Matayo 7:12 - KITAWO MALEŊ

¹² Tim win ri jowoti win gima wimito jowotimi riwin: Me a dwoŋ Cik pa Musa kodi fonji pa jotuci wac Were.

KITAWO MALEŊ Catholic

¹² Tim win ri jowoti win gima wimito jowotimi riwin: Me a dwoŋ Cik pa Musa kodi fonji pa jotuci wac Were.

Matayo 7:12 ပူးပေါင်းရင်းမြစ်များ

Ezekiel 18:21

Ka jakidakana owire woko kwoŋ reco pere m'otieko timo, aka go okur cik paran je, aka otim tiro kodi gim'otire, go kilatho, go lakwo adieri.

Jolevi 19:18

Ikir'iculi kwor kosa imaki ŋonge kwoŋ nyithindho pa joger perin, to mar nyawotin paka in won imare. An abedo Rwoth.

Mika 6:8

Rwoth otieko nyuthin gimaber, in nyatoro, aŋo ma Rwoth mitin itim, ka k'obedo timo tiro, nyutho kisa, kodi woth gi mwolo iy'acel gi Were perin?

Malaki 3:5

Rwoth pa lwak jolweny waco ama: Kenyo abino core cegin gi win thumo banja; aka abino bedo mayil kwoŋ jothieth, jocot, ji ma jokwoŋere nono, ji ma jodiyo jakipakasa cul pere, citho, nyithindho kic, kodi jopath, aka jokilworan.

Matayo 5:17

Wikiri wipar nike abino ka kwanyo woko Cik pa Musa kodi fonji pa jotuci wac Were, t'abino nyutho dwoŋ mere mar'adieri ayin.

Luka 6:31

Tim ri jowotin paka imito bende jowotimi rin.

1 Timothe 1:5

Atoŋa ma or me obedo mar, aka wok i cuny m'olony, kodi i paro m'otire, kodi i yeyo mar'adieri.

Yakobo 2:8

Ka wimako maber cik ma Ker ma nwaŋere i ndiko ma waco ni, “Mari nyawotin paka iwon imarere.” Meno witimo gim'otire.