Tito 2:7 - KITAWO MALEŊ

⁷ Aka in won, i gimoro je, iripo bedo ranen rijo i tic mabeyo, i fonji perin, aka nyuthi jo m'iridho ni ifonjo gim'otire.

KITAWO MALEŊ Catholic

⁷ Aka in won, i gimoro je, iripo bedo ranen rijo i tic mabeyo, i fonji perin, aka nyuthi jo m'iridho ni ifonjo gim'otire.

Tito 2:7 ပူးပေါင်းရင်းမြစ်များ

2 Jokorintho 1:12

Me a gima wapakere gine: Paro ma cuny wan miyo waridho ni i kwo mawan i piny ka, tektek mere i riwirok mawan gi win kanyacel, wawotho i leŋo kodi i adieri pa Were. Aka watimo ameno gi meni ma nema pa Were, makiweno gi rieko pa dhano.

2 Jokorintho 2:17

Wakical jomathoth man, ma jooro mikwenda pa Were ma nwaŋ'iye lim; to rupiri Were ooro wan, waluwo g'adieri ruwaŋ go, paka jotic pa Kristo.

2 Jokorintho 4:2

Waketho gicen tim manyaliŋliŋ ma kelo wickwot; wakitiy gi twodo, odoko wakiwir wac pa Were. Kucel waluwo adieri i lero, ma nyutho ji je ni wanitie i tiro ruwaŋ Were.

2 Jokorintho 8:8

Akikethi cik moro, to amito ŋeyo ka mar mewin obedo mar'adieri; am'omiyo anyutho win paka joman joketho kinen i miyo kony.

Joefeso 6:24

Weyi nema pa Were wobedi gi jono je ma jomaro Rwoth Yesu Kristo gi mar makirum.

Jofilipi 1:10

aka nyaka wibino nyalo yero gim'oasa bero. Meno aka wibino bedo ma bu cilo moro je kodi apuse i ndelo pa Kristo.

2 Jothesalonika 3:9

Watimo ama ki rupiri wakiripi yenyo kwoŋ win kony; to watimo ameno ma miyo win ranen aluwa.

1 Timothe 4:12

Ikir'iyey moro wocayin ro thino perin, to bedi ranen ri jom'oyeyo, i luwo, i kula, i mar, i yeyo kodi i lonyo ma cuny jo.

1 Timothe 5:10

Kendo go ripo bedo ni oŋeyere ri tic mabeyo: Dhako m'okuro nyithindho pere maber, ojolo ji maber i ot pere, okonyo ji pa Were, okonyo joma ni teko, aka omiyere ri tic je mabeyo.

Tito 3:8

Me wac mar'adieri. Amito ni imedi ridho gigipiny me, ŋey nyaka jom'oyeyo Were jowonyal miyirok i timo tic mabeyo. Gigipiny me beyo odoko dikony ri ji je.

1 Petero 5:3

Wikiri widhum joma okethi i kur mewin gi mbaka, to bedi win ranen ri sidwol.