Nahum 1:2 - KITAWO MALEŊ

² Rwoth obedo Were ma janyeko, aka go culo kwor, Rwoth culo kwor aka mako keme. Rwoth culo kwor kwoŋ jokwor pere, aka mako keme kwoŋ jokwor pere.

KITAWO MALEŊ Catholic

² Rwoth obedo Were ma janyeko, aka go culo kwor, Rwoth culo kwor aka mako keme. Rwoth culo kwor kwoŋ jokwor pere, aka mako keme kwoŋ jokwor pere.

Nahum 1:2 ပူးပေါင်းရင်းမြစ်များ

Yobu 20:23

Ma poŋo iy gin, Were ladhiro nge pere mager i iy jo, aka lacwe kwoŋ jo paka cemo pajo.

Zabuli 94:1

Rwoth, in ibedo Were ma culo kwor, nyuthi nge perin.

Kitawo mar'ario mapa Musa m'ilwoŋo ni Wok 20:5

Wikiri wikule piny rijo, kosa wilam jo, kwoŋbedo An, Rwoth Were mewin, ajanyeko. Akelo gir'acula kwoŋ jono ma jodakan kodi kwoŋ nyikway jo, kiri i luse pajo mar'adek gi mar'aŋwen.

Kitawo mar'ario mapa Musa m'ilwoŋo ni Wok 34:14

“Wikiri wilam were man, rupiri An Rwoth, ajanyeko.

Kitawo mar'ario mapa Musa m'ilwoŋo ni Wok 34:7

Akuro cikirok paran ri luse ganin t'acwako raco gi reco, t'akibino weyo m'akimiyo gir'acula nyithindho gi nyikwaye tundo i luse mar'adek gi mar'aŋwen ro reco pa jonywol pajo.”

Isaya 42:13

Rwoth telo paka siragama, paka dhano ma jalweny, go tugila nge pere, go ywak, go koko malo, go nyutho meni pere kwoŋ jokwor pere.

Isaya 51:17

Cew, cew! Ay malo, awi Yerusalem, witieko madho i cingi Rwoth, kikopo ma keme pere, witieko madho to wiloko thiŋ, acero m'omiyo win kitangatanga.

Isaya 51:20

Ji mewin jolocere, joriere i sonda ma kisi royo, paka amudhe m'omoko i bwo, jopoŋ gi keme pa Rwoth, bwok pa Were mewin.

Isaya 66:15

Kole Rwoth labino gi mac, gi cawilin pere ma cal asur, go lamiyo jokwor pere, gir'acula gi mac.

Yeremia 25:15

Me apaka Rwoth, Were pa Isiraili, owaco ran: “Ee agwata ma vini ma keme paran, aka imiy nonin je m'adhirin bongi jo jowomadhi.

Yeremia 28:8

Jotuci wac Were ma jopen bedo riwin gi an wok i hongo macon joluwo kwoŋ lweny, kec kodi two nundu kwoŋ piny kweth kodi kerin madongo.

Yeremia 3:5

Go obedi gi nge cil gi cil, cuny go oŋedhere kiri i gike?” Me apaka itieko luwo, to itieko timo gimarac moro je m'inyalo.

Yeremia 36:7

Poyi ywak pajo onyali tundo ruwaŋ Rwoth, aka joje jowire woko kwoŋ yo pajo marac, kole nge kodi keme pa Rwoth manitie kwoŋ ji me dwoŋ.”

Yeremia 4:4

Kuri win cikirok mewin kodan, Rwoth mewin, aka wimiyere ran, win ji ma Yuda gi Yerusalem. Kakameno, keme paran bino icere paka mac, to liel m'ongoye ŋat'oneki, kwoŋbedo tim mareco mewin.”

Yeremia 50:15

Koki win kwoŋ Babilon i thenge je, kole go otieko tiŋo cinge malo, cel pere otieko podho, aka orwadhi piny. Kole me culo kwor pa Rwoth, cul win kwor kwoŋ go, tim win rigo paka go bende otimo.

Ywakirok 4:11

Rwoth ocowo keme pere, aka okonjo nge pere malieth, to cwinyo mac i Zayon, m'oreyo woko misingi mere.

Ezekiel 36:6

Riameno luw mako kwoŋ lowo ma Isiraili, aka iwaci ri gote kodi tenderin, ri jwombe kodi milelo ni: Rwoth Were waco, aluwo i keme ma nge paran, kwoŋbedo witieko candere yet pa nonin.

Ezekiel 38:18

I ndelo no, ka Gog ocako lweny gi piny ma Isiraili, Rwoth Were waco, keme paran lakigaga.

Ezekiel 38:19

Rupiri i nyeko paran kodi i keme paran maliel atieko luwo: I ndelo no yengirok pa piny madwoŋ labedo i piny ma Isiraili.

Ezekiel 39:25

Riameno Rwoth Were waco ama: Pama onyo aladwoko silwany pa Yakobo, t'atimo ŋono ri Joisiraili gibe; aka alabedo gi nyeko ri nyingan maleŋ.

Ezekiel 5:13

Alaoro nge paran, aka alakweyo keme paran kwoŋ jo, alaculo kwor aka jolaŋeyo nike An Rwoth, atieko luwo i nyeko paran k'acowo keme paran kwoŋ jo.

Ezekiel 6:12

Jono ma jonitie bor jolatho gi two nundu, jono ma jonitie cegin jolatho g'abor, aka jono ma jodoŋ makwo t'iweyo jo jolatho kec. Ameno apaka alacowo keme paran kwoŋ jo.

Ezekiel 8:18

Riameno alatimo i keme, akilaŋiyo jo gi waŋan ma wor, kosa ak'onyuthi jo wor; aka makada nende joywak i ithan gi dwondi jo malo, akilawinjo.”

Yowel 2:18

Nyaka to nyeko mako Rwoth ri lowo pere, to bedo gi wor kwoŋ ji pere.

Jolevi 26:28

alamedere kwero win i nge; kucel an won alamiyo win gir'acula dibirio ri reco mewin.

Mika 5:15

Aka i nge gi keme paran, abino culo kwor, kwoŋ nonin je ma jok'owinjan.

Mika 7:18

Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

Zekaria 1:14

Ameno malaika m'oyido luwo kodan owaco ran ni, “Ywak kodan, Rwoth pa lwak jolweny waco, amako nyeko ri Yerusalem kodi ri Zayon gi nyeko m'oasere swa.

Zekaria 8:2

Rwoth pa Lak Jolweny waco ama: Amako nyeko ri Zayon gi nyeko madwoŋ, aka gi keme madwoŋ, amako nyeko rigo.

Kwan 25:11

“Finehas wod pa Eliazar, nyakwar Aron, otieko wiro woko keme paran kwoŋ Joisiraili gi nyutho nger miyirok no i dier jo i ka waŋan ŋey akireyo woko Joisiraili je i nyeko paran.

Joroma 12:19

Wikiri wicul kwor wiwegi, jowotan; kucel weyi win keme pa Were ama woculi. Kole ndiko waco ni, “Rwoth waco ni, ‘Culo kwor obedo aparan; abino culo.’ ”

Joroma 13:4

Kole go jatic pa Were ma tiyo ri bero perin. To k'itimo reco, lwor go, rupiri jadhum kibedi gi gilweny nono. Go obedo jatic pa Were aka go nyutho joma timo reco keme pa Were.

Kitawo mar'abic mapa Musa m'ilwoŋo ni Cik 4:24

Kole Rwoth Were mewin obedo mac ma reyo woko jo, Were ma janyeko.

Kitawo mar'abic mapa Musa m'ilwoŋo ni Cik 7:10

aka go culo kwor kwoŋ jono ma jodak go. Go kibedi moth gi jo.

Joebulaniya 10:30

Kole waŋeyo ŋat'owaco ni, “Abedo jaculi kwor, abino culo kwor.” Ma bende owaco ni, “Rwoth bino thumo banja ri ji pere.”

Yosuwa 24:19

To Yosuwa waco ri ji ni, “Wikinyal tiyo ri Rwoth, rupiri go obedo Were maleŋ. Go obedo Were ma janyeko; go k'ocwaki kibenga mewin kosa reco mewin.

2 Petero 2:9

Am'omiyo, kere Rwoth oŋeyo nger ma botho ji mabeyo ma jolworo Were i candirok ma temo jo, kodi weyo joreco i gir'acula pajo cuka ndelo ma thumo banja,