Yakobo 2:6 - KITAWO MALEŊ

⁶ To kole wicayo jocandi! Ŋata diyo win aka yware gi win tero win i kapido, ki joŋaŋo?

KITAWO MALEŊ Catholic

⁶ To kole wicayo jocandi! Ŋata diyo win aka yware gi win tero win i kapido, ki joŋaŋo?

Yakobo 2:6 ပူးပေါင်းရင်းမြစ်များ

Yobu 20:19

Kole jotieko diyo to jojwango jocandi, jotero udi ma jok'ogeto.

Zabuli 10:10

Ji ma bu gimoro joŋinyere, jomunyere piny, aka jopodho gi meni pa jokidakana.

Zabuli 10:14

T'ineno, aka iŋiyo teko gi candirok, iyikere konyo ma noknok. Ji ma bu gimoro jomiyere rin, aka noknok ikonyo nyithindho kic.

Zabuli 10:2

Jokidakana jonor aka jocando jocandi, weyi jowomoki i bwo ma wegi jociko.

Zabuli 10:8

Jotimo apondi i calin, joneko joma bubanja nyaliŋliŋ. Jokiyo jokwor pajo aliwa.

Zabuli 12:5

To Rwoth waco ni, “Kwoŋbedo idiyo jocandi, aka ji m'icando jodwanyere i litho, onyo abino ay, t'akwonga jo.”

Zabuli 14:6

Winyalo redho woko can pa jocandi, to Rwoth obedo kapondo pajo.

Agecin 14:31

Jono ma jodiyo jocandi joyeto jacwec pajo, to jono ma jomako wor gi joma bu gimoro jomiyo go dwoŋ.

Agecin 17:5

Jono ma jonyoma jacandi joyeto Jacwec pajo, aka jono ma josangala ri teko jolalimo gir'acula.

Agecin 18:23

Jocandi joywakere gi mwolo, to joŋaŋo jomiyo radwok gi gero.

Agecin 22:16

Diyo jocandi ŋey dhano woŋaŋ, gi nyewo joŋaŋo, kelo nyaka rem.

Agecin 22:7

Joŋaŋo jodhumo jocandi, aka jakikopa obedo ŋeca pa ŋat'okopa go.

Jafonji 5:8

Ikir'ibedi gi dhier k'ineno idiyo jacandi, aka iwiro tiro gi gim'otire iy'adec. Kole kisi jatel nigi jatel malo pere ma dhumo go, aka nitie jatel madwoŋ loyo joje.

Isaya 53:3

Ji jocayo go, aka jokwedere kwoŋe, dhano ma jarem, gi candirok madit. Ongoye ŋat'obolo kada waŋe ŋiyo go, wacayo go, aka wakidewo kwoŋe paka ŋata dikony.

Amos 4:1

Winji win gime, mon ma Samaria. Win ma wipoŋ pa dhok ma wi got Basan, m'ipidho maber, ma jodiyo jocandi, aka wiŋinyo joma cando gimoro. Wiwaco ri cwogi win, jowokeli riwin vini wimadhi.

Amos 5:11

Widiyo jocandi, aka winyaga ŋano pajo. Riameno wikibino nindo i udi mewin m'ogeti gi telin mafoth, kosa madho vini wok i ndelo vini mewin ma wi pidho.

Habakuk 3:14

Icwowo wic jolweny pere g'abore perin, jobino paka asur kedhan, forok pajo cale cuto joma candere i kabedo m'opondo.

Zekaria 7:10

Citho, nyithindho kic, japath, kosa jacandi, ikir'idiy, kosa timo can marac ri nyawotin i cunyin.

Yohana 8:49

Yesu odwoko ni, “Angoye gi jwogi moro je, aworo Baba, to win wikiworan.

Tim pa Jomoor 13:50

To Joyuda josigila jotel pa ji i tindi kodi mon pa Jopath ma kitipa ma malo ma onwaŋo jolamo Were. Gikenyo jocako lweny gi Paulo kodi Barinaba to joriemo jo woko iy'adec no.

Tim pa Jomoor 17:6

To munyo jok'onwaŋo jo, joyware gi Yason kodi jom'oyeyo moro kiri bongi jodhum ma tindi kareno jokoko ni, “Jome jokelo ruwirok kisi kamoro! Aka onyo bende jobino i tindi mawan ka, aka

Tim pa Jomoor 18:12

Munyo Galio oloki gavana pa Jogris mar'adec ma Akaya, Joyuda jocokere kanyacel, jomako Paulo, to jotero go i waŋ jothumi banjin i kapido.

Tim pa Jomoor 8:3

To Saulo otemo reyo woko kitipa pa jom'oyeyo munyo wotho i kisi dhiot pa jom'oyeyo ka coko jo, cwo gi mon, aka bolo jo i twec.

1 Jokorintho 11:22

Wingoye gi pecin mewin ma cemo gi or'iye gir'amadha? Kosa wimito cayo kitipa pa jom'oyeyo Were ayino gi miyo jocandi kumo? Wiyenyo awaci riwin aŋo kwoŋ gime? Onyo afoy win? Be! Ak'otim ameno!

Yakobo 2:3

to wimiyo jaŋaŋo dwoŋ ka wiwaco rigo ni, “Bedi i kom m'oasa bero me.” To wiwaco ri jacandi ni, “cungi kaca, kosa ni bedi piny i lowo dho tiendan ka.”

Yakobo 5:4

Pawinji win! Kemba ma wikiculo jotic ma jotiyo i ndelin mewin icade koko ka osa win. Aka ywak pa jokeco riwin otieko tundo i ithi Were, Rwoth pa lwak jolweny!

Yakobo 5:6

Witieko thumo banjin ni oloyo ji m'oyido jongoye gi raco moro to wineko jo, kad'oyido jokipiem gi win.