Mika 4:7 - KITAWO MALEŊ

⁷ Alaloko jor'aŋolo ji m'odoŋ, aka jom'oyido abolo woko, alaloko piny madwoŋ. Rwoth bino dhumo jo wi got Zayon, wok pama kadho yuwaŋe aka cil gi cil.

KITAWO MALEŊ Catholic

⁷ Alaloko jor'aŋolo ji m'odoŋ, aka jom'oyido abolo woko, alaloko piny madwoŋ. Rwoth bino dhumo jo wi got Zayon, wok pama kadho yuwaŋe aka cil gi cil.

Mika 4:7 ပူးပေါင်းရင်းမြစ်များ

Zabuli 2:6

Rwoth waco ni, “Atieko ketho kere paran wi got maleŋ Zayon.”

Isaya 16:5

kenyo ilaketho kom ma jadhum i mar makiwire wok i wema pa Daudi, aka i wiye labedo iy'adieri, jathum banja ma rango tiro, aka yil ma timo gim'otire.

Isaya 24:23

Kenyo dwe lalokere macol, aka ceŋ k'oliel kendo, kole Rwoth pa lwak jolweny ladhumo, wi Got Zayon kodi i Yerusalem, aka go lanyutho dwoŋ pere ruwaŋ jotel pa ji pere.

Isaya 6:13

Makada nende acel kwoŋ ji apar odoŋ, ilawaŋo go kendo, paka olwa m'otoŋ, to conge doŋ m'ocungo, rijo, conge obedo kodhi maleŋ.”

Isaya 60:22

Ma sisiri kwoŋ jo, lalokere nono, aka mathin loyo lalokere madwoŋ paka piny matek, An abedo Rwoth, i hongo mere, alamiyo gime wotimere piyo.

Isaya 66:8

Ŋa m'otieko winjo nger gino? Ŋa m'otieko neno nger gino? Piny bende nywole i ndelo acel? Nono bende nywole i hongo manok? Kole tekin ŋedi cako ramo Zayon, to nywolo wote.

Ezekiel 43:7

Go owaco ran ni, wod dhano, me kabedo ma kom ma dhum paran kodi kabedo ma par tiendan nyono, kam'alabed'iye i dier Joisiraili cil gi cil. Ot pa Isiraili kendo kilakoco nyingan maleŋ, jo kosa kerin pajo, lamo werin man kosa gi yiko kerin pajo ka.

Daniel 2:44

I hongo pa kerin no Were ma i polo laketho ker ma kilareyo, kosa k'owey ri ji man. Ker me labedo cil gi cil, aka laŋinyo woko kerin je to kelo jo i gike;

Daniel 4:34

Munyo oro abirio no orumo, An Nebukadineza, atiŋo waŋan i polo, aka paro paran odwoko bongan. Apako Jamalo Swa, apako t'amiyo go dwoŋ go makwo cil gi cil; kole dhum pere obedo dhum ma cil gi cil, aka ker pere yindira wok i luse tundo i luse.

Daniel 7:14

Ri go omiy dhum, dwoŋ, kodi ker, ŋey ji je, nonin je, kodi dhodhok je jowotiy rigo. Dhum pere obedo dhum ma cil gi cil, ma kilarumo, aka ker pere kilarere.

Daniel 7:27

Kenyo ker, dhum kodi dwoŋ ma kerin i pendi polo gibe ilamiyo jomaleŋ pa Jamalo Swa ma ker pere obedo ker ma cil gi cil, aka ker je jolatic rigo kodi winjo go.

Hoseya 1:10

Kucel welo pa Joisiraili lacale paka kwoyo ma nam, ma kipimere kosa kwanere; aka i kabedo m'owac'iye rijo ni, “Wikibedo ji paran.” Ilalwoŋo jo ni, “Nyithindho pa Were makwo.”

Yowel 2:32

Nyaka kisi ŋat'olwoŋ nyingi Rwoth bino both; kole wi Got Zayon kodi i Yerusalem, labedo gonyirok, paka Rwoth otieko waco, aka kwoŋ joma joboth, labedo jono ma Rwoth lwoŋo jo.

Yowel 3:17

Wilaŋeyo nike An, Rwoth Were mewin, abedo i Zayon, got ma leŋo paran. Yerusalem labedo Kabedo Maleŋ, aka jokicar jok'oluw'iye kendo.

Obadia 1:21

Cwo ma jotieko loyo i Yerusalem, jobino monjo Edom to jodhumo. Aka Rwoth won bino bedo kere.

Mika 2:12

T'abino coko win, a Isiraili, abino coko ji pa Isiraili ma jodoŋ. Abino ketho jo kanyacel, paka rombo i sidwol, paka mwendi ma jocamo lum, paka lwak ji ma jowoy.

Mika 2:13

Were bino yawo rijo yo to telo jo wok i piny pa jopath. Jobino turo woko waŋkac ma tindi madwoŋ to jogonyere, aka Kere pajo, Rwoth won bino telo yuwiy jo.

Mika 5:3

Riameno Rwoth bino jwango ji pere tundo i hongo, madhako ma ripo nywol obedi gi wode. Kenyo nyaka Joisiraili ma jonitie wiloka jodwoki, to joriwere gi ji pajo wegi.

Mika 7:18

Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

Zefania 3:13

Joisiraili ma jodoŋ, jokilatimo komo, jokilaluwo misegey, kosa jok'oluw twodo gi lew jo kodi dhok jo. Kenyo jolapidhere to ywomere, m'ongoye ŋata lacando jo.

Zefania 3:20

I hongo no alakelo win peco, i hongo m'abino cok'iye win; kole alamiyo win nyingi win kodi pak, i dier nonin je ma piny, k'anodwoki riwin lim mewin macon, kareno wineno gi waŋ win, Rwoth waco.

Luka 1:33

Go bino dhumo nyikway Yakobo cil gi cil aka Ker pere bino ngoye gike.”

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”