Mika 4:1 - KITAWO MALEŊ

¹ Ndelo ma rumacen bino, ma got ma Ot pa Rwoth, bino bedo got mabor loyo, aka ibino tiŋo malo kalo tendere je, aka ji jobino mol i iye.

KITAWO MALEŊ Catholic

¹ Ndelo ma rumacen bino, ma got ma Ot pa Rwoth, bino bedo got mabor loyo, aka ibino tiŋo malo kalo tendere je, aka ji jobino mol i iye.

Mika 4:1 ပူးပေါင်းရင်းမြစ်များ

Cakirok 49:1

Kenyo Yakobo olwoŋo wote aka owaco ni, “Cokere win kanyacel ŋey awaci riwin gima lapodho kwoŋ win i hongo ma yuwiye.”

Cakirok 49:10

Yuda bino mako luth pa kere, aka nyikwaye wangi jobedo jodhum. Piny jobino kelo ri mic to jokule ruwaŋ go i wor.

Zabuli 110:3

I ndelo ma meni perin onyuthere iye, ji perin wegi jolamiyere rin. Paka thoyo ma ŋamba, cwo perin ma nyaka joay jolabino, bongin i wi tendere maleŋ.

Zabuli 22:27

Nonin je jobino poyo Rwoth. Woki i kisi thenge ma piny jobino wire bonge, to jolamo go.

Zabuli 48:1

Rwoth dwoŋ aka iripo pako go malo swa, i tindi madwoŋ pa Were, got pere maleŋ.

Zabuli 86:9

Nonin je m'icweyo, jolabino to jokule piny ruwaŋin Awi Rwoth, jobino miyo nyingin dwoŋ.

Isaya 27:13

I ndelo no, ilakudho gwara madwoŋ, aka jono m'oyido jorwenyo i lowo ma Asiria kodi jono m'oyido oriem jo woko i lowo ma Misir jolabino lamo Rwoth wi got maleŋ i Yerusalem.

Isaya 43:6

Alawaco ri yumalo ni, “Weyere gi jo.” Alawaco ri yupiny ni, “Ikir'igeŋ, keli wotan wok bor, gi nyithindho paran manyir wok i witum ma piny,

Isaya 49:6

Rwoth waco ran ni, “Obedo gima sew ni iripo bedo ŋeca paran, tiŋo malo nonin pa Yakobo, gi dwoko Joisiraili ma joboth. Alamiyo in paka lero ri nonin, ŋey both paran wotundi i tielo je ma piny.”

Isaya 54:2

Loki wema perin malac, aka weyi nanga ma geŋo kam'ibed'iye woyar woko; ikir'ipan, loki mabor thondhe perin, aka iridhi loce perin.

Isaya 56:7

Alakelo jo wi got paran maleŋ, t'amiyo jo kisangala i ot paran ma kwayo. Alajolo mic awaŋa pajo gi cowirok pajo i wi migam paran. Kole ot paran ilalwoŋo ni ot ma kwayo ri ji je.

Yeremia 16:19

Awi Rwoth, meni paran gi cel paran, kapondo paran i hongo ma teko, nonin je jolabino bongin wok i tielo gi tielo ma piny to jowaco ni: Kwarere mawan jok'olunjo gimoro kwanyowoko twodo, gigipiny masisiri m'ongoye iye magowa.

Yeremia 26:18

Munyo Hezekia oyido obedo Kere ma Yuda, jatuci wac Were Mika m'owok Moras owaco ri ji je ma Yuda ni Rwoth pa lwak jolweny waco ama: Ilafuro Zayon paka ndelo; Yerusalem lalokere kidhur gunda, aka tendere ma Ot pa Rwoth lalokere lul.

Yeremia 3:17

I hongo no ilalwoŋo Yerusalem ni kom pa Rwoth, aka nonin je jolacokere iye, i nyingi Rwoth i Yerusalem, aka gi wictek pajo jok'otimi kendo gimarac ma wegi joyero.

Yeremia 31:12

Jolabino to jowero wi got Zayon, aka jolakisangala ri gigipiny maber pa Rwoth, ri ŋano kodi vini kodi mo, kodi mwendi kodi dhok. Kwo pajo labedo paka ndelo m'ikonjo iye pi, aka jokilanyapere kendo.

Yeremia 48:47

Kucel aladwoko lim ma Mowab, i ndelo ma bino, Rwoth waco. Me apaka athumo ri Mowab banja.

Ezekiel 38:16

Ilabino lweny gi ji paran Isiraili, paka pondeponde ma umo piny. I hongo ma yuwaŋe, alakelin i cingan ŋey nonin jonyal ŋeyan, kareno joluwo kwoŋin, awi Gog, alanyutho leŋo ruwaŋ jo.

Ezekiel 40:2

Go okelan i menyirok pa Were, i piny ma Isiraili, to jengan piny wi got mabor swa, m'oyido nitie iye gim'otim ma cal tindi madwoŋ yuthenge ma yupiny.

Ezekiel 43:12

Me cik ma Ot pa Were, adec je ma thoko, wi got obedo maleŋ loyo. Me cik ma Ot pa Were.

Daniel 10:14

Abino miyin niaŋ gima latimere ri ji perin i ndelo ma rumacen. Kucel menyirok latero ndelo kweth.”

Daniel 2:28

To nitie Were ma i polo ma nyutho nyaliŋliŋ, aka go otieko nyutho Kere Nebukadineza gima latimere i hongo ma bino. Me a lek kodi menyirok m'ineno munyo inindo i kanindo perin:

Daniel 2:35

Kenyo nyweny, lowo nyamasiga, ywel, feza, kodi zahabu joŋinyere mathindho thindho to jolokere paka cuŋ i kisia ma hongo ma ceŋ. Koyo okudho jo woko ma k'oweyo bathi jo. To tele m'ogoyo cal no olokere got madwoŋ aka opoŋo piny gibe.”

Daniel 2:44

I hongo pa kerin no Were ma i polo laketho ker ma kilareyo, kosa k'owey ri ji man. Ker me labedo cil gi cil, aka laŋinyo woko kerin je to kelo jo i gike;

Daniel 7:14

Ri go omiy dhum, dwoŋ, kodi ker, ŋey ji je, nonin je, kodi dhodhok je jowotiy rigo. Dhum pere obedo dhum ma cil gi cil, ma kilarumo, aka ker pere kilarere.

Daniel 7:18

To jomaleŋ pa Were ma Jamalo Swa jolatero ker, to jodhumo cil gi cil, makicutho.

Daniel 7:22

cuka Ŋatacene obino, t'ithumo banja ri jomaleŋ pa Jamalo Swa, to hongo tundo ma jomaleŋ jodhumo.

Daniel 7:27

Kenyo ker, dhum kodi dwoŋ ma kerin i pendi polo gibe ilamiyo jomaleŋ pa Jamalo Swa ma ker pere obedo ker ma cil gi cil, aka ker je jolatic rigo kodi winjo go.

Hoseya 3:5

Rumacen Joisiraili jolawire to jodwaro Rwoth Were pajo, kodi Daudi kere pajo. Jolabino gi kirin bongi Rwoth kodi i bero pere i ndelo ma rumacen.

Mika 3:12

Riameno kwoŋbedo win ibino furo Zayon paka ndelo, Yerusalem bino cale kidhur gundin, aka tendere ma Ot pa Were bino lokere lul.

Zekaria 14:10

Piny gibe lawire, paka Araba wok i Geba tundo i Rimon yupiny ma Yerusalem. To Yerusalem ladoŋ ay malo i kabedo pere wok i Waŋkac pa Benyamin tundo i waŋkac marapena, kiri i Waŋkac ma Sonda, kodi wok iy'acurcur ma Hananel tundo i kadhiŋo vini pa kere.

Zekaria 2:11

Nonin kweth jolariwere gi Rwoth i ndelo no, aka jolabedo ji paran, aka alabedo i dier in, aka ilaŋeyo nike Rwoth pa lwak jolweny ooran bongin.

Zekaria 8:3

Me apaka Rwoth waco: Aladwoko i Zayon, aka alabedo i Yerusalem; Ilalwoŋo Yerusalem ni tindi madwoŋ ma genere, aka got pa Rwoth pa lwak jolweny, ilalwoŋo ni, got maleŋ.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Tim pa Jomoor 2:17

Were waco ni, me a gima bino timere i ndelo macowe: Abino konjo Cuny paran kwoŋ ji je; wot win gi nyigi win jobino tuco wac Were, nyithindho mewin mayac ma soye jobino limo menyirok, aka jom'oti i dier win jobino leko lek.

Joebulaniya 1:2

to i ndir macowe me, go oluwo gi wan gi i dhok Wode m'oyero paka okayo ma lalunjo gigipiny pere je, aka ocweyo polo gi piny luwo kwoŋ Wode no.

2 Petero 3:3

Marapena, wiripo ŋeyo nike i ndelo macowe me, jonyero jobino fudhirok ma joluwo royo mar'awanya pajo mareco gi nyero ma cay.

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”

Menyirok ri Yohana 15:4

Rwoth, ŋata kilalworin, kosa kilamiyo nyingin dwoŋ? Kole in kendin am'ileŋ. Nonin je jolabino ruwaŋin to jolamin. Kole tim perin m'otire otieko nenere.”

Menyirok ri Yohana 20:4

Rumacen aneno kombere ma dhum, aka jom'obedo kwoŋ jo obedo joma omiy jo thumo banjin. Aka aneno bende joma ndir ca oŋadi woko ŋuti jo ro ridho yeyo pajo kwoŋ Yesu kodi wac pa Were, ma jok'oyeyo lamo ogwaŋ kosa cal pere, aka jok'oyeyo womwon ranyuth pere ruwaŋ jo kosa i cingi jo. Odwoki rijo kendo kwo pajo to jodhumo gi Kristo oro gana acel.