Tito 3:1 - KITAWO MALEŊ

¹ Poyi ji perin ni joripo mwolok ri jodhum kodi rwodhe, winjo jo, gi yikirok timo gimoro je maber.

KITAWO MALEŊ Catholic

¹ Poyi ji perin ni joripo mwolok ri jodhum kodi rwodhe, winjo jo, gi yikirok timo gimoro je maber.

Tito 3:1 ပူးပေါင်းရင်းမြစ်များ

Agecin 24:21

Nyathi paran, lwor Rwoth gi kere, aka ikir'ikwer winjo acel kwoŋ jo.

Jafonji 10:4

Ka cuny pa jadhum oay kwoŋin, ikir'iwey kabedo perin, kole bedo moth lakweyo banjin madongo.

Isaya 43:26

Osa wi an, weyi wakidhi i kapido, keli banja mewin, ŋey wonyali ridho ni witire.

Yeremia 27:17

Wikiri wiwinji jo; tiyi win ri kere ma Babilon aka wilakwo. Raŋo tindi madwoŋ me wolokere gunda?

Matayo 22:21

Jodwoko ni, “Apa Kayisar.” Gikenyo Yesu owaco rijo ni, “Am'omiyo, miy win Kayisar gipa Kayisar, aka Were bende miy win go gipa Were.”

1 Jokorintho 15:58

Am'omiyo, wutmera, cungi win matek ma wicwiny, ma wikiyengere. Yindini win ndir je i tic mewin ri Rwoth, rupiri wiŋeyo ni ongoye gima witimo i tic mewin ri Rwoth ma bu kemba.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Kitawo mar'abic mapa Musa m'ilwoŋo ni Cik 17:12

Paka ri ŋat'otim paka paro mito kwero winjo jacway ri Were i wi migam m'oyer kenyo tiyo ri Rwoth Were mewin, kosa jathum banja, ŋato latho. Ameno wilakwanyo woko raco no i Isiraili.

Jofilipi 1:11

Kwo mewin bino nyak olemo ma kite mabeyo, ma Yesu Kristo won ama kelo, to miyo Were dwoŋ kodi pak.

Jokolosia 1:10

Wakwayo ameno ŋey kwo mewin wobedi paka Rwoth mito, to witimo gima sangala go hongo je. Kwo mewin bino nyak kiti tic mabeyo je, aka wibino medere gi ŋeyo Were.

1 Timothe 2:2

Kwayo ri kerin kodi joman je ma jonitie iy'adhum, ŋey wabedi i kwo m'okwe ma siem, munyo walworo Were aka wabedo gi kite ma ripo.

1 Timothe 4:6

K'ifonjo jom'oyeyo wac me, ibino bedo jatic maber mapa Kristo Yesu, m'odongo gi wac ma yeyo kodi fonji ma go otieko mako.

1 Timothe 5:10

Kendo go ripo bedo ni oŋeyere ri tic mabeyo: Dhako m'okuro nyithindho pere maber, ojolo ji maber i ot pere, okonyo ji pa Were, okonyo joma ni teko, aka omiyere ri tic je mabeyo.

2 Timothe 1:6

Ro wac no, apoyin inyal ketho i tim mic ma Were omiyin munyo aketho cingan kwoŋin.

2 Timothe 2:14

Bedi munyo ipoyo jo gigipiny me, aka waci rijo nyatirtir ruwaŋ Were ni kiri jowodhawere kwoŋ wac rupiri meno kikel bero moro, to nyeko ji ma jowinjo ayino.

2 Timothe 2:21

Ka moro olonyo kwo pere kwoŋ gigipiny mareco, go bino bedo acero m'ioro iy'atoŋa madwoŋ, m'oketh gicen ri Rwoth aka nigi kony rigo, rupiri oyikere woor go i tic mabeyo kendekende.

Tito 1:16

Joŋoyo ni joŋeyo Were, to tim pajo nyutho ni jodak go. Jobedo jodakirok kendo joma kiwinji or, ma jokinyal timo gimaber.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Tito 3:14

Ji mawan joripo fonjere timo tic mabeyo, ŋey jowolimi gikonyirok ma noknok aka nyaka jokiri jowobedi gi kwo m'ongoye kony.

Tito 3:8

Me wac mar'adieri. Amito ni imedi ridho gigipiny me, ŋey nyaka jom'oyeyo Were jowonyal miyirok i timo tic mabeyo. Gigipiny me beyo odoko dikony ri ji je.

Joebulaniya 13:21

womiy win gimaber ma wiyenyo ŋey witim gima go mito. Weyi go wotim i wan gima sangala go i Yesu Kristo, aka dwoŋ wobedi rigo cil gi cil. Ameno.

2 Petero 1:12

Am'omiyo ndir je abino poyo win gigipiny me, kada witieko ŋeyo jo aka wicungo kiri matek i adieri ma witieko jolo.

Yuda 1:5

Kada witieko ŋeyo gime, je fodi amito poyo win paka Rwoth obotho Joisiraili i piny Misir, to rumacen reyo woko ji ma jokwero yeyo.