Nehemia 9:32 - KITAWO MALEŊ

³² “Awi Were, Were mawan, idwoŋ! Ikelo lworo, aka ijameni! Ro mar perin makiwire, ikuro cikirok perin, ikir'iter gi sewo dinyo je m'otieko podho kwoŋ wan, kerin mawan, jodhum, jocway ri Were i wi migam, jotuci wac Were, kwarere mawan, gi ji mawan je, wok i hongo ma kerin ma Asiria jodiyo wan'iye tundo gunyo ni.

KITAWO MALEŊ Catholic

³² “Awi Were, Were mawan, idwoŋ! Ikelo lworo, aka ijameni! Ro mar perin makiwire, ikuro cikirok perin, ikir'iter gi sewo dinyo je m'otieko podho kwoŋ wan, kerin mawan, jodhum, jocway ri Were i wi migam, jotuci wac Were, kwarere mawan, gi ji mawan je, wok i hongo ma kerin ma Asiria jodiyo wan'iye tundo gunyo ni.

Nehemia 9:32 ပူးပေါင်းရင်းမြစ်များ

1 Kerin 8:23

to kwayo ni, “Awi Rwoth, Were pa Isiraili, ongoye Were ma cale in, i polo malo kosa i piny! Ikuro cikirok perin gi ji perin aka inyutho mar makiwire ka jowotho ruwaŋin gi cuny jo je.

2 Kerin 15:19

Tiglath Pilesa, kere ma Asiria omonjo Isiraili, aka Menahem omiyo go kilo 34,000 ma feza ma dwoŋo go ŋey woridhi dhum pere i Isiraili.

2 Kerin 15:29

Obedo munyo Peka kere ma Isiraili ma Tiglath Pilesa kere ma Asiria omako tindi madongo ma Ijon, Abel Beth Maka, Yanowa, Kedes, Hazor, kodi adec ma Giliad, Galili, Nafital, to tero ji mere paka jotwec i Asiria.

2 Kerin 17:23

cuka Rwoth okwanyo jo woko ruwaŋe, paka oyido owaco luwo kwoŋ ŋecin pere jotuci wac Were. Ameno oter Joisiraili bedo jowiloka i Asiria kama fodi jobed'iye.

2 Kerin 17:3

Kere Salimanesa ma Asiria ocako lweny gi Hoseya, Hoseya otiŋo cinge malo rigo, to cako culo go misolo kisi oro.

2 Kerin 17:6

I oro mar'abuŋwen ma dhum pa Hoseya, kere ma Asiria omako Samaria, aka otero Joisiraili i Asiria paka jotwec lweny. Oketho jo bedo i tindi madwoŋ Hala, megi cegin gi malawa Habor iy'adec ma Gozan, aka megi i tindin madongo ma Madiya.

2 Kerin 23:29

I hongo ma dhum pere Farawo Neko kere ma Misir otelo jolweny pere i malawa Yufrete konyo kere ma Asiria. Kere Yosia otemo geŋo jo, aka oneki go i lweny i Megido.

2 Kerin 25:7

Joneko wot Zedekia munyo go neno gi waŋe; kenyo Nebukadineza omiyo ogol waŋ Zedekia t'itweyo go gi lijegere, aka oter go i Babilon.

Ezira 4:10

kanyacel gi nonin je ma Asurbanipal ma jameni aka dwoŋ otero bedo i tindin madongo ma Samaria, kodi kaman je iy'adec ma yupodho ceŋ ma malawa Yufrete.

Ezira 4:2

jokidho bongi Zerubabel kodi jotel ma nonin aka jowaco rijo ni, “Weyi wariwere gi win i geto Ot pa Were, kole walamo Were acel ma wilamo, aka oyido ti wamiyo go cowirok wok cuka Esarhadon, kere ma Asiria keli wan bedo ka.”

Ezira 9:13

To makada nende gigipiny ma cale g'ameno otieko timere riwan i gir'acula ro reco mawan gi komo mawan, waŋeyo ni in, Were mawan, imiyo wan gir'acula mathin loyo m'oyido imiyo wan aka iweyo wan both.

Nehemia 1:5

Awaco ni, “Awi Rwoth Were ma i polo, idwoŋ aka walworin. Ikuro cikirok perin gi mar perin makiwire ri jono ma jomarin aka jokuro or perin;

Zabuli 47:2

Kole Rwoth, Were madwoŋ loyo iripo lworo; kere madwoŋ kwoŋ piny gibe.

Zabuli 66:3

Waci ri Were ni, “Nga tim perin obedo ma gir'aura! Ro meni perin madwoŋ, jokwor perin joriewere piny gi lworo ruwaŋin.

Zabuli 66:5

Biye aka inen gima Were otieko timo, tim pere ma gir'aura i dier ji.

Kitawo mar'ario mapa Musa m'ilwoŋo ni Wok 18:8

Musa owaco ri Yethiro kisi gima Rwoth otimo ri Farawo gi Jomisir ŋey wobothi Joisiraili. Go bende owaco ri Yethiro kwoŋ dinyo ma ji joneno i yo kodi nger ma Rwoth obotho iye jo.

Isaya 9:6

Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.

Daniel 9:4

Akwayo Rwoth Were paran t'apusere k'awaco ni, “Awi Rwoth Were madwoŋ, ikelo lworo, aka ikuro cikirok kodi mar makiwire ri jono ma jomarin kodi jono ma jokuro or perin.”

Daniel 9:6

Wakiwinjo ŋecin perin, jotuci wac Were, ma joluwo i nyingin gi kerin mawan, jodhum mawan, kwarere mawan, kodi ji ma piny.

Daniel 9:8

Awi Rwoth, wiwan okwot kamaler, kerin mawan, jodhum mawan, kwarere mawan, kwoŋbedo watimo gimarac kwoŋin.

Jolevi 26:18

Aka ma makada nende gime otimere, wik'olworan, alamedere miyo win gir'acula dibirio ro reco mewin.

Jolevi 26:21

“Ka wimedere gwenyirok kwoŋan, to wibedo ma wikilworan, alamedo neko win gi thoyamo dibirio paka reco mewin.

Jolevi 26:24

kenyo an bende alajwango win: An won alacwado win dibirio ro reco.

Jolevi 26:28

alamedere kwero win i nge; kucel an won alamiyo win gir'acula dibirio ri reco mewin.

Kitawo mar'abic mapa Musa m'ilwoŋo ni Cik 7:12

Ka wiwinjo or me, gi kuro gi kinen, Rwoth Were mewin lakuro gi win cikirok i tirok ma go okwoŋere ri kwarere mewin.

Kitawo mar'abic mapa Musa m'ilwoŋo ni Cik 7:13

Go lamaro win, lamiyo win silwany, lanyayo win, go lamiyo nywol mewin kodi nywol ma lowo mewin silwany, ŋano mewin kodi vini kodi mo mewin, nywol ma dhok mewin kodi mwendi mewin, i lowo ma go ociko kwarere mewin ni lamiyo win.

Kitawo mar'abic mapa Musa m'ilwoŋo ni Cik 7:21

Wikiri wibedi gi bwok rijo, kole Rwoth Were mewin, manitie gi win, obedo Were madwoŋ aka kelo lworo.

Kitawo mar'abic mapa Musa m'ilwoŋo ni Cik 7:9

Ŋey win riameno nike Rwoth Were mewin obedo Were, Were ma timo adieri ma kuro cikirok kiri i luse ganin pa jono ma jomaro go aka jokuro or pere,