Mika 5:11 - KITAWO MALEŊ

¹¹ Abino reyo woko tindin madongo mewin i lowo mewin, t'aturo woko kapondo mewin.

KITAWO MALEŊ Catholic

¹¹ Abino reyo woko tindin madongo mewin i lowo mewin, t'aturo woko kapondo mewin.

Mika 5:11 ပူးပေါင်းရင်းမြစ်များ

Isaya 1:7

Piny mewin ojwangere, tindin mewin madongo iwaŋo gi mac, kareno wineno ama. Jokicar josika lowo mewin, ojwangere paka jopath jomako.

Isaya 2:6

Kole iweyo yo pa ji perin, ot pa Yakobo. Adieri jopoŋ gi jothieth wok yuwok ceŋ, gi jojwok paka i Filistia, aka joriwo cingi jo gi nyithindho pa jopath.

Isaya 27:9

Riameno, gi gime ilaumo reco pa Yakobo, me labedo ranyak m'opoŋ ma kwanyo woko reco pere, ka go oloko telin je ma migam, paka coka m'oŋiny mathindho thindho, m'ongoye migam pa were madhako Asera kosa ma buban m'odoŋ.

Isaya 6:11

Kenyo apenjo ni, “Kiri keraŋo Awi Rwoth?” Aka go odwoko ni, “Cuka tindin madongo othangere, m'ongoye ji ma jobed'iye, aka udi ongoye ji, to lowo doŋ nono kicutho.

Ywakirok 2:2

Rwoth oreyo woko kicutho, kabedo ma Yuda je, i keme pere go oturo piny, kapondo pa ji ma Yuda, go oredho piny i lowo i wickwot, ker kodi jodhum mere.

Ezekiel 38:11

Ilawaco ni, “Alakidho lweny gi calin ma k'ogoy'iye cel; alapodho kwoŋ ji ma joliŋ ma jobedo kam'ongoye teko, joje ma jobedo kama k'ogoy'iye cel, aka jongoye gi nyweny kosa waŋkace.”

Hoseya 10:14

Riameno mor ma lweny lacakere i dier ji mewin, aka cel mewin je ilareyo woko. Paka Saliman oreyo woko Betharbel i ndelo ma lweny, munyo megi ji oŋiny jo mathindho thindho gi nyithindho pajo.

Amos 5:9

Go kelo rerok kwoŋ jomeni gi kapondo pajo.

Zekaria 4:6

Go odwoko to waco ran ni, “Me wac pa Rwoth ri Zerubabel: K'obedo gi nyalo kosa meni, to gi cuny paran, Rwoth pa lwak jolweny waco.