Mika 3:11 - KITAWO MALEŊ

¹¹ Jotel mere jothumo banja ro nyewirok, jocway ri Were i wi migam jotiyo ma cul, jotuci wac Were ma pesa, kucel jogoŋere kwoŋ Were to jowaco ni, “Rwoth nitie gi wan, teko k'opodhi kwoŋ wan.”

KITAWO MALEŊ Catholic

¹¹ Jotel mere jothumo banja ro nyewirok, jocway ri Were i wi migam jotiyo ma cul, jotuci wac Were ma pesa, kucel jogoŋere kwoŋ Were to jowaco ni, “Rwoth nitie gi wan, teko k'opodhi kwoŋ wan.”

Mika 3:11 ပူးပေါင်းရင်းမြစ်များ

Agecin 17:23

Jokidakana jojolo cami nyew aponda, ma wiro yo ma tiro.

Isaya 1:23

Jodhum perin jobedo jodudi, aka merin pa jokwo. Kisi dhano omaro cami nyew aka joredo jolo mic. Jokithiel nyithindho kic, aka jokiwinji banja pa citho.

Isaya 48:2

Wilwoŋere ni wibedo i tindi madwoŋ maleŋ, aka wigoŋere kwoŋ Were pa Isiraili, m'ilwoŋo ni Rwoth pa lwak jolweny.

Isaya 5:23

Win ma wiweyo jokomo kadho ro cami nyew, aka wimono ji ma bubanja tiro!

Isaya 56:11

Gwokere jothoth gi woro, to jokinwaŋ gima romo jo. Jokwath bende jokiniaŋ, joje jowire i yo pajo wegi, kisi acel i magowa pere won, acel aka joje.

Yeremia 23:17

Jowaco noknok ri jono ma jobwono wac pa Rwoth ni, “Gigipiny lakadho riwin maber kodi ri ji je ma wiy gin tek ma wegi jotimo gima jomito, ka jowaco ni, ‘Ongoye teko ma lapodho kwoŋ win.’”

Yeremia 26:7

Jocway ri Were i wi migam kodi jotuci wac Were kodi ji je jowinjo Yeremia luwo wac me i Ot pa Rwoth.

Yeremia 5:12

Jotieko luwo gima k'obedo adieri kwoŋ Rwoth, aka jotieko waco ni, “Go k'otimi gimoro.” Ongoye gimarac ma lapodho kwoŋ wan, aka wakibino neno litho kosa kec.

Yeremia 6:13

Kole wok kwoŋ jomathindho tundo i jomadongo kwoŋ jo, kisi dhano obedo jaworo ri magowa ma k'otire; aka wok i jatuci wac Were tundo i jacway ri Were i migam, kisi dhano je obedo jabanirok.

Yeremia 7:4

Wikiri wikethi geno i wac ma twodo me. Me obedo Ot pa Rwoth, Ot pa Rwoth, Ot pa Rwoth.

Yeremia 8:10

Riameno alamiyo mon pajo ri joman kodi ndelin pajo ri joma laloyo jo gi meni, rupiri wok i jomathindho tundo i jomadongo kisi dhano je jaworo ri magowa ma k'otire; wok kwoŋ jatuci wac Were tundo kwoŋ jacway ri Were i wi migam kisi dhano timo gikomo.

Ezekiel 22:12

Megi kwoŋ ji mewin inyewo jo neki. Megi joketho magowa kwoŋ pesa ma jokopa Joisiraili wadi jo aka joŋaŋ gi diyo jo. Wiwin owil kodan, Rwoth Were waco.

Ezekiel 22:27

Jodhum mere jocale paka arare ma joyeco ogwaŋ ma joneko. Joneko ŋey jowoŋaŋ.

Ezekiel 34:2

Go owaco ni, “Wod dhano”, Kwedere kwoŋ jokwath ma Isiraili: Ituci rijo wac Were ni: Rwoth Were waco ama: A, win jokwath ma Isiraili, wiwegi wipidhere! Jokwath jokiripi pidho rombo?

Hoseya 4:18

Ka jocowo medho, to jocako nindirok, jomaro kinyoro loyo dwoŋ pajo.

Hoseya 4:8

Joŋaŋ ka ji paran jotimo reco; jonitie g'awanya ri ji paran medo timo reco.

Amos 5:14

Rangi win bero, makiweno raco, ŋey wibedi gi kwo. Nyaka Rwoth Were pa lwak jolweny, bino bedo gi win paka wiwaco ni go nitie gi win.

Amos 9:10

Joreco ma jonitie i dier ji paran, ibino neko jo i lweny. Jono je ma jowaco ni, “Were kilayeyo teko wopodhi kwoŋ wan.”

Mika 3:5

Me a gima Rwoth waco ri jotuci wac Were, ma jobano ji paran, aka jociko siem, ri jono ma joculo jo, to lweny ri jono ma jokicul jo.

Mika 7:3

Cingi gin yot timo gimarac, aka jotimo gi kinen. Jodhum gi jothum banja, jokwayo nyew, aka jaŋaŋo waco mito marac mar'adundo pere, to joriwo kanyacel.

Zefania 3:3

Jodhum ma jonitie i go, jobedo simbwore ma johola, jothum banja pere jobedo arara, ma kan odikin tundo ngoye gima joweyo.

Zefania 3:4

Jotuci wac Were pere jogayagaya, cwo ma jotimo akor, jocway ri Were i wi migam pere jokoco Kabedo Maleŋ, jotieko komo cik.

Malaki 1:10

Rwoth pa lwak jolweny waco ni, “Kabedi nitie acel kwoŋ win manyalo cego thigo ma ot ma lamo to geŋo win moko mac ma bukony i wi migam paran. Akisangala gi win, aka akibino jolo mic m'owok i cingi win.

Malaki 2:9

Ameno amiyo ji jobwono win, paka bende wikiluwo yo paran, aka witimo nyakucel i fonji mewin.”

Kwan 16:15

Nge omako Musa swa to waco ri Rwoth ni, “Ikir'ijol mic pajo moro je. Fodi akikwanyo kada punda acel kwoŋ jo, aka fodi akitimo ri kad'acel kwoŋ jo marac.”

Kwan 22:7

Ameno jodongo ma Mowab kodi jodongo ma Midian joay gi pesa ma thieth i cingi jo, aka jobino bongi Balam to jowaco rigo mikwenda pa Balak.

Matayo 3:9

Aka wikiri wipar ni winyalo nwaŋo kagoŋirok munyo wiwaco ni, ‘Abraham obedo kwari wan.’ Awaco riwin ni Were nyalo kwanyo kada telin me to loko nyikway Abraham!

1 Timothe 3:3

Kiripi bedo jamero kosa jagero, to wobedi ŋata mwol ma ki jadhaw; aka wokiri womar pesa.

Tito 1:11

Yenyere juko fonji pajo, rupiri joruwo pecin je munyo jofonjo gim'onwaŋo jokiripi fonjo, nyaka g'atoŋa ma limo pesa.

1 Petero 5:2

ni bedi win jokwath pa sidwol rombo ma Were omiyo win, aka wileki jo gi maro mewin, paka Were mito witim, makiweno g'arom. Tiyi win, m'ongoye woro pesa, to ro maro tic ri jowoti win adieri.

Yuda 1:11

Kidamba wobedi rijo! Joluwo royo ma Kayin cango oluwo. Jomunyere i fonji m'okom ro woro, paka cango Balam otimo. Jobino kisika woko ro piem paka cango Kora gin jotimo.

1 Samwiri 8:3

To yac me jok'oluwo royo pa bajo, oyido joworo pesa; ameno joyeyo ji nyewo jo to jothumo banjin m'ongoye tiro.