Yakobo 1:18 - KITAWO MALEŊ

¹⁸ I mito pere won, go onywolo wan manyen gi wac pere mar'adieri, ŋey wabedi paka olemo pere m'onyak marapena kwoŋ cwec pere je.

KITAWO MALEŊ Catholic

¹⁸ I mito pere won, go onywolo wan manyen gi wac pere mar'adieri, ŋey wabedi paka olemo pere m'onyak marapena kwoŋ cwec pere je.

Yakobo 1:18 ပူးပေါင်းရင်းမြစ်များ

Yeremia 2:3

Isiraili oyido obedo gimaleŋ ri Rwoth, ranyak marapena ma keco pere. Jono je ma jocuto go jobedo gi banja; aka teko oyimere kwoŋ jo.”

Jolevi 23:10

Luw gi Joisiraili aka iwaci rijo ni: Ka widonjo i piny m'acegin miyo win to wikeco olemo mere, wiripo kelo withi olemo marapena ma keco mewin ri jacway ri Were i wi migam.

Amos 6:1

Kidamba riwin ma wibedo i kwo mayom i Zayon, kodi jono ma joparo ni jonitie kama ber i Samaria. Win jotel madongo ma piny madwoŋ me Isiraili, win ma ji jobino bongi win rango kony.

Yohana 1:13

Nywolirok pa jono k'obedo ma remo pa dhano, kosa ro mito pa ji, kosa mito pa dhano, to ro mito pa Were won.

Joroma 4:17

paka ndiko waco ni, “Alokin ba nonin mathoth.” Aka cikirok no otimere bongi Were won ma Abraham oyeyo; Were ma cerino jom'otho, ma or pere miyo gimoro m'oyido ongoye cako bedo.

1 Jokorintho 4:15

Kole kada wibedi gi jofonji gana apar i kwo mewin, i Kristo winitie gi bawin acel kende. Kole i kwo mewin i Kristo Yesu alokere bawin munyo akelo riwin Wac Manyen Maber.

2 Jokorintho 6:7

i luwo adieri, kodi i meni pa Were. Wanitie gi tiro paka gilweny mawan, i cingi wan maracuc kodi maracam.

Joefeso 1:12

Meno aka nyaka wan ma wapen geno Kristo, wanomiy dwoŋ pa Were wopak.

Joefeso 1:13

Wibende munyo wiwinjo wac mar'adieri, Wac Manyen Maber m'okelo riwin both, wiyeyo Kristo aka Were oketho ranyuth pere kwoŋ win, munyo miyo win Cuny Maleŋ ma go won oyido otieko ciko win.

2 Timothe 2:15

Tem paka inyalo kisangala Were, paka jatic ma wiye kikwoti gi tic pere, aka fonjo m'otire wac mar'adieri mapa Were.

Joebulaniya 12:23

Wibino i kweth pa jom'oyeyo Kristo ma jobedo nyithindho pa Were makayo m'ondiki nyingi jo i polo. Wibino bongi Were m'obedo jathum banja ri ji je, kendo bongi cuny ji ma jotire m'olok jo maleŋ.

Yakobo 1:15

Aka awanya no medere nywolo gimarac; aka ka gimarac ocowo tegino, to nywolo tho.

Yakobo 1:21

Am'omiyo, bol win woko kite makoc kodi reco ma wimore gine. Aka wijoli gi mwolo wac ma go pidho i cuny win, manyalo botho win.

Yakobo 3:14

To ka wipoŋ gi nyeko kodi mito ici, wikiri wipakere gine odoko wikiri wikwer adieri.

1 Petero 1:23

Kole onyo winywolere madirio, ki kwoŋ kodhi ma tho, to kwoŋ makitho, cungo kwoŋ wac pa Were makwo kendo ma yindira cil gi cil.

1 Petero 1:3

Weyi wapaki Were Ba Rwodhiwan Yesu Kristo. Ro ŋono pere m'oasere, go omiyo wanywole i kwo manyen munyo ocerino Yesu Kristo kwoŋ jom'otho to miyo wan geno ma kwo i cuny wan,

1 Yohana 3:9

Nyathi pa Were moro je kimedere gi timo reco, rupiri kodhi pa Were ama nitie i go; aka rupiri Were obedo Bamere, go kidok ripi medo timo gimarac.

Menyirok ri Yohana 14:4

Meno ji ma jokure maber ma jok'otimo cot gi mon. Joluwo Nyathi rombo kama go kidh'iye je; ogony jo wok kwoŋ ji je m'odoŋ aka jobedo pa kodhi m'onyak marapena m'omiy Were kodi Nyathi rombo.