Matayo 8:4 - KITAWO MALEŊ

⁴ To Yesu waco rigo ni, “Neni! Ikir'iwaci ri nyatoro, to kidhi tirtir bongi jacway ri Were i wi migam, go wokaŋasa in, aka imiy mic ma cowirok ma nyutho dhano je nike ibothi, paka mitere i Or ma Musa ondiko.”

KITAWO MALEŊ Catholic

⁴ To Yesu waco rigo ni, “Neni! Ikir'iwaci ri nyatoro, to kidhi tirtir bongi jacway ri Were i wi migam, go wokaŋasa in, aka imiy mic ma cowirok ma nyutho dhano je nike ibothi, paka mitere i Or ma Musa ondiko.”

Matayo 8:4 ပူးပေါင်းရင်းမြစ်များ

Isaya 42:21

Rwoth osangala ro timo gim'otire, ma tiŋo malo cik pere gi miyo dwoŋ.

Jolevi 13:49

ka two onyuthere manyaboke pendi kosa m'obokere i nanga, kam'odole, kosa ma pien, kosa i pien, kosa i gimoro je m'otimi gi pien, obedo two dhowo aka iripo nyutho jacway ri Were i wi migam.

Matayo 10:18

Ibino tero win bongi jodhum madongo kodi kerin ro an, ŋey wititi Wac Manyen Maber rijo kodi ri Jopath bende.

Matayo 16:20

Gikenyo Yesu ociko jofonjirok pere ni kiri jowotuci ri moro nike go obedo Kristo.

Matayo 17:9

Munyo jotieko loro wok wi got, Yesu ociko jo teltel ni, “Wikiri wiwaci ri moro kwoŋ gim'onenere me cuka Wod Dhano otiek cerino kwoŋ jom'otho.”

Matayo 3:15

To Yesu odwoko go ni, “Weyi watim ameno pama. Kole i tim me wabino tiro gimoro je ma Were yenyo.” To Yohana yeyo.

Matayo 5:17

Wikiri wipar nike abino ka kwanyo woko Cik pa Musa kodi fonji pa jotuci wac Were, t'abino nyutho dwoŋ mere mar'adieri ayin.

Matayo 6:1

Gwokere win wikiri winyuthi tim mewin mabeyo i waŋ ji ni aka ji jowoneni to jofoyo win. Ka witimo ameno i dier ji wik'olim kemba bongi Bawin manitie i polo.

Matayo 9:30

Waŋ jono ocako neno. To Yesu ciko jo teltel ni, “Wikiri wiwaci ri nyatoro.”

Mariko 13:9

“Kure win, rupiri jobino tero win i kapido; ibino goyo win i kitipa pa jom'oyeyo pa Joyuda aka wibino cungo ruwaŋ rwodhe kodi kerin ro an, aka wititi rijo Wac Manyen Maber,

Mariko 3:12

Yesu ociero cuny m'ocido kicutho miyo ji ŋeyo go.

Mariko 5:43

Yesu ociko jo teltel ni kiri jowowaci ri nyatoro; to oro jo miyo nyano gir'acama.

Mariko 6:11

Ka witundo kamoro to jokwero jolo win, kosa winjo fonji mewin, ka wikadho teŋi win woko fukefuke ma tiendi win, paka ranyuth ma theko win gi jo.”

Mariko 7:36

Yesu ociko jo teltel ni kiri jowowaci ri nyatoro. To paka omedo ciko jo, apaka bende jomedo nyayo wac no iye je.

Mariko 8:30

Yesu ociko jo ni, “Wikiri wiwaci ri nyatoro gima wiŋeyo kwoŋan.”

Mariko 9:9

Munyo joloro wi got, Yesu ociko jo ni, “Wikiri wiwaci ri nyatoro gima wiwok neno, cuka Wod Dhano otiek cerino kwoŋ jom'otho.”

Luka 17:14

Munyo Yesu oneno jo, owaco rijo ni, “Kidhi winyuthere i waŋ jocway ri Were i wi migam.” Gikenyo munyo fodi jowotho jokadho to delkwoŋ gin lokere m'olony.

Luka 21:13

Me bino bedo hongo mewin ma tito Wac Manyen Maber ri jono.

Luka 4:41

Jwogi jowok kwoŋ ji mathoth ka joywak ni, “In, i Wod Were!” To go oay kwoŋ jo to cero jo luwo, rupiri oyido joŋeyo ni go Kristo.

Luka 5:14

Aka Yesu ociko go teltel ni, “Ikir'iwaci ri nyatoro; to kidhi inyuthere ri jacway ri Were i wi migam, aka iter mic paka Musa ooro, ma nyutho gine ji ni onyo ilony.”

Luka 8:56

Jonywol pere jouro swa, to Yesu ciko jo ni jokiri jowowaci ri moro je gim'otimere.

Luka 9:21

Ro wac no Yesu ociko jo teltel ni kiri jowowaci ri nyatoro gime;

Yohana 5:41

“Akiyeny pak pa ji,

Yohana 7:18

Kole ŋata luwo gi meni pere won temo miyirok dwoŋ. To ŋata mito dwoŋ ri ŋat'ooro go meno otire, aka ongoye gi twodo i go.

Yohana 8:50

Akirangi dwoŋ paran awon, to nitie Ŋata rango aka ama bino bedo jathum banja.