Mika 7:1 - KITAWO MALEŊ

¹ Kidamba ran! Kole onyo acalo, ŋata kec neko ma kinwaŋ olemo m'odoŋ wi yen, kosa nyingi vini i tiendi yath vini acama. Nyingi vini je gi nyandere je mamit otiek fono woko.

KITAWO MALEŊ Catholic

¹ Kidamba ran! Kole onyo acalo, ŋata kec neko ma kinwaŋ olemo m'odoŋ wi yen, kosa nyingi vini i tiendi yath vini acama. Nyingi vini je gi nyandere je mamit otiek fono woko.

Mika 7:1 ပူးပေါင်းရင်းမြစ်များ

Zabuli 120:5

Bedo i dier win rac paka bedo i Mesek, kosa i dier ji ma Kedar.

Agecin 20:6

Ji kweth jowaco ni jotimo adieri, to ŋa manyalo nwaŋo ŋata genere?

Isaya 17:6

Ilakeco abudha abudha, paka k'igoyo yath oliv, nyinge ario kosa adek, aŋwen kosa abic, i jange ma wilwindi, kosa i jangi yath olemo. Rwoth Were pa Isiraili waco.

Isaya 24:13

Ameno apaka labedo i dier piny, kodi i dier nonin, paka ijwero yen oliv kosa ndelo vini, to doŋ nono k'ifono nyingi vini.

Isaya 24:16

Wok i gike ma piny wawinjo wer ma pak, madwoŋ ri Ŋat'otire. T'awaco ni, arumo woko, arumo woko, kidamba ran! Kole jor'akaka jotimo akaka, jor'akaka jotimo akaka swa.

Isaya 28:4

Ŋono madwoŋ pere lacale paka mawuwa ma thwo, manitie i wi milelo ma diwa, labedo paka nyandere macek marapena mafodi milengela; nyatoro je ma neno camo woko tekin podho i cinge.

Isaya 6:5

Kenyo awaco ni, “Kidamba ran! Kole arwenyo, kole abedo jacwo ma dhoke koc, aka abedo i dier ji ma dhok gin koc, kucel waŋan otieko neno Kere, Rwoth pa lwak jolweny!”

Yeremia 15:10

Adamba ama raŋo! Raŋo mama onywolan? Adhawere t'apiemo gi kisi dhano i piny. Fodi akimiyo dhano pesa ni woculan rumacen kosa akikopa dhano pesa, kucel dhano je kwoŋan.

Yeremia 24:2

Adita marapena otiŋo nyandere maber tektek, nger nyandere ma pen cek; to adita man mere oyido otiŋo nyandere marac tektek, ma k'onyalo camere.

Yeremia 4:31

Kole awinjo ywak, ma cale gi ywak pa dhako ma ŋedi ramo, pa litho pa dhako manywolo nyathi pere makayo. Ywak pa Yerusalem ka dwanyere ri luya, yaro cinge aka waco ni, “Kidamba ran! Cunyan gore ruwaŋ jonek paran!”

Yeremia 45:3

Iwaco ni, “Kidamba ran! Rwoth otieko medo rem i wi litho paran, anyocere gi ywak paran, aka angoye gi ywomirok.”

Yeremia 5:1

Ji ma Yerusalem, ŋwec win malo gicen, ŋwec win i royin mewin, aka mondo neni win kor gi korin aka wipar kwoŋe! Woth win i katale mere je winen ka inyalo nwaŋo dhano acel ma timo gim'otire aka dwaro tiro ŋey anyal cwako Yerusalem.

Hoseya 9:10

Paka olemo i thim, anwaŋo Isiraili. Paka ranyak marapena wi yath nyandere, i kacako mere, aneno kwarere mewin. To munyo jobino i Bal Pewor, to joloko kwo pajo maleŋ ri gimoro ma wickwot, to jolokere gim'ongoye cwe paka gima jomaro.

Kwan 18:13

Ranyak marapena je manitie i lowo pajo, ma jokelo ri Rwoth bino bedo aperin; kisi nyatoro m'olony i ot perin nyalo camo.