Mika 1:6 - KITAWO MALEŊ

⁶ Riameno abino loko Samaria kidhur rerok kam'othangere, kabedo ma pidho ndelo vini, aka abino konjo piny telin mere i milelo, t'akedho kinde.

KITAWO MALEŊ Catholic

⁶ Riameno abino loko Samaria kidhur rerok kam'othangere, kabedo ma pidho ndelo vini, aka abino konjo piny telin mere i milelo, t'akedho kinde.

Mika 1:6 ပူးပေါင်းရင်းမြစ်များ

2 Samwiri 17:13

Ka go oringi to donjo i tindi madwoŋ, ji mawan jobino kelo thondhe to joywayo kore piny milelo. Ongoye tele kad'acel ma bino doŋ kenyo.”

2 Kerin 18:10

I oro mar'adek ma cego, Samaria opodho. Me oyido oro mar'aucel ma dhum pa Hezekia, aka oro mar'abuŋwen ma dhum pa Hoseya.

2 Kerin 18:9

I oro mar'aŋwen ma dhum pa Hezekia, m'oyido obedo oro mar'abirio ma dhum pa kere Hoseya wod pa Ela, kere Salimanesa ma Asiria omonjo Isiraili to cego Samaria.

2 Kerin 19:25

Senakerib, onyo winji, gima an Rwoth awaco. Acano gime cango con. Aka ikiniaŋ kiri, nike an won, aŋat'amiyin timo gigipiny me. Amiyin kisika woko, tindin madongo m'otinda.

Isaya 17:1

Me mikwenda ma teko ma mako kwoŋ Damasiko. Neni, Damasiko kilabedo tindi madwoŋ kendo, aka labedo kidhur gunda.

Isaya 25:12

Kor ot pere ilaguro piny, t'ibolo woko piny i fukefuke.

Isaya 25:2

Kole itieko loko tindi madwoŋ kidhur, tindi madwoŋ m'otinda iloko gunda, muluwir pa jopath k'obedi tindi madwoŋ kendo, kilageto kendo.

Yeremia 31:5

Ilapidho ndelo vini kendo, wi got Samaria, jopidho jolapidho, aka jolacamo olemo mere.

Yeremia 51:25

Kole amon swa kodin, awi got ma jarey, Rwoth waco. Alarieyo cingan kwoŋin, t'afuta in piny wok malo t'alokin buru.

Yeremia 51:37

Babilon lalokere kidhur gundin, kero kibwe, gima miyo jo bwok gi kirin, m'ongoye ŋata bed'iye.

Yeremia 9:11

Me apaka Rwoth waco, “Alaloko Yerusalem gundin m'opanga, kabedo ma kibwe jobed'iye; tindin madongo ma Yuda jolalokere thim, kabedo m'ongoye ŋata bed'iye.”

Ywakirok 4:1

Neni paka zahabu olokere ma nimnim, nger ma zahabu macil owire, telin ma leŋo jokedhere, i kisi gike ma royo.

Ezekiel 13:14

Alaŋinyo woko kor ot ma wifuyo matar no, to gore piny i lowo, ŋey misingi mere wothangere. Lapodho aka wilarere i iye; kenyo wilaŋeyo ni An Abedo Rwoth.”

Hoseya 13:16

Samaria labielo banja pere, kwoŋbedo go otieko gwenyere kwoŋ Were pere; abor laneko jo, nyithindho pajo ilaŋidho piny mathindho thindho, aka ilabaro iy mon pajo ma joyac.

Amos 5:11

Widiyo jocandi, aka winyaga ŋano pajo. Riameno wikibino nindo i udi mewin m'ogeti gi telin mafoth, kosa madho vini wok i ndelo vini mewin ma wi pidho.

Amos 6:8

Rwoth Were pa lwak jolweny waco ama: Adaki pakirok pa Joisiraili, aka acayo kapondo pajo. Abino miyo tindi madwoŋ pajo gi kisi gima nitie iye ri jokwor.

Mika 3:12

Riameno kwoŋbedo win ibino furo Zayon paka ndelo, Yerusalem bino cale kidhur gundin, aka tendere ma Ot pa Were bino lokere lul.

Habakuk 3:13

Iwok botho ji perin, botho jom'owir perin. Iŋidho jatel ma ot pa jokidakana, ireyo woko joma luwo go kicutho.

Matayo 24:2

To go odwoko jo ni, “Wineno gigipiny me je, k'ameno? Adieri awaco riwin, ongoye ka tele kad'acel m'ibino weyo wi nyawote ma k'okedhi woko.”