cuny jo oduwere.

Tito 3:2

Ceri jo luwo marac kwoŋ nyatoro, to jowobedi m'ongoye dhawirok, jomamwol, aka ndir je jowonyuthi kite mabeyo ri ji je.

Joebulaniya 12:11

K'imiyo dhano gir'acula ma tiro go, i hongo no gir'acula no cal rigo gimoro ma kiber, ma kelo litho ayino, to rumacen, jom'otweny jo gi gir'acula ma kite no jolimo kemba gi siem ma kwo m'otire.

Joebulaniya 12:14

Tem win paka winyalo bedo i siem gi ji je, gi woth i kwo ma leŋo, rupiri ongoye ŋata bino neno Rwoth ma bu leŋo.

Yakobo 1:17

Mic maber kodi maŋon je wok i polo; wok bongi Were Baba, jacwey lero ma polo, aka go kiwire korin gi korin pa tipo yath.

Yakobo 1:5

To ka moro kwoŋ win cando rieko, go ripo kwayo Were, m'amiyo dhano je gimoro ma k'obuyo kendo ma k'oŋunyaŋunya, aka bino miyin.

Yakobo 2:13

rupiri Were k'onyuthi wor ri ŋata k'onyutho wor ri wadi. To ŋata nyutho wor meno otieko loyo banja.

Yakobo 2:4

Meno onyo wikibenga ikelo pokirok i dier win kareno wilokere paka jothumi banjin ma paro pajo reco?

Yakobo 3:15

Rieko ma cal ameno kiwoki i polo; t'obedo ma piny ka, ki ma cuny, to apa jwogi ayino.

Yakobo 4:8

Core win cegin gi Were, aka go bende bino core cegin gi win. Joreco, logi win cingi win. Lony win cuny win, wijokiganagana!

1 Petero 1:22

To paka onyo wilony ro winjo adieri, aka winigi mar m'ocwiny ri jowoti win ma joyeyo, ere mare win adieri gi cuny win je.

1 Petero 2:1

Am'omiyo, weyi win miyo jowoti win litho, kodi twodo je, kosa rendirok, kosa nyeko, kosa nyeko nyingi wadi win!

1 Petero 2:18

Ŋecin, winji win rwodhe mewin, aka nyuthi win jo wor m'opoŋ, ki nyaka joma timo riwin maber aka joparo kwoŋ win kende, to kiri joma ger bende.

1 Yohana 3:18

Nyithindho paran, mar mawan wokiri wobedi nyaka adhok won kende; to ripo bedo mar'adieri, ma nyuthere i tim.

1 Yohana 3:3

Nyatoro je manitie gi geno me i Kristo ripo lonyo kwo pere paka Kristo olony.