Nehemia 12:43 - KITAWO MALEŊ

⁴³ I ndelo no omiy cowirok madwoŋ aka ji oyido jofore kwoŋbedo Were omiyo jo kisangala. Mon kodi nyithindho bende jofore, aka kisangala pa Yerusalem owinjere bor swa.

KITAWO MALEŊ Catholic

⁴³ I ndelo no omiy cowirok madwoŋ aka ji oyido jofore kwoŋbedo Were omiyo jo kisangala. Mon kodi nyithindho bende jofore, aka kisangala pa Yerusalem owinjere bor swa.

Nehemia 12:43 ပူးပေါင်းရင်းမြစ်များ

2 Kigana kwoŋ Kerin 20:13

I hongo no cwo je ma Yuda oyido jocungo ruwaŋ Rwoth gi nyithindho pajo ma dhoth, mon pajo kodi nyithindho pajo.

2 Kigana kwoŋ Kerin 20:27

Kenyo to cwo ma Yuda kodi Yerusalem jodok i Yerusalem. Josangala munyo Yehosafat otelo jo. Rwoth omiyo jo atoŋa ma forok ro gim'otimere ri jokwor pajo.

2 Kigana kwoŋ Kerin 7:10

Ka ndelo piero ario g'adek ma dwe mar'abirio, Solomon osewila ji dok i pecin pajo. Ji oyido josangala ro silwany je ma Rwoth oyido otieko miyo Daudi, Solomon kodi ji pere Isiraili.

Ezira 3:13

Derino ma koko ma kisangala kodi ywak pa ji oyido kipokere kole ji jokoko malo swa ma owinjere gi bor.

Nehemia 12:27

Munyo iketho kor ot ma tindi madwoŋ i cingi Were, olwoŋi Jolevi wok i kisi kabedo pajo bino i kalima gi miyo foyo gi wer kodi forok ka jotuko tongol, adungu kodi gi wer man.

Nehemia 12:42

aka cwo me oyido joluwo jo: Maseya, Samaya, Eliazar, Uzi, Yehohanan, Malikija, Elam, kodi Ezer. Yezrahia am'oyido telo jower.

Yobu 34:29

Ka Were omito liŋ, ŋa manyalo kipusa go, ka go opano waŋe, ŋa manyalo neno go, obedi dhano kosa nono?

Zabuli 27:6

Ameno abino kikengila jokwor paran ma jothokan. Abino miyo cowirok i wema pere gi koko ma siemirok, abino wero, abino pako Rwoth.

Zabuli 28:7

Rwoth obedo meni paran aka kwot paran, aketho geno paran i go. Rwoth miyan kony aka sieman, apako go gi wer ma kisangala.

Zabuli 9:2

Alawero gi kisangala rin. Alapako nyingin, Were ma jameni je.

Zabuli 92:4

Kole tim perin ma meni miyan kisangala, awero gi forok ro gim'itieko timo.

Isaya 61:3

Miyo ji ma joywak i Zayon, kisangala gi forok i kabedo pa rem, mo ma wir i kabedo pa ywak, bujwenge ma pak i kabedo ma cuny manyap. Kenyo nyaka wonyali lwoŋo jo ni olwa ka jotimo gim'otire, ma Rwoth won am'opidho, ŋey wonyali miyo go dwoŋ.

Yeremia 31:13

Mon mathindho jolafore i miel, aka yac kodi jodongo jolasiemere. Alaloko ywak pajo kisangala, alayomo cuny jo, t'amiyo jo kisangala i kabedo pa rem.

Yeremia 33:11

dwondi jo ma kisangala kodi forok. Lawinjere dwondi jamweha kodi mweha kodi dwondi ji ma jowero, ka jokelo foyo i Ot pa Rwoth ka jowaco ni, “Miy win Rwoth pa lwak jolweny foyo, kole Rwoth ber, aka mar pere makiwire bedo cil gi cil!” Kole aladwoko lim ma lowo paka marapena, Rwoth waco.

Kwan 10:10

“I ndelo mewin bende ma forok, i kalimin mewin ma Dwe Manyen gi kalimin megi manyadini, wiripo kudho gwarin ka wikelo mic mewin awaŋa kodi cowirok mewin ma mic ma siem; jobino bedo paka rapoy i nyingi win ruwaŋ Rwoth Were mewin. An abedo Rwoth Were mewin.”

Matayo 21:15

Jotel pa jocway ri Were i wi migam kodi jondiko nge omako jo munyo joneno gir'aura ma go otimo, kareno nyithindho jokoko i Ot pa Were ni, “Wopak Nyakwar Daudi!”

Matayo 21:9

Lwak ji m'oyido wotho yuwiy Yesu kodi m'oyido luwo go cen jocako koko ni, “Ozana! Pak wobedi ri Nyakwar Daudi! Were womiy ŋata bino i nyingi Rwoth silwany! Ozana! Pak wobedi malo swa i polo!”

Yohana 16:22

Meno apaka bende nitie gi win. Pama onyo wiwinjo litho, t'abino neno win kendo, aka cuny win bino poŋ gi kisangala, kiti kisangala ma moro kinyal mayo win.”

Joefeso 5:19

Wer win wer ma Zabuli kodi wer man je ma cuny. Wer win gi dwondi win mamit ri Rwoth munyo wipako go i cuny win.

Yakobo 5:13

Nitie moro kwoŋ win manitie i teko? Weyi wokway Were. Nitie moro ma sangala? Weyi wower wer ma pako Were.

1 Samwiri 4:5

Munyo Joisiraili joneno Kakan ma Cikirok otundo, josangala to koko pajo yengo piny.