Mika 2:2 - KITAWO MALEŊ

² Jowanya ndelin, aka jomako, kodi udi, aka jotero, jodiyo jacwo gi ot pere, aka jotero lim pere.

KITAWO MALEŊ Catholic

² Jowanya ndelin, aka jomako, kodi udi, aka jotero, jodiyo jacwo gi ot pere, aka jotero lim pere.

Mika 2:2 ပူးပေါင်းရင်းမြစ်များ

1 Kerin 21:1

Onyo cegin gi cel pa kere Ahab i Yezirel oyido nitie ndelo vini aka won mere oyido obedo jacwo m'ilwoŋo ni Naboth.

2 Kerin 9:26

‘Aneno neki pa Naboth kodi wote nyoro. Aka aciko nike abino miyin gir'acula i ndelo acel me.’ Ameno ter delkwoŋ Yoram ibol i ndelo m'oyido obedo apa Naboth, ŋey cikirok pa Rwoth wotundi i kare.”

Yobu 31:38

K'inen atieko kwalo lowo m'afuro, aka amayo wegi mere,

Kitawo mar'ario mapa Musa m'ilwoŋo ni Wok 20:17

“Ikir'iwanya ot pa nyawotin; ikir'iwanya cege, ŋecin pere, dhok pere, kosa punde pere, kosa kisi gima go nitie gine je.”

Isaya 3:14

Rwoth bino ri thumo banja, gi jodongo kodi jodhum pa ji pere. Win wiŋati winyaga ndelo vini, udi mewin opoŋ gigipiny pa jocandi.

Isaya 5:8

Kidamba riwin, ma wiriwo ot gi ot, wimedo ndelo i wi ndelo, tundo kam'ongoye thwolo ri joman kwanyo woko win, aka widoŋ bedo kendi win i lowo.

Yeremia 22:17

To waŋin kodi adundo perin nitie nyaka i magowa perin ma k'adieri, ma oyo remo pa ji ma nono, kodi ri tim ma diyo ji gi gwayo.

Ezekiel 18:12

Ka go diyo jocandi aka kwalo, aka kano gima jabanja pere osinga rigo. Go tiŋo waŋe malo lamo cal, go timo amien.

Ezekiel 22:12

Megi kwoŋ ji mewin inyewo jo neki. Megi joketho magowa kwoŋ pesa ma jokopa Joisiraili wadi jo aka joŋaŋ gi diyo jo. Wiwin owil kodan, Rwoth Were waco.

Ezekiel 22:13

Neni ee, alamino adol kwoŋ kwo mewin kodi neki manitie i dier win.

Ezekiel 33:26

Wigeno abor, witimo gir'amien aka kisi ŋat'acel acele kwoŋ win koco cipa nyawote; onyo ameno, winoloki lowo mewin?

Ezekiel 45:9

Rwoth Were waco ama. Oromo, awi jodhum ma Isiraili! Weyi win akaka kodi diyo ji. Tim win tiro kodi gim'otire. Weyi win riemo ji paran.

Ezekiel 46:18

Wod kere kiripi mayo ji lim pajo, riemo jo woko kama jobed'iye. Go ripo miyo wote mic wok i lim pere, ŋey wongoye kwoŋ ji paran ma woriem i lim pajo.

Ezekiel 8:17

Kenyo go owaco ran ni, “Wod dhano, obedo gima sew ri ot pa Yuda nike jotieko timo amien ma jotimo ka? Jotieko poŋo i piny akaka, to jokwinyo nge paran, neni, jodienyo um gin.

Amos 2:7

Jonyono wi jom'oloc gi joma bu gimoro i fukefuke ma lowo, aka jowiro yo pa jocandi. Nyathi gi bamere jonindo gi ŋeca madhako acel, to jokelo wickwot ri nyingan maleŋ.

Amos 4:1

Winji win gime, mon ma Samaria. Win ma wipoŋ pa dhok ma wi got Basan, m'ipidho maber, ma jodiyo jocandi, aka wiŋinyo joma cando gimoro. Wiwaco ri cwogi win, jowokeli riwin vini wimadhi.

Amos 8:4

Winji win gime, win ma winyono joma bu gimoro, aka wireyo woko jocandi ma piny.

Mika 3:9

Winji win gime win jotel ma ot pa Yakobo, kodi jodhum ma ot pa Isiraili. Win ma widak tiro aka wiwiro gimo'tire gi gim'okom.

Mika 6:12

Joŋaŋo mewin jopoŋ gi maker, joluwo twodo, aka lew gin opoŋ luwirok kicar.

Malaki 3:5

Rwoth pa lwak jolweny waco ama: Kenyo abino core cegin gi win thumo banja; aka abino bedo mayil kwoŋ jothieth, jocot, ji ma jokwoŋere nono, ji ma jodiyo jakipakasa cul pere, citho, nyithindho kic, kodi jopath, aka jokilworan.

Matayo 23:13

Kidamba otundi riwin, jondiko kodi Jofarisayo, jorendirok! Wicego ri ji dhiot ma donjo i Ker ma polo, aka wiwegi wikidonj'iye, odoko wikiyey joma mito donjo jowodonji.

1 Timothe 6:10

Kole maro pesa ama wok'iye reco ma nger je. Jomegi jobedo g'awanya mathoth ri pesa am'omiyo jopodho woko i yeyo aka jokelo gut madwoŋ i cuny gin.