Nehemia 10:36 - KITAWO MALEŊ

³⁶ Okayo mawan je gi okayo mar'ogwaŋe mawan ma peco je walatero ri jacway ri Were i wi migam i Ot pa Were paka ondiki i Cik.

KITAWO MALEŊ Catholic

³⁶ Okayo mawan je gi okayo mar'ogwaŋe mawan ma peco je walatero ri jacway ri Were i wi migam i Ot pa Were paka ondiki i Cik.

Nehemia 10:36 ပူးပေါင်းရင်းမြစ်များ

2 Kigana kwoŋ Kerin 31:5

Tekin wac ywore wiloka, Joisiraili jomiyo i thotho olemo marapena, vini, mo oliv, mo kic, kodi ranyak je ma ndelo, to jokelo i thotho acel wiy apar ma kisi gimoro.

Nehemia 12:44

I ndelo no oyer cwo bedo jotel ma kisikin ma kano mic ma Ot pa Were, kiri gi acel wiy apar, kodi ŋano marapena gi olemo macek kisi oro. Cwo me oyido joripo coko mic pa jocway ri Were i wi migam kodi Jolevi wok i ndelin macegin gi tindin madongo paka Cik waco. Ji ma Yuda je oyido josangala gi jocway ri Were i wi migam kodi Jolevi,

Nehemia 13:5

Go oyeyo Tobia oro kisika malac m'oyido iripo kan'iye mic ma ŋano kodi buban, gigipiny m'ioro i Ot pa Were, mic pa jocway ri Were i wi migam, acel wiy apar ma ŋano, vini, kodi mo m'imiyo Jolevi, jower kodi jokur ma Ot pa Were.

Kitawo mar'ario mapa Musa m'ilwoŋo ni Wok 13:2

“Kethi ran gicen nyithindho makayo, kole kisi okayo pa Joisiraili kodi apa ogwaŋe jobedo aparan.”

Kitawo mar'ario mapa Musa m'ilwoŋo ni Wok 23:19

“Kisi oro keli win ŋano ma wikeco marapena i Ot pa Rwoth.” “Wikiri witedi nyathi diel i cak pa min.”

Kitawo mar'ario mapa Musa m'ilwoŋo ni Wok 34:19

“Kisi okayo mewin kodi okayin pa le ma peco jobedo aparan.

Malaki 3:10

Keli win acel wiy apar gikululu i ot paran ma lamo, ŋey cemo wobedi i ot paran. Teman win, Rwoth pa lwak jolweny waco, k'inen ak'oyaw dirisin ma polo riwin t'akonjo piny riwin silwany gibe.

Kwan 3:13

kole nyithindho makayo je jobedo aparan; munyo aneko nyithindho makayo je i piny ma Misir, aketho gicen okayin je i Isiraili ri an won, ji kodi ogwaŋe parom; jolabedo aparan. An abedo Rwoth.

Jogalasia 6:6

Ŋat'ifonjo wac pa Were ripo poko ye gi jafonji pere gigipiny mabeyo je ma go nitie gine.

Kitawo mar'abic mapa Musa m'ilwoŋo ni Cik 12:6

tero mic mewin awaŋa kodi cowirok, acel wiy apar, kodi mic mewin, mic mewin ma wiciko, mic ma dhano won miyo kodi okayin ma dhok mewin kodi mwendi mewin.