Yakobo 1:12 - KITAWO MALEŊ

¹² Jasilwany a dhano ma cwire i yeyo i ndir ma tem, rupiri ka go onyalo loyo tem, bino limo sangaria ma kwo, kemba ma Were otieko ciko jom'omaro go.

KITAWO MALEŊ Catholic

¹² Jasilwany a dhano ma cwire i yeyo i ndir ma tem, rupiri ka go onyalo loyo tem, bino limo sangaria ma kwo, kemba ma Were otieko ciko jom'omaro go.

Yakobo 1:12 ပူးပေါင်းရင်းမြစ်များ

Cakirok 22:1

Rumacen ma gigipiny me, Were otemo Abraham, aka olwoŋo go ni, “Abraham!” Abraham odwoko ni, “An e!”

Nehemia 1:5

Awaco ni, “Awi Rwoth Were ma i polo, idwoŋ aka walworin. Ikuro cikirok perin gi mar perin makiwire ri jono ma jomarin aka jokuro or perin;

Yobu 2:10

To Yobu odwoko ni, “Iluwo paka mon mamiŋ joluwo. Walajolo nyaka bero kende wok i cingi Were m'ongoye raco?” I gime je Yobu k'otimo reco i luwo pere.

Yobu 5:17

Jasilwany a ŋata Were tiro, riameno ikir'icay gir'acula ma Jameni miyo.

Zabuli 11:5

Go kaŋasa jomabeyo gi jokidakana marom, aka odak jomaker gi cunye je.

Zabuli 119:67

Mafodi ikimiyan gir'acula, oyido akitim gim'otire t'onyo pama awinjo wac perin.

Zabuli 119:71

Gir'acula paran ober ran, kwoŋbedo omiyan fonjirok or perin.

Zabuli 119:75

Rwoth, aŋeyo ni ithumo banja m'otire, aka ni imiyan gir'acula kwoŋbedo itimo adieri.

Zabuli 5:11

To weyi ji ma jopondo i in jowofore weyi jowower ri kisangala. Kwonga jono ma jomarin, kwoŋbedo i in jonitie gi kisangala mar'adieri.

Zabuli 94:12

Rwoth, josilwany a jono m'ifonjo, jono m'ifonjo cik perin!

Kitawo mar'ario mapa Musa m'ilwoŋo ni Wok 20:6

T'anyutho mar paran makiwire ri luse ganin pa ji ma jomaran aka joluwo or paran.”

Agecin 17:3

Paka mac temo feza gi zahabu, apaka Rwoth temo cuny dhano.

Isaya 64:4

Wok cene ongoye ŋat'otieko winjo, kosa m'otieko niaŋ gi ithe, ongoye waŋ m'otieko neno Were man kwanyowoko in, ma timo nger tim no ri jono ma jokuro go.

Zekaria 13:9

Alaketho adec mar'adek i mac, alathodho paka ithodho feza, aka alatemo jo paka itemo zahabu. Jolalwoŋo nyingan, aka aladwoko jo. Alawaco ni, Jobedo ji paran, aka jolawaco ni, Rwoth obedo Were paran.

Matayo 10:22

Dhano je bino mon gi win, ro an. To ŋat'ocir kiri i gike bino both.

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Luka 6:22

Wijosilwany ka ji jodak win, joriemo win woko, joyeto win, aka jonyeko nyingi win ni wi joreco kwoŋbedo Wod Dhano.

Joroma 5:4

ciro miyo Were foyo wan, aka foyo pere kelo riwan geno.

Joroma 8:28

Kole waŋeyo ni gimoro je timere kanyacel ma bero ri joma jomaro Were, jono ma go olwoŋo r'atoŋa pere won.

1 Jokorintho 2:9

To paka ndiko waco ama: “Gima dhano fodi k'oneno kosa k'owinjo wok cene, gima dhano fodi k'oparo kwoŋe ni d'otimere a gima Were oyiko ri jom'omaro go.”

1 Jokorintho 8:3

To ŋat'omaro Were, Were ŋeyo go.

1 Jokorintho 9:25

Jatuko ma piem moro je ripo yikirok ka fonjere cik ma tuko: Go timo ameno ŋey wolimi sangaria ma kiyindira, to wan walwenyo ri sangaria ma bino kiyindira cil gi cil.

Kitawo mar'abic mapa Musa m'ilwoŋo ni Cik 13:3

Wikiri wiwinji wac pa jotuci wac were kodi jothieth no; kole ameno Rwoth Were mewin temo win ŋeyo, k'adieri wimaro Rwoth Were mewin gi cuny win je kodi adundo mewin je.

Kitawo mar'abic mapa Musa m'ilwoŋo ni Cik 7:9

Ŋey win riameno nike Rwoth Were mewin obedo Were, Were ma timo adieri ma kuro cikirok kiri i luse ganin pa jono ma jomaro go aka jokuro or pere,

Kitawo mar'abic mapa Musa m'ilwoŋo ni Cik 8:2

Poyi win royo je ma Rwoth Were mewin otieko telo win oro piero aŋwen me i thim, mwolo win, temo win, ŋeyo gima nitie i cuny win, k'inen oyido winyalo kuro or pere kosa be.

2 Timothe 2:15

Tem paka inyalo kisangala Were, paka jatic ma wiye kikwoti gi tic pere, aka fonjo m'otire wac mar'adieri mapa Were.

2 Timothe 4:8

Aka pama onyo otiek yiko ran sangaria ma tiro, ma Rwoth, Jathum banja m'otire, bino miyan i Ndelo no, aka ki an kendan, to go bino miyo ji je ma jokuro go wonenere.

Joebulaniya 10:32

Poyi win paka oyido winitie i ndir m'okadho, munyo wijolo lero pa Were, aka wicandere i royo m'omore, to lweny no k'olaco win.

Joebulaniya 11:17

Yeyo am'omiyo Abraham, munyo Were otemo go, ocwayo wode Isaka paka cowirok. Abraham, ma Were oyido otieko kiri timo gine cikirok, oyeyo miyo wode paka cowirok.

Joebulaniya 12:5

Calo wiy win owil gi wac ma kelo miseni ma Were luwo gi win paka nyithindho pere ni, “Wodan, ikir'icay gir'acula ma Were tirin gine, aka ikir'inyocere ka go ay kwoŋin.

Joebulaniya 6:15

Aka munyo Abraham okudere to kuro, go olimo gima Were ociko.

Yakobo 2:5

Winji win wutmera! Wiparo ni Were k'oyero jocandi ma piny ka bedo jom'oŋaŋ i yeyo, gi lunjo Ker ma go ociko jom'omaro go?

Yakobo 5:11

Ato wiŋeyo ni watero joma jotieko ciro gimoro paka josilwany. Witieko winjo paka Yobu onyalo ciro candirok, aka wiŋeyo paka Rwoth oparo kwoŋe rumacen. Kole Rwoth oasere gi wor aka winjo malith gi teko pa dhano.

1 Petero 3:14

Aka kada wicandere ri timo gim'otire, kole je fodi wibino limo silwany. Wikiri wilwor nyatoro, kosa wibwoki.

1 Petero 4:13

Kucel sangala win nike wiriwere gi Kristo i candirok pere, ŋey rumacen kisangala wopoŋ i cuny win ka onyuthi dwoŋ pere.

1 Petero 4:14

Wijosilwany k'oyeti win ro oro nyingi Kristo; dwoŋ mere ni Cuny ma nigi dwoŋ aka apa Were, nitie i win.

1 Petero 5:10

To ka witieko candirok mathin, Were ma nigi nema je, m'olwoŋo win ni wopok win ye dwoŋ ma cil gi cil i Kristo, won bino miyo win meni, to miyo wicungo ma wicwiny i yeyo.

1 Petero 5:4

Aka ka Jakwath Madwoŋ onenere, wibino limo sangaria ma didwoŋ ma kilawiro cal to rumo.

1 Yohana 4:19

Wabedo gi mar rupiri Were ama otelo maro wan.

Menyirok ri Yohana 2:10

Ikir'ilwor candirok macegin bino rin. Awaco rin ni, jwogi bino bolo megi kwoŋ win i jiera paka karatem; candirok mewin bino cowo ndelo apar. Bedi gi genirok tundo tho, aka abino miyin sangaria ma kwo.

Menyirok ri Yohana 3:19

Joma amaro, apusa jo odoko atwenyo jo. Am'omiyo bedi g'adieri kendo ŋuti kwoŋ reco perin.

Menyirok ri Yohana 3:21

Ŋat'oloy lweny abino miyo meni ma bedo bongan i kom paran ma dhum, paka abende atieko loyo lweny aka onyo abedo kabuti Baba i kom pere ma dhum.