Mika 1:11 - KITAWO MALEŊ

¹¹ Kadhi win wibedi jowiloka, win ji ma Safir, kinyoro aka giwickwot. Win ji ma Zana wikiri wiwok i tindi madwoŋ mewin, kole kiuja ma Bethezel miyo win ŋeyo nike kapondo ongoy'iye.

KITAWO MALEŊ Catholic

¹¹ Kadhi win wibedi jowiloka, win ji ma Safir, kinyoro aka giwickwot. Win ji ma Zana wikiri wiwok i tindi madwoŋ mewin, kole kiuja ma Bethezel miyo win ŋeyo nike kapondo ongoy'iye.

Mika 1:11 ပူးပေါင်းရင်းမြစ်များ

Isaya 16:2

Paka winyin m'oriem wok i od gin jolera, ameno bende apaka nyir ma Mowab jolabedo, i thengi malawa Arnon.

Isaya 20:4

Ameno apaka kere ma Asiria latero kinyoro jotwec ma go omaki wok i Misir gi Ethopiya, mathindho gi madongo, jolawoth kinyoro gi par tiendi gin, ma jok'oumo madeko gin, kelo wickwot kwoŋ Misir.

Yeremia 13:22

Aka k'ipenjere gi i cunyin ni, “Raŋo gigipiny me jopodho kwoŋan?” Obedo ro reco mewin ma kiwacere m'omiyo otiŋ rinda mewin malo t'inindo gi win gi mbaka.

Yeremia 48:6

Jowaco ni, kwakere win, ringi win wibothi kwo mewin, paka punda madhako madudi i thim.

Yeremia 48:9

Kethi gicen cumbi ri Mowab, kole go lapodho adieri, tindin pere ladoŋ nono, m'ongoye ji ma jobedi i iye.

Ezekiel 16:37

Riameno acegin coko jomitirok perin je, m'isiemere gi jo, jono je m'oyido jomitin kodi ma jodakin. Alacoko jo kwoŋin thoko iye je, aka alathango kinyoro perin rijo, ŋey jowoneni kinyoro perin je.

Ezekiel 23:29

Jolatic kodin gi dakirok, jolatero lim je m'itieko tiyo rigo to joweyin kinyoro aka nono. Jolathango kinyoro perin kodi malaya perin kodi nyacwo perin.

Mika 1:8

Ro gime abino ywak, t'auja aka ma nyutho rembo paran abino wotho gi par tiendan aka kinyoro. Abino jero paka ogwaŋe madudi, t'auja paka maya.

Nahum 3:5

Neni, adakin, Rwoth pa lwak jolweny waco, alalunyin kinyoro; alathango ri nonin kinyoro perin, kodi wickwot perin ri kerin.

Zekaria 14:5

Wiladwire gi milelo ma gote; kole milelo ma gote latundo kiri Azel, aka wilaringo paka wiringo woko kwoŋ yengirok pa piny i hongo pa Uziya kere ma Yuda; aka Rwoth Were paran labino, kanyacel gi jomaleŋ je.

Yosuwa 15:37

Zenan, Hadasa, Migdalgad,