Tito 2:11 - KITAWO MALEŊ

¹¹ Kole Were otieko nyutho ji je nema pere ma botho jo.

KITAWO MALEŊ Catholic

¹¹ Kole Were otieko nyutho ji je nema pere ma botho jo.

Tito 2:11 ပူးပေါင်းရင်းမြစ်များ

Zabuli 67:2

ŋey piny gibe wonyali ŋeyo gim'imito; ŋey nonin je jowonyal ŋeyo both perin.

Zabuli 84:11

Rwoth Were obedo waŋceŋ kodi kwot, miyo wan silwany, wor gi dwoŋ. Go kithwon jono ma jotimo gim'otire, gimaber.

Zabuli 96:10

Waci ri nonin je ni, “Rwoth obedo Kere! Piny okethi m'ocwiny ma kinyal yengirok, go bino thumo ri ji banja gi tiro.”

Isaya 45:22

Wire win bongan aka wibothi, ji je ma piny gibe! Kole an abedo Were, aka ongoye man kendo.

Isaya 49:6

Rwoth waco ran ni, “Obedo gima sew ni iripo bedo ŋeca paran, tiŋo malo nonin pa Yakobo, gi dwoko Joisiraili ma joboth. Alamiyo in paka lero ri nonin, ŋey both paran wotundi i tielo je ma piny.”

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Zekaria 12:10

Alakonjo kwoŋ ot pa Daudi kodi ji ma jobedo i Yerusalem, cuny ma wor kodi ma kwayo, aka jolanenan ŋata jocwowo to joywak paka ŋata ywako wode acel g'acel. Jolabedo gi geregere rigo, paka ŋata ywako kayo pere.

Zekaria 4:7

Ibedo aŋo, Awi got madwoŋ? Ruwaŋ Zerubabel ilabipere, aka go lakelo tele ma wilwindi i dier koko ma ‘Wor, wor rigo.’ ”

Matayo 28:19

Am'omiyo kidhi win wiloki nonin je jofonjirok paran; wibatisa jo i nyingi Baba gi Wode gi Cuny Maleŋ.

Mariko 16:15

Aka owaco rijo ni, “Kidhi win i piny je, wifonji nono je Wac Manyen Maber.

Luka 24:47

aka mikwenda ma ŋuto kodi ma cwako reco wotiti ri nonin je, cako Yerusalem.

Luka 3:6

Ji je jobino neno both pa Were!’ ”

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Yohana 1:9

Lero mar'adieri ma miyo ji je lero, won am'onwaŋo labino i piny.

Tim pa Jomoor 11:23

Munyo go otundo to neno nema pa Were m'oyido nikenyo, osangala to kwayo joje ni jowobedi gi genirok kodi adieri ruwaŋ Rwoth gi ridho madwoŋ;

Tim pa Jomoor 13:43

Munyo ji jotieko eye i romo, Joyuda mathoth kodi Jopath ma jowire i dini pa Joyuda joluwo Paulo gi Barinaba. Jomoor joluwo gi jo aka jomedo jo miseni nike jowomedere i nema pa Were.

Tim pa Jomoor 13:47

Kole meno a or ma Rwoth omiyo wan munyo owaco ama.” “ ‘Aketho win paka lero pa Jopath, ni winyal kelo both ri piny gipi.’ ”

Tim pa Jomoor 17:30

I ndir mafodi ji oyido jokuy'iye Were, go k'okwano reco pajo, to pama go onyo oro ji je i piny je ŋuto reco pajo,

Tim pa Jomoor 20:24

To akiter kwo paran pa gimadwoŋ, kosa pa gima diwelo tekin acowo tic ma Rwoth Yesu ooran ma tito ri ji Wac Manyen Maber kwoŋ nema pa Were.”

Joroma 10:18

To apenjo, obedo adieri ni jok'owinjo mikwenda? Kole jowinjo paka ndiko waco ni, “Derino ma dwondi jo olak i piny gipi, Wac pajo otundo i tum je ma piny.”

Joroma 5:15

To mic pa Were ma nono no, kicale gi gimarac ma Adam otimo. K'inen ji mathoth jotho ro gimarac pa Adam ŋat'acel no, ameno nema pa Were kodi mic ma nono man nema pa ŋat'acel, Yesu Kristo, loyo meno bor swa.

Joroma 5:2

Go am'okelo wan i nema pa Were ma pama wacung'iye. Am'omiyo wasangala i geno ma wanitie gine ma limo dwoŋ pa Were!

2 Jokorintho 6:1

Riameno, paka joma tiyo kanyacel gi Were, wakwayo win ni paka witieko jolo nema pa Were, onyo wikiri wiwey wonyekere woko.

Jogalasia 2:21

Akikwer nema pa Were, rupiri ka dhano okethi i tiro gi Were ro luwo Cik, nyutho ni Kristo kere otho nono.

Joefeso 2:5

kad'oyido watho i cuny wan ro turo cik ma waturo, omiyo walimo kwo kanyacel gi Kristo; aka wiboth cungo kwoŋ nema pa Were.

Joefeso 2:8

Kole ro nema am'omiyo wiboth cungo kwoŋ yeyo; aka me k'obedo tim mewin wiwegi, t'obedo mic pa Were.

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.

Jokolosia 1:6

Wac Manyen Maber me otieko bino riwin, aka nyay ka medere i piny je, paka onyay i dier win wok i ndelo ma wipen winj'iye kwoŋ nema pa Were to wiŋeyo adieri mere je.

2 Jothesalonika 2:16

Weyi Rwodhiwan Yesu Kristo won gipi, kodi Were Bawan, m'omaro wan aka i nema pere omiyo wan miseni makirum kodi geno maber,

1 Timothe 1:14

Rwoth okonjo ran nema pere m'oasere to miyan yeyo gi mar manitie i Kristo Yesu.

1 Timothe 2:4

ma mito ni ji je jowobothi to jolimo ŋeyo adieri.

2 Timothe 1:10

aka pama onyo onyuthi wan i menyirok pa Jaboth mawan, Kristo Yesu, m'otieko reyo woko meni pa tho, to kelo kwo gi kiyindira makirum i lero munyo oro Wac Manyen Maber.

2 Timothe 4:17

To Rwoth obedo kodan aka omiyan meni, am'omiyo anyalo tuco mikwenda je ri Jopath jowowinji. Aka obothan i laki Simbwor.

Joebulaniya 12:15

Gwokere win ŋey moro wokiri wokeŋ limo nema pa Were, kendo moro wokiri wolokere pa yath makec ma medere dongo to nyeko wadi gi keco pere.

Joebulaniya 2:9

To kole waneno Yesu, ma i hongo macek oloki go ma piny loyo jomalaika, paka orwaki rigo sangaria madwoŋ gi wor rupiri ocandere i tho, ni ŋey kwoŋ nema pa Were go wonyali tho ri ji je.