Yakobo 2:19 - KITAWO MALEŊ

¹⁹ Wiyeyo nike Were nitie acel? Meno ber! Kole jwogi bende joyeyo ameno aka jokirin gi lworo.

KITAWO MALEŊ Catholic

¹⁹ Wiyeyo nike Were nitie acel? Meno ber! Kole jwogi bende joyeyo ameno aka jokirin gi lworo.

Yakobo 2:19 ပူးပေါင်းရင်းမြစ်များ

Isaya 43:10

Wibedo jokony paran, Rwoth waco, gi ŋeca paran m'atieko yero, ŋey winyal ŋeyo to wiyeyan to winiaŋ ni Abedo go. Ongoye were m'otelo bedo ran, aka ongoye moro je ma labino yuŋeyan.

Isaya 44:6

Rwoth, Kere pa Isiraili waco, Jaboth pere, Rwoth pa lwak jolweny ni “Abedo marapena aka macowe, aka ongoye were man kwanyowoko an.

Isaya 44:8

Wikiri wikirin, kosa wibwok, fodi akiwaco riwin wok cene t'awodho kamaler? Wibedo jokony paran! Nitie were man je kwanyowoko an? Ongoye tele man, ongoye m'aŋeyo.”

Isaya 45:6

Atimo gime ŋey kisi dhano je, wok yuwok ceŋ gi yupodho ceŋ, jowoŋey ni ongoye were man, abedo Rwoth, aka ongoye man kendo.

Isaya 46:9

Poyi win gigipiny ma cango con, kole abedo Were, aka ongoye man, Abedo Were, aka ongoye ŋata cale kodan.

Yona 4:4

Rwoth openjo Yona ni, “Dwoŋ aŋo m'initie gine mako nge?”

Yona 4:9

Were openjo Yona ni, “Dwoŋ aŋo m'initie gine mako nge?” Yona odwoko ni, “Amako nge rupiri ber atho loyo bedo makwo.”

Zekaria 14:9

Rwoth labedo kere ma piny gibe; i ndelo no Rwoth labedo acel aka nyingi go acel.

Matayo 8:29

Piyo piyo no jokoko malo ni, “Iyenyo timo aŋo gi wan, Wod Were? Ibino cando wan mafodi ndir m'otire k'otundo?

Mariko 1:24

“Imito timo wan nedi, Yesu Janazareth? Ibino ka reyo wan woko? Aŋeyin, i ŋataleŋ pa Were.”

Mariko 12:29

Yesu odwoko go ni, “Me a marapena: ‘Joisiraili winji win! Rwoth Were mawan a Were;

Mariko 5:7

to koko gi derino madwoŋ ni, “Yesu, Wod Were Madwoŋ Maloyo! Iyenyo aŋo kwoŋan? Mondo aywakere rin i nyingi Were, ikir'imiyan candirok.”

Mariko 7:9

Yesu omedere gi waco ni, “Wiriek swa ri nwaŋo royo ma bolo gicen cik pa Were, ŋey witiy gi kula mewin wegi!

Luka 4:34

“Iyenyo timo aŋo gi wan, Yesu Janazareth? Ibino reyo wan woko? Aŋeyin, in Ŋataleŋ pa Were.”

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Tim pa Jomoor 16:17

Go oluwo Paulo gi wan munyo koko ni, “Jome jotic pa Were Madwoŋ Maloyo! Jotito riwin royo ma both!”

Tim pa Jomoor 19:15

To cuny m'ocido owaco rijo ni, “Aŋeyo Yesu aka aŋeyo gima tho kwoŋ Paulo; to win, wijokune?”

Tim pa Jomoor 24:25

To munyo Paulo ocako gi luwo kwoŋ tiro, kurok, kodi bino pa ndelo ma thumo banja, lworo omako Felik to waco ni, “Ere onyo eye, abino lwoŋin kendo ka alimo hongo.”

Joroma 3:30

Were nitie acel, aka go bino kwanyo woko banja kwoŋ Joyuda cungo kwoŋ yeyo pajo, aka bende bino kwanyo woko banja kwoŋ Jopath ro yeyo bende acel no won.

1 Jokorintho 8:4

Am'omiyo, i wac ma mako kwoŋ camo cemo m'ocow gine cal makicar: Waŋeyo ni cal makicar k'obedo gima nigi kwo i piny ka; aka adieri waŋeyo ni Were nitie acel kende m'ongoye man.

1 Jokorintho 8:6

to riwan Were nitie acel kende, Were Bawan, m'ocweyo gigipiny je, ma gimoro je wok bonge; ma wakwo rigo; odoko Rwoth nitie acel kende, Yesu Kristo, ma i go gigipiny je ocwey, aka go ama miyo wakwo.

Jogalasia 3:20

Aka jathek tiyo i dier ji ma kalo acel; Were obedo ŋat'acel manitie i thenge acel.

Kitawo mar'abic mapa Musa m'ilwoŋo ni Cik 6:4

Winji Awi Isiraili, Rwoth Were mawan, obedo Rwoth acel.

1 Timothe 2:5

Kole Were nitie acel, aka nitie ŋat'acel ma riwo Were gi ji, jal m'ilwoŋo ni Kristo Yesu,

Yakobo 2:8

Ka wimako maber cik ma Ker ma nwaŋere i ndiko ma waco ni, “Mari nyawotin paka iwon imarere.” Meno witimo gim'otire.

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.

Yuda 1:6

Poyi win ni jomalaika ma jokalo kew ma meni pajo, to joweyo kabedo pajo, Were okano jo piny i mudho, to tweyo jo gi lijegere ma cil gi cil ri ndelo madwoŋ m'ibino thum'iye rijo banja.

Menyirok ri Yohana 20:10

Aka jwogi m'oyido wondo jo ibino bolo i wakawaka ma mac gi telin maliel kam'ogwaŋ ca kodi jotuci wac were pere ma twodo jobino candirok'iye hongo je wor g'odieceŋ cil gi cil.