Tito 3:7 - KITAWO MALEŊ

⁷ nike paka otieko ketho wan i tiro gi nema pere, wanyal bedo nyithindho pere makayo kareno wageno lunjo kwo makirum.

KITAWO MALEŊ Catholic

⁷ nike paka otieko ketho wan i tiro gi nema pere, wanyal bedo nyithindho pere makayo kareno wageno lunjo kwo makirum.

Tito 3:7 ပူးပေါင်းရင်းမြစ်များ

Matayo 25:34

Gikenyo Kere bino waco ri joma ni cinge maracuc ni, ‘Biye win, josilwany pa Baba, lunji win Ker m'oyik riwin wok i cwec pa piny;

Mariko 10:17

Munyo Yesu ocako woth pere kendo, jal moro obino gi ŋwec to riewere piny ruwaŋe to penjo go ni, “Jafonji maber, atim aŋo ŋey alimi kwo makirum?”

Joroma 11:6

K'obedo ro nema pere, meno yero pa Were kicungi kwoŋ tim mabeyo ma dhano timo, rupiri d'onyo nema no kidok bedi nema m'otire.

Joroma 3:24

pama onyo ikwanyo woko banja kwoŋ ji je ro mic ma nema pa Were kareno igonyo jo woko kwoŋ reco i Kristo Yesu

Joroma 3:28

At'onyo wacowo wac ni Were kwanyo woko banja kwoŋ dhano cungo kwoŋ yeyo, makiweno kwoŋ timo gima Cik mito.

Joroma 4:16

Riameno cikirok no cungo kwoŋ yeyo, ŋey wothenere kwoŋ nema pa Were aka womiy nyikway Abraham je, aka ki nyaka joma jokuro Cik kende, to joma joyeyo paka cango Abraham bende oyeyo. Ato Abraham obedo ba wajoje ma cuny,

Joroma 4:4

Dhano ka tiyo iculo go kemba ma kiter paka mic, to paka gima go otiyo rigo ayin.

Joroma 8:17

Aka ka wabedo nyithindho pa Were, meno bende wabedo jolunji gigipiny pere paka jom'isika kanyacel gi Kristo, aka wabende wabino limo dwoŋ kanyacel gi Kristo, ka bende wariwere gi go i candirok pere.

1 Jokorintho 6:11

To onyo otiek lonyo win kwoŋ gimarac: Okethi win i tiro gi Were i nyingi Rwoth Yesu Kristo gi meni pa Cuny Maleŋ pa Were mawan.

Jogalasia 2:16

To waŋeyo ni dhano iketho i tiro gi Were i yeyo kwoŋ Yesu Kristo, makiweno i timo gima Cik waco. Kole ongoye ŋat'iketho i tiro gi Were i timo gima Cik waco.

Jogalasia 3:29

Ka wibedo apa Kristo, kole meno wibedo nyikway Abraham, aka wibedo musikin ma jobino lunjo lim ma Were ociko.

Jogalasia 4:7

Am'omiyo, onyo ikibedo ŋeca, to wode, aka paka ibedo wode, ibino lunjo lim moro je ma Were okano ri wote paka musikin.

2 Jothesalonika 2:16

Weyi Rwodhiwan Yesu Kristo won gipi, kodi Were Bawan, m'omaro wan aka i nema pere omiyo wan miseni makirum kodi geno maber,

Tito 1:2

m'ocungo kwoŋ geno kwo makirum. Were ma kitwodi, ociko wan kwo me con mafodi hongo k'ocakere,

Tito 2:11

Kole Were otieko nyutho ji je nema pere ma botho jo.

Tito 2:13

munyo wakuro geno ma disilwany, gi menyirok madwoŋ mapa Were mawan madwoŋ m'oasere ma Jaboth,

Joebulaniya 1:14

Jomalaika meno ki cuny ma jotiyo ri Were, ma go ooro konyo joma jobino limo both?

Joebulaniya 11:7

Yeyo am'omiyo Nowa owinjo wac pa Were kwoŋ gigipiny ma go oyido fodi k'oneno. Go owinjo Were, to geto ye ma go gi peco pere joboth'iye. Ro yeyo pere go okwero reco m'oyido timere i piny, aka olimo bongi Were tiro ma wok i yeyo.

Joebulaniya 11:9

Ro yeyo pere, go obedo i piny ma Were ociko go paŋini jawiloka. Go obedo i wema paka Isaka kodi Yakobo jotimo, ma bende jolimo cikirok bongi Were.

Joebulaniya 6:17

Onyo Were bende omito nyutho jom'oyido jokidho limo gima go ociko, maber m'oloyo, nike go kilawiro atoŋa pere, am'omiyo go omedo ridho cikirok no kodi kwoŋirok.

Yakobo 2:5

Winji win wutmera! Wiparo ni Were k'oyero jocandi ma piny ka bedo jom'oŋaŋ i yeyo, gi lunjo Ker ma go ociko jom'omaro go?

1 Petero 3:7

Ameno bende, cwo bedi win i kwo maber gi mon mewin, munyo wimiyo jo dwoŋ paka cwec manyap, odoko paka joma bende jobino limo kanyacel kodi win, mic pa Were m'obedo kwo. Tim win ameno aka nyaka gimoro k'ogeŋ kwayo mewin.